青龙

吴语维基百科,自由个百科全书
跳到导航 跳到搜索
瓦当上个青龙图案
朝鲜古迹里个青龙

青龙,又名苍龙中国传统文化四象之一。

根据五行学说,渠代表东方个灵兽,是青色,五行属木,代表春季,司风雷,滋生万物。《后汉书·律历志下》记载:“日周于天,一寒一暑,四时备成,万物毕改,摄提迁次,青龙移辰,谓之岁。”

来拉中国古代天文学个廿八宿里,青龙是东方七宿()个统称。

《周易·乾卦》个爻辞作兴反映个就是古人对东方七宿运行个完整观测结果——

爻辞 天象
初九,潜龙勿用。 青龙七宿伏拉地平线下头。
九二,见龙在田,利见大人。 夜快头角宿搭天田一淘初现东方。
九三,子终日乾乾,夕惕若厉,无咎。 青龙七宿缓慢升起。
九四,或跃在渊,无咎。 青龙七宿跃出地平线,尽现东南方。
九五,飞龙在天,利见大人。 青龙七宿横亘中天。
上九,亢龙有悔。 青龙七宿开始西落。
用九,见群龙无首,吉。 角宿沉入西方。

来拉道教信仰里向,渠讴青龙孟章神君(《七帝紫庭延生经》:“朱雀为陵光,玄武为执名,青龙为孟章,白虎为监兵。”),搭白虎监兵神君一淘,是镇守道观山门个护卫天神。

四象七曜廿八宿
东方青龙 木蛟 金龙 土貉 日兔 月狐 火虎 水豹
北方玄武 木獬 金牛 土蝠 日鼠 月燕 火猪 水貐
西方白虎 木狼 金狗 土雉 日鸡 月乌 火猴 水猿
南方朱雀 木犴 金羊 土獐 日马 月鹿 火蛇 水蚓