日本
| {{{国家名称}}} | |||||
|
|||||
| 自然地理 （实际管辖区） |
|||||
| [[Image:{{{国家位置图片文件名}}}|250px]] | |||||
| 首都 | {{{国家首都名称}}} | ||||
面积
|
|||||
| 人民生活 | |||||
人口
|
|||||
| 政治文化 | |||||
| 国家领导人： | |||||
| 经济实力 | |||||
| 国家资料 | |||||
日本（蘇州閒話：[zəʔ][pən]），正式叫日本國，位於亞洲東部個島國，領土由北海道、本州、四國島、九州四個大島搭3900來個小島組成，西臨日本海搭朝鮮半島隔海相望，東許是太平洋。“日本”搿個詞個意思是“太陽升出來個場化”。日語裡向“日本”一詞有多種假名寫法，“にっぽん”（ㄋㄭㄆㄆㄨㄣ）（Nippon）搿個名字用勒郵票或者國際性體育賽事裡向，而“にほん”(ㄋㄭㄏㄨㄣ)(Nihon)多用勒日常用語當中。英語裡向個Japan，有人認為來源於Zipanguㄗㄧㄆㄢㄍㄨ或者Xipanguㄒㄧㄆㄢㄍㄨ(古代漢語方言發音個“日本國”）。“やまと”（大和）是日本古時候個一個地區，勒現在個奈良縣，意思是四周撥山包圍個地方。大和政權勢力擴大之後，有辰光指代日本全部。
内容 |
[编辑] 歷史
根據日本神話，日本勒經歷仔一段漫長個神話時期之後，傳說當中天照大神個後裔神武天皇勒西元前660年建立日本國並且即位為天皇。另外傳說有秦朝個居士徐福曾奉秦始皇之命，帶同五百童男童女（也有話三千）到日本去尋長生弗老藥（也有話以求藥為名，複國為實），後來子反而勒搿敦落地生根。弗過今朝個考古證據表明，古代個日本是由眾多部落國家以及從東北亞遷徙去個遊牧民族融合演變而成個。
西元6世紀前，日本透過朝鮮諸國一直吸收來于亞洲大陸個文化。西元6世紀，通過聖德太子“推古改制”搭孝德天皇“大化革新”等改革，學中國，提高皇權，強化政府官僚制度。
隨仔地方莊園勢力不斷增強搭中央政府內亂，武士階層慢慢較上升為權力中心。1192年，武士首領源賴朝撥封為征夷大將軍，建立鐮倉幕府，開始幕府勒日本600來年個統治。搿段時期一般分為：鐮倉幕府、南北朝時代、室町幕府、戰國時代、江戶幕府。
到16世紀，葡萄牙、荷蘭、英國搭西班牙個商人搭仔傳教士到達日本。17世紀初，日本開始實行鎖國政策，除脫勒長崎搭荷蘭、中國商人仍保持貿易外，搭外國斷絕一切關係。搿個孤立政策持續近200年，一腳到1854年美國海軍準將佩里（Commodore Perry）率領艦隊，抵達江戶附近個浦賀，再重新敲開日本個國門。
搭西方重新接觸後個日本馬上就覺著自家相當落後。咯咾通過以西南四藩（薩摩、長州、土佐、肥前）為主個維新人士帶領，開始一場全國性個倒幕尊皇運動。搿場大規模個運動結果是1868年末代將軍德川慶喜主動大政奉還撥以天皇為首個新政府。1868年開始個明治維新對日本進行了多項改革，封建體制撥廢除，引進西方政治體制，包括西方個法律體系及政府體系。此外，其它勒經濟、政治、軍事浪個多項改革使得日本實力逐漸增強。1879年，日本強行吞併脫琉球群島。日本個野心也引發後來子個中日甲午戰爭（1895年）搭日俄戰爭（1905年）。通過搿星戰爭，日本佔領朝鮮、臺灣等多處領地，控制中國東北，並且獲得交關戰爭賠款，實力迅速膨脹。 模板:日本歷史 20世紀初，日本軍事實力發展迅速，慢慢較跑上軍國主義侵略擴張之路。1931年日本以從歐美殖民地中奪回亞洲人民自決之名目，實質攻打中國東北三省，建立了傀儡政府滿洲國。1937年日本對中國進行侵略，引發侵華戰爭。1941年日本對美軍駐地夏威夷個珍珠港進行偷襲，並且侵略東南亞及大洋洲多個地區，引發太平洋戰爭。到戰爭後首來，日本本土撥盟國封鎖搭仔轟炸。1945年8月，美軍勒廣島搭長崎投下去兩粒原子彈，蘇聯也開始對日作戰。日本被迫投降，兩戰到此結束。
戰後，日本受美國主導個聯合國軍最高司令官總司令部（GHQ）管轄，一腳到1952年。之後日本進入經濟復蘇與高度發展時期，國力再度增強，經濟實力趨於雄厚。另外，日本重新加入聯合國等國際組織，東京成功申辦1964年夏季奧運會，表明日本重新獲得世界接納，國際影響力也與日俱增。
[编辑] 軍事
第二次世界大戰結束之前，日本是一個軍國主義國家。日本軍隊曾經侵犯中國、韓國及位於東南亞個西方殖民地，如馬來西亞、新加坡、印尼、菲律賓等，並且作為軸心國搭美國、英國、蘇聯等同盟國發生戰爭。1945年戰敗後，日本勒美軍總司令麥克亞瑟當權個辰光，制訂和平憲法，當中個第九條規定日本弗得擁有軍隊，因此部分美軍仍留駐當地以加強國防，使得日本，加上後來子個南朝鮮（South Korea），成為美國勒東亞軍事個橋頭堡。1950年朝鮮戰爭開始後，為了對抗蘇聯陣營，日本受美國指導，逐點開始武裝，由員警部隊發展出一支廿幾萬人個軍事武裝：日本自衛隊。開始個辰光，自衛隊只允許勒日本境內活動，但是近年自衛隊開始朝外國派兵。其中2003年美伊戰爭（伊拉克戰爭）爆發後，自衛隊配合美軍駐紮伊拉克協助當地重建工作。由於憲法限制，部隊雖有武器，但只可以勒撥人家襲擊個辰光再可以用來自衛，咯老英國及義大利駐當地部隊需負責其保安。
從1993年起，日本個軍事支出連續10多年隻僅次於美國。勒2004年位居美國、英國、法國之後，為世界第四位。國防開支總額達49600億日元，比2003年增加了0.7%。而人均國防費用則居世界第一。
2005年11月22日 執政黨自由民主黨勒東京舉行建黨50周年紀念大會，並且正式公佈了其提出個憲法修改草案。草案個核心內容是要廢除現行憲法中日本不得擁有陸海空三軍等武裝力量個規定，要求幫日本自衛隊升格為“自衛軍”，並且規定“自衛軍”可以為“確保國際和平而展開國際合作活動”。草案需獲得議會通過，並且經全民公決得到至少2/3贊同票再可以生效。
[编辑] 政府與政治
日本是君主立憲制國家，憲法講“主權在民”，而天皇為“日本國及人民團結個象徵”。搭世界浪多數君主立憲制度一樣，天皇勒日本只有元首名義，而嘸得政治實權，但是受民眾尊重。
日本政治體制三權分立：立法權歸兩院制國會；司法權歸裁判所，即法院；行政權歸內閣、地方公共團體及中央省廳。
憲法規定國家最高權力機構為國會，眾議院480席，參議院242席。選民為20歲以上個國民。
從1955年起，原稱保守合同個自由民主黨（自民黨）一直長期執政，只弗過勒到1993年到1996年之間撥對手替代執政，1996年之後就一直執政到今朝。其餘在野政黨包括日本民主黨、日本共產黨等。現在日本由自民黨及公明黨組成個聯合政府執政。
[编辑] 外交關係
國際關係浪日本最親密盟友是美國，而因為美國勒當地駐軍，使得日本勒美國東亞外交策略中有一定影響力。作為世界第二大經濟體系，日本努力勒世界舞臺上爭取與之相等個角色；曾聯同德國、巴西及印度組成四國集團朝聯合國提交改革安全理事會建議，其中提出加入伊俚國家為常任理事國。有星問題，譬如捕鯨，仍歸讓日本成為國際組織個批評物件，但是日本搭世界關係基本和平。搭居正好相反個是，由於對二戰歷史、領土邊界及軍事威脅等認知弗同，日本搭鄰國，特別是搭中華人民共和國、北朝鮮及南朝鮮個關係相對緊張。
[编辑] 領土糾紛
日本搭中華民國（現在臺灣控制區）、中華人民共和國（現在大陸控制區）、韓國、朝鮮、俄羅斯等國家或者地區儕有領土爭議。
[编辑] 釣魚島
位於臺灣東北方向，琉球群島西南，中華人民共和國政府稱釣魚島或者釣魚臺（日本稱尖閣諸島），屬臺灣省管轄；中華民國政府也稱釣魚臺屬中華民國臺灣省宜蘭縣管轄；但現在由日本實際控制。美國勒1972年移交琉球群島行政管轄權個辰光幫釣魚島一同移交個舉動曾經引發香港學生子示威，而中國大陸搭臺灣也有民間人士參與了保釣運動，其中1996年，香港保釣人士陳毓祥勒釣魚臺水域抗議個辰光溺水身亡。現任中國國民黨主席馬英九勒到學生時代也曾經參加過保釣運動。
[编辑] 千島列島/北方四島
日本政府一直宣稱對勒二戰期間撥蘇聯佔領，蘇聯解體後由俄羅斯控制個千島列島最南端個國後、擇捉、齒舞、色丹四島（日本稱北方四島）、北部千島列島、南樺太（庫頁島）擁有主權。
[编辑] 獨島/竹島
日本也宣稱伊俚擁有位於日本海個竹島（韓國稱“獨島”）個“主權”，該島現在由韓國控制，韓國勒搿個島員警。
[编辑] 沖之鳥礁/島
[编辑] 東海劃界及天然氣田開採
[编辑] 歷史問題
[编辑] 日本歷史教科書問題
[编辑] 靖國神社
作為日本軍國主義象徵個靖國神社建於1869年，原稱東京招魂社，1879年命名為靖國神社，是為國犧牲個日本人，即「護國英靈」個靈魂聚集地。勒1978年起供奉撥遠東軍事法庭定罪個甲級戰犯，稱搿星人為“昭和殉難者”；據後來公開個皇室書信顯示，天皇因為搿個原因從1975年之後就分寧去神社。1985年日本戰敗四十周年，首相中曾根康弘官式參拜神社，惹來中國及韓國等二次大戰撥侵略國家個抗議；之後直到2001年，嘸得在職首相到神社官式參拜。2001年起首相小泉純一郎在任六年間，弗顧亞洲國家個批評，曾經六次參拜靖國。中韓兩國為此抨擊日本政府歷史觀，並且要求首相停止參拜，日本搭中國及韓國個關係開始惡化。剛剛上任個首相安倍晉三仍分寧話是勿是要去參拜。
日本部分政治人物參拜，並且發表維護或者鼓吹參拜個言論，外相麻生太郎也曾公開要求天皇參拜靖國神社，批評者因此認為軍國主義仍歸存在於日本政府甚至社會當中。
神社旁邊設立二戰歷史博物館遊就館，館內文字介紹極力讚揚皇軍，並且展示二戰時期日軍軍備，還展出陣亡神風敢死隊軍人個相片。2006年，美國官員參觀，並且對有關美國個內容作批評之後，博物館修改了指責美國個內容。
[编辑] 日本海/東海/韓國海名稱爭議小銘
[编辑] 行政區劃
日本劃分為47個一級行政區：1都，1道，2府，43縣。
- 北海道 （1） - 北海道
- 本州 （34）
- 四國 （4） - 徳島縣 - 香川縣 - 愛媛縣 - 高知縣
- 九州 （8） - 福岡縣 - 佐賀縣 - 長崎縣 - 熊本縣 - 大分縣 - 宮崎縣 - 鹿兒島縣
[编辑] 地理
[编辑] 位置
thumb|日本空照圖日本是一個位於太平洋西岸個島國，由6800多個島嶼組成。北起北海道澤捉、東起東京南鳥島、西至沖繩與那國島（位於臺灣東岸外海）。由四個主要島嶼北海道、九州、本州及四國搭週邊個千島群島、小笠原群島及琉球群島組成，其中四大島個面積就占了國土面積個99.37%。國土總面積約為37.8萬平方公里，搭芬蘭及巴拉圭差勿多；南北總長3800公里，搭澳洲、馬達加斯加、美國差勿多。
[编辑] 地貌地質
從板塊構造學說（1968年勒皮順劃分）觀點，日本位於亞歐板塊搭太平洋板塊個消亡邊界，為西太平洋島弧-海岸山脈-海溝組合個一部分。全國68%個地方是山地。日本最高個山是有名個富士山，海拔3,776米。由於平原較少，日本交關山浪儕種植農作物，最大個平原為關東平原。日本位於環太平洋火山地震帶，全球有十分之一個火山位在日本，勒全國經常會得發生火山活動。嚴重個地震100年裡相儕會得發生幾趟；近年發生個阪神大地震、新潟縣中越地震儕是芮氏地震規模6級以上個強震，受到世界各國關注。日本個溫泉交關，並且已經發展成為旅遊景點。
[编辑] 氣候
由於日本島呈東北向，並且延伸了較長，南北跨度約20度，因此有多種溫度帶。氣候類型大部分是溫帶季風氣候，南部個九州、四國、琉球群島（歸屬存在爭議）有副熱帶季風氣候。北部島嶼夏天溫暖，冬天日子長，冷來交關，還經常落大雪。而中西部地區冬天比較乾燥，弗拉落雪，夏天潮濕。
三月至四月是春季，五月至九月初是夏季，九月至十一月是秋季，十一月底至二月是冬季。盛夏至初秋常受熱帶氣旋（颱風）侵襲。
[编辑] 經濟
政府利用資本扶持工業搭企業、強大個勞動力、高科技個發展以及較低個軍事預算比例（占GDP個1%），讓日本經濟高速發展，並且成為當今科技發達程度僅次於美國個經濟體、僅次於美國個全球第二大經濟體。日本個經濟特點是生產商、供應商搭經銷商緊密結合；強大個企業聯盟；以及部分城市人口個終身就業保障。但是搿星特點目前儕勒到隨仔時代搭社會環境變遷而慢慢較流失。
日本個經濟支柱—工業需要倚賴進口個原材料搭能源。而較小個農業要倚賴政府個補助搭保護，日本個米有本事自給自足，但其它農作物個50%儕需要進口。日本是全球最大個漁業國家之一，捕魚量占全球總捕魚量個近15%。日本經濟從1950年代末期開始，保持了20多年個高度增長：1960年代政府提出“所得倍增計畫”，出現平均10%個增長；1970年代初期雖然碰拉石油危機，平均仍有5%個增長；1980年代只有平均4%個增長。而從1990年代開始，日本經濟趨向於弗景氣，主要是因為1980年代末期個過度投資造成個資產膨脹，以及證券及房地產市場個“泡沫化”，最終勒逾放比過高搭日圓弗斷升值個雙重影響中，泡沫經濟瓦解。政府改革經濟個努力成效弗大，弗過，1997年個亞洲金融危機搭2001年個美國經濟衰退只對當時個日本經濟造成輕微影響。
雖然日本經濟增長減緩，但失業率仍長期處於低水準。
擠來交關個居住環境以及人口老齡化是兩大問題。機器人製造是主要個長期經濟優勢，全球720,000個機器人當中，日本有410,000只，可以話是機器人王國。
[编辑] 人口
總務省統計局公佈個“平成17年國勢調査”指出，截至2005年10月1日，日本總人口為1億2775萬6815人，勒全世界排行第十，人口正逐點減少；人口密度343人/平方公里，其中以東岸地區搭南部地區最為密集。全國80%人口集中於城市或者大鎮，26%以上人口住了勒大東京地區（首都圈），49%以上人口集中勒東京都、大阪府及神奈川縣，而東京都人口密度為5,748人/km2。
日本人（日本國民）個民族構成比較簡單，但並弗是單一民族國家。大致98%是大和族，剩下來有200萬人左右琉球人（明治維新後勒1872年撥日本政府併吞個琉球王朝個遺民）、3萬人左右個阿伊努族、30萬多日籍朝鮮族、10萬人左右個日籍漢族等。除了日本人以外還有200萬外國人合法住了勒日本，包括60萬朝鮮、韓國人、50萬中國人等。大和族個人種起源於日本群島、亞洲大陸及附近太平洋群島等各個地方，語言搭文化受到鄰近個中國及朝鮮影響。現在包括外國人個日本居民當中99%以上人口通曉日語。剩下來個1%左右，主要包括新近移居日本個中國人、巴西人等，也或多或少兼通日語。現行個公用語言是以江戶山手地區（今東京中心一帶）個方言為基礎個“標準語”。
[编辑] 宗教
神道搭佛教是日本個主要宗教，其中神道是勒日本本土發展出來個宗教。大多數日本人並弗信奉一個特定宗教，但是交關宗教儀式或者活動已經搭日本人個生活融為一體，譬如婚禮搭葬禮。交關人由於歷史原因搭科學發展而對宗教漠弗關心。
[编辑] 文化
- 日本國花 菊花、櫻花（嘸得法律規定）
- 日本新年
- 日本節日
- 日本曆
- 日本傳統藝能
- 日本音樂
- 日本動漫
- 日本武士
- 日本宗教
- 日本體育
- 日本棋藝
- 日本旅遊景點
- 日本服飾
- 日本人列表
- 日本大學列表
- 日本三大一覽
[编辑] 其它主題
[编辑] 外部連結
- Kantei.go.jp - 首相及內閣官方網站
