江阴
| 面积 | 980平方千米 |
| 人口 | 115万人(2002年) |
| 语言 | 吴语江阴闲话 |
| 行政级别 | 县级市 |
| 邮政编码 | 214400 |
| 电话区号 | 0510 |
江阴（江阴言话：[kᴀŋ][iɪŋ]）市，简称“澄”，顾名思义，就是勒长江个南面，勒拉中国江苏省南部，濒临长江，归地级无锡市代管，是长江中下游地区个交通枢纽之一。
内容 |
历史沿革 [编辑]
东周个辰光，叫延陵，前后是吴国公子季札搭楚国春申君个封地。秦汉归毗陵县地，西晋析置暨阳县。南梁辰光设江阴郡，因为地处长江之南，故而得名。南唐置江阴军，元改成功州，明降为县。1987年撤县设市。因宋代时城北门称澄江门，城内设澄江驿，故江阴简称叫“澄”。
行政区划 [编辑]
2008年，江阴市有13个镇，1个街道办事处，250个行政村，7289个村民小组；106个社区居民委员会。市政府来拉澄江（街道办事处）。
经济产业 [编辑]
江阴经济比较发达，人民生活比较富裕，多趟名列全国综合实力百强县个前十名。渠个经济主体是乡镇企业，拨称为“中华头一村”个有名个华西村就勒拉江阴个华士镇。全市有十来家上市公司，数量位居中国所有县搭县级市当中个首位。当地工业个主要门类有发电、纺织、机械、冶金、轻工等等。另外，以荣毅仁、荣智健为代表个荣氏家族也勒该搭有巨额个投资。
全市地形侪是平原或低山丘陵，河网密布，渔业发达。农产品主要有稻、麦、油菜、鱼类等。
别样事体 [编辑]
江阴近段个长江江面比较狭，而且子勒拉古都南京下游弗远个场哈，所以成着一荡军事要塞，造有江防炮台了啥。该个两年把来又造着一座江阴长江大桥，是重要个交通枢纽。
江阴长江对过个靖江，原生是长江里向个沙洲，明朝之前一径归江阴管个。明中期，俚搭江北慢慢交连拉一淘，就析置出靖江县。近两年把来，因为大桥个修建，两地经济联系越来越紧密。目前已经结成经济协作共同体，还开通仔城际公交班车，促进两座城市个一体化发展。
江阴闲话 [编辑]
江阴辖区内语言大约可分为5个片区
澄西片(申港、西石桥、利港(上乡)、石庄、璜土)，依片语音接近武进，“什么”说“爹佬”，用“佬”作结构助词，如红佬(红的)、黑佬(黑的)，指示代词“这”说“记”，如“记头”(这里)，“那”说“过”，如“过头”，“猪肝”称“潮头子”，全区除申港外，“玩”说“调”，申港为澄西片话与澄江街道话的过渡地带；
澄要片(澄江街道、夏港、西郊、南闸、要塞、山观、云亭、长山、周庄、长寿、峭岐)，“他”说[t'a]、“去”说[k'ei]，“这样”说“十梗”、“什么”说“叨则”，“猪肝”说“肝油”、“割稻”称“扎稻”，动词“给”说“把”。有儿尾如“饺儿、把儿、筷儿”；
澄东片(华士、新桥、陆桥、北国、顾山、长泾、祝塘、河塘)，华士、新桥接近张家港吴语，顾山、北国接近常熟吴语，该片用“啥”作疑问代词，如“啥场化”(地方)，用“脱”(了)表示完成，如“走脱、吃脱”，“里面”谓“里向”，“刚刚”谓“恰罗”，顾山、北国、新桥、长泾将“许多”说成“杭杭情情”，长泾、北国、顾山还有“那能”(怎样)一词；
澄南片(青阳、桐岐、月城、璜塘、文林、马镇)，与锡山交界，马镇、璜塘、文林有翘舌音，“小女孩”称“毛丫头”。
此外，还有非吴语的利港下乡片，属江淮方言，人称“滩里话”，人口二万余，沿长江呈带状分布。嗯些人的老祖宗主要来自对江，也有来自南通、盐城等地，该方言以利港长征村语言为代表。
外部链接 [编辑]
| 江苏省行政区划（省会：南京市） |  |
||||||||||||||||||||||||||||||
|
|||||||||||||||||||||||||||||||
