北海道
北海道（日文：北海道／ほっかいどう Hokkaidō）是日本顶北面隻一级行政区，也是日本乃朝唯一用“道”起名字个行政区划，更加是全日本面积顶顶大个一级行政区。道厅所在地（首府）是札幌市。
北海道亦可以指箇個行政区勒拉个岛，北海道本岛。伊搭本州岛、四国岛、九州岛一道畀叫作日本本土四大岛，面积有77,983.92平方公里，是日本面积第二大岛[1]，也是世界面积第21大个岛。
北海道有拉日本四分之一个农地，是日本粮食、蔬菜个重要基地[2]。
地名个由来
[编辑]北海道浪个原住民阿伊努语曾经叫北海道、库页岛、千岛群岛箇些阿伊努人住个地方阿伊努茅希利（阿伊努语假名：アィヌモシㇼ，转写：Aynu-mosir），意思是人类住个地方。
大和人叫阿伊努人为虾夷，所以叫北海道虾夷地。开拓使成立以后，曾有北加伊道、海北道、海东道、日高见道、东北道、千岛道等六個方案。阿末，政府决定模仿律令制时代五畿七道里向个东海道、南海道、西海道，将“加伊”（かい/カイ、kai）改成同音个“海”，拿地名改成北海道[3][4]:4。
地理
[编辑]
北海道勒拉日本个北面，南面搭本州岛隔了個津轻海峡，北面搭库页岛隔了個宗谷海峡，西面是日本海，东面是鄂霍次克海、千岛群岛搭太平洋。北海道本岛个面积有77,983.92平方公里，是日本面积第二大个岛。
北海道长来像個菱形。从中心来看，日高山脉往南，石狩山地向东，北见山地、天盐山地向北，夕张山地向西，当中石狩山地个地势顶顶高，有北海道个最高峰旭岳（海拔2,219米）[5]。山当中个是富良野盆地、上川盆地、名寄盆地等盆地。山个西面是個半岛，主要包括渡岛半岛搭道南山地。勒拉山搭半岛当中个石狩低地带北面到石狩湾，南面到太平洋，是北海道人口顶顶集中个地方。北海道东面个知床半岛个山是千岛弧个延长[6]。
北海道本岛附近有好几座离岛，多数勒拉日本海伊面。主要离岛有渡岛小岛、渡岛大岛、奥尻岛、天卖岛、烧尻岛、利尻岛、礼文岛等[7]。
勒拉北海道所有河浜当中，顶顶长、流域面积顶顶大个是石狩川。石狩川长268公里，是日本第三长个河浜，排拉信浓川、利根川后头；流域面积有14,330平方公里，只比利根川个小，是日本流域面积第二大个河浜[8]，曾经截弯取直过[9]。除脱石狩川，天盐川[10]、十胜川[11]、钏路川[12]等河浜亦是北海道一级水系当中长度比较长、流域面积比较大个河浜。
北海道亦是日本湖泊多个地方，按照成因好分两类：一类是火山口湖，譬如阿寒湖、支笏湖、洞爷湖；另外一类是海迹湖，譬如佐吕间湖、网走湖[13]。
气候
[编辑]几乎所有地方侪算温带季风气候，年平均气温差弗多5到10度，年均降水量有800至1,800毫米。
历史
[编辑]古代历史
[编辑]北海道从旧石器时代开始，就有人类活动，主要是现在个阿伊努人个续绳文时代、擦文文化。北海道鄂霍次克海沿岸地区曾经是鄂霍次克文化，必过畀擦文文化同化脱。14世纪以后，北海道进入阿伊努文化。[14]
室町时代开始，大和人到达渡岛半岛定居[15]。大和人搭阿伊努人之间贸易，但也有冲突。阿末阿伊努人输脱战争，畀完全融进大和人个体系当中[16]。
江户时代阿末个辰光，随咾俄罗斯个领土扩张到远东地区，为仔加强对俄罗斯个防卫，幕府派人探险，对北海道有所了解。
开拓使到二战
[编辑]
1868年，明治新政府设立箱馆府，北海道地区开始勒拉新政府个管理当中[17]。但是，勒拉12月份，旧幕府军占领五棱郭，控制北海道地区，宣布成立虾夷共和国，搭新政府军打仔箱馆战争，输脱[18]。
1869年，新政府成立开拓使管理北海道，北海道大规模开发个辰光开始哉[15]。
1882年，开拓使畀废脱，政府改立函馆县、札幌县、根室县等三個县加上农商务省北海道事业管理局管理北海道[19]。但因为北海道人口分布弗平均，1886年，政府决定废脱箇些部门，改成由内务省直辖个北海道厅[19]。
随咾日本参与二战，日本开始勒拉北海道发展军工业[19]。二战当中，虽然北海道是日本国内受空袭少个地区，但勒拉1945年7月份，北海道还是碰着美军个空袭，室兰、函馆、根室、钏路等城市畀炸来蛮结棍个[19]。
战后到现在
[编辑]二战末期，北海道咾乱个。苏联部队勒拉1945年8月份到仔库页岛南部搭千岛群岛，一群难民涌来北海道，亦留下来南千岛群岛个领土争端。10月4号，美军到函馆，咾快就到北海道各地，到1954年美军纔全面撤出北海道[19]。
另一方面，北海道成为因为输脱战争而从海外回转到日本个日本人顶顶大个移民目的地之一。1948年，日本政府制定仔北海道综合开发计划，象征北海道进入战后新个开发阶段[19]。
1960年代前，因为有煤炭，北海道是日本个能源基地之一[20]。但勒拉1960年代以后，随咾石油成为主要能源，北海道个矿业衰弱仔，公共建设搭服务业变成北海道经济个支柱[19]。
1972年，札幌举办仔亚洲头一趟冬奥会，大幅度提高仔北海道个国际知名度，亦让北海道个基础设施建设有仔咾飞跃性大个进步[21]。然而依赖公共投资的经济模式却使得北海道的经济发展勒拉1980年代以后越来越慢，导致人侪跑出去，弗登拉北海道[19]。
人口
[编辑]
增加 7.5 - 10.0 % 5.0 - 7.5 % 2.5 - 5.0 % 0.0 - 2.5 % 減少 0.0 - 2.5 % 2.5 - 5.0 % 5.0 - 7.5 % 7.5 - 10.0 % 10.0 % 以上
北海道是日本人口密度顶顶低个地区，勒拉2014年，每平方公里只有差弗多66人[22]。就人口分布来看，北海道个人口咾多侪勒拉中部个石狩平原。当中札幌市个人口超过190万，有超过北海道三分之一个人登拉札幌市[22]。
北海道人口减少个主要原因是北海道个低生育率。伊个生育率从1967年开始就比日本平均值低[23]。北海道也是日本生育年龄人口比例低，老龄人口比例高个地区[24]。从1960年代开始，北海道从人口流入地变成人口流出地，箇也是导致北海道人口增长变慢个重要原因[25]。
勒拉少数民族方面，北海道是日本唯一个阿伊努人聚居地。阿伊努人是北海道个原住民，但伊拉畀同化唻蛮结棍个。1873年个辰光，北海道有人口111,196人，当中阿伊努人有16,272人，爱努人当时北海道总人口的14.63%[19]。但现在北海道个阿伊努人只有23,782人[26]。除脱阿伊努人，北海道还有少数畀苏联从桦太厅赶过来个鄂罗克人搭尼夫赫人[27]。
行政区划
[编辑]2008年6月，北海道议会通过法律，将北海道的14隻支厅改为9隻综合振兴局和5隻振兴局[28]。
| 名称 | 编号 | 振兴局 所在地 |
所管区域 | 市 | 町 | 村 | 人口 （人） |
面积 (km²) |
|---|---|---|---|---|---|---|---|---|
| 空知综合振兴局 | 01420-6 | 岩见泽市 | 空知・（石狩） | 10 | 14 | 0 | 299,132 | 5,791.59 |
| 石狩振兴局 | 01300-5 | 札幌市 | 石狩 | 6 | 1 | 1 | 2,374,577 | 3,540.15 |
| 后志综合振兴局 | 01390-1 | 俱知安町 | 后志 | 1 | 13 | 6 | 213,005 | 4,305.88 |
| 胆振综合振兴局 | 01570-9 | 室兰市 | 胆振・（日高） | 4 | 7 | 0 | 396,043 | 3,697.04 |
| 日高振兴局 | 01600-4 | 浦河町 | 日高 | 0 | 7 | 0 | 67,971 | 4,811.13 |
| 渡岛综合振兴局 | 01330-7 | 函馆市 | 渡岛・（桧山） | 2 | 9 | 0 | 400,823 | 3,937.47 |
| 桧山振兴局 | 01360-9 | 江差町 | 桧山 | 0 | 7 | 0 | 37,120 | 2,630.32 |
| 上川综合振兴局 | 01450-8 | 旭川市 | 上川・（留萌） | 4 | 17 | 2 | 501,046 | 10,618.70 |
| 留萌振兴局 | 01480-0 | 留萌市 | 留萌 | 1 | 6 | 1 | 46,834 | 3,445.88 |
| 宗谷综合振兴局 | 01510-5 | 稚内市 | 宗谷 | 1 | 8 | 1 | 65,039 | 4,626.07 |
| 鄂霍次克综合振兴局 | 01540-7 | 网走市 | 网走 | 3 | 14 | 1 | 285,525 | 10,690.52 |
| 十胜综合振兴局 | 01630-6 | 带广市 | 十胜 | 1 | 16 | 2 | 342,668 | 10,831.62 |
| 钏路综合振兴局 | 01660-8 | 钏路市 | 钏路・（根室） | 1 | 6 | 1 | 233,713 | 5,997.07 |
| 根室振兴局 | 01690-0 | 根室市 | 根室 | 1 | 4 | (6) | 76,043 | 3,497.34（8,500.39） |
经济
[编辑]2014年，北海道道内生产总值约码子有184,846亿日元[29]。从1980年代开始，北海道个经济增长率就长期比日本平均水准低[4]:831996年个辰光，北海道个道内生产总值曾有20.9兆日元。但就勒拉第二年，北海道开殖银行破产事件以后，北海道经济就长期萧条[30]。同日本其他地区比，北海道经济里向制造业占比蛮低个，服务业则有重要个地位[31]。
农业
[编辑]
北海道是日本个粮食基地，有日本全国四分之一个农田[32]。北海道是日本交交关关农产品个顶顶大个产地，包括小麦、大豆、洋山芋、甜菜、荞麦、洋葱、南瓜、珍珠米、牛奶、牛肉、轻种马等[33]，弗过因为北海道面积大，自然条件多样，箇咾弗同地区个主要农产品也弗一样。
北海道勒拉寒暖流交汇个地方处，是邪气嗲个渔场。北海道个渔业早勒拉江户时期就开始哉，伊个辰光是鲱鱼捕捞业[19]:129，现在水产业也有重要个地位。北海道个海面渔业养殖量、生产量、渔业经营体数、渔业从业者数搭渔船数侪好排拉日本第一[34]。
北海道森林覆盖率有71%，比日本平均水准高[35]，是日本林业蛮发达个地区。
工业
[编辑]北海道个制造业是从明治时期个官营工厂开始个。较早发展个是造纸厂，钢铁、化工、机械等产业也勒拉二战前有所发展[4]:110。1950年代到1970年代，大规模重化学工业是北海道重要个工业。到20世纪80年代，汽车零部件搭电子产业有所发展[4]。到2014年，北海道工业从业人口超过16万人，工业品生产额有66,728亿日元[36]。
北海道工业个一個特点是，食品、饮料等地方资源型工业个比重大，机械制造等加工组装型工业比重小[37]，当中食品产业个产值好占北海道工业总产值个三成，是北海道工业体系中规模顶顶大个[38]。
道央地区是北海道重要个工业区，工业产值差弗多有北海道总量个七成[38]；室兰市是北海道工业产值顶顶高个城市，挨下来是苫小牧市、札幌市、钏路市搭千岁市[38]。
北海道个矿业曾经邪气发达，煤矿顶顶重要[20]。北海道有石狩煤田、钏路煤田等煤田，煤矿挖掘亦邪气行[39]。但当石油成为主要能源以后，加浪日本国内煤矿开采成本高，1960年代开始，煤矿陆陆续续一個個关脱[40]。现在北海道只有钏路有一处煤矿还勒拉开采[41][42]。
由于北海道经济曾长期依赖公共工程，建造业勒拉北海道经济中亦有一定地位，比重远比日本平均水平高[43]。
服务业
[编辑]服务业是北海道经济顶顶重要个支柱产业。观光产业勒拉北海道经济中发挥重要个作用。北海道个较原始个自然景色、冷个夏天搭冬天个雪国景观等旅游资源吸引交交关关游客。2015年，来北海道旅游个游客数达到5,477万人，当中外国人游客大幅增加[44]。
勒拉商业搭金融业方面，因为北海道是日本顶早开始车社会化个地方，箇咾北海道也比日本其他地区更早进入卖场个大型化、郊外化时代[4]:118。箇亦让北海道老早要面对市中心商业区衰退个问题。现在北海道政府试图用补助金搭培育人才等方法，改善市中心空心化个问题[45]。
现在日本个大型企业当中，HOMAC[46]、宜得利家居[47]搭Seicomart[48]侪是从北海道出来个企业。1997年北海道拓殖银行破产畀北海道金融业带来个冲击邪气大。现在北海道个两家大个地方银行是北洋银行[49]搭北海道银行[50]。札幌还有札幌证券交易所，帮助北海道当地企业融资[51]。
信息技术产业现在是北海道服务业当中发展比较快个产业，札幌车站北口一带有交交关关中小科技企业，畀叫“札幌硅谷”（サッポロバレー）[52]；勒拉札幌科技园区，亦有富士通搭日本IBM等大型企业个厂[53]。
文化
[编辑]阿伊努文化
[编辑]
阿伊努人是北海道个原住民，文化独特，有当地叫尤加拉个口述文学[54]；有长唻像高脚屋个阿伊努式房子；有排拉联合国非物质文化遗产里向个古典阿伊努舞蹈[55]；还有用邪气多油个阿伊努料理等等[56]。拉古代，阿伊努人弗论男女侪有刺青[57]，使用二十进制[4]:20，箇亦是伊拉同其他日本人弗一样个地方。
必过江户时代中后期开始，阿伊努文化畀强制同化，加浪阿伊努人呒没自家个文字，又碰着阿伊努人人口大幅减少，箇咾阿伊努文化受到邪气结棍个冲击，阿伊努语也排拉濒危语言名单里向[58][59]。还好，阿伊努文化对北海道个影响大唻野花花，比方讲现在北海道绝大多数个地名侪是从阿伊努语里向来个[60]，加浪日本政府开始立法讲要保护阿伊努文化[61]，民间复兴阿伊努文化个运动也逐渐活跃起来。
言语
[编辑]北海道地区个日语言语是北海道方言[62]，东日本方言个一种。北海道方言里向好再分成沿海地区个海岸部方言（又叫滨言叶，当中函馆地区特征顶明显）搭仔其他地区个内陆部方言，后者更加接近标准日语[62]。箇是因为北海道是移民社会，箇咾共同交流用个言语接近标准日语，但用词浪有些弗一样。典型个一個特征是用过去时表达尊敬，箇個特点甚至影响日本其他地区个日语[63]。有代表性个词包括道産子（原指一种马，现在指北海道人）、サビオ（创口贴）、観楓会（秋天个宴会）、汽車（列车，日本其他地区多用電車表示箇個意思）等[64]。必过箇两年，大众媒体个影响，加浪去过道外读书工作个人增加，让北海道方言正越来越靠近标准日语。
饮食
[编辑]
北海道是日本重要个农产地，食材丰富，箇咾北海道饮食文化也多样化。
北海道水产资源丰富，箇咾寿司、蟹肉料理等各类海鲜料理是北海道有代表性个高级料理。北海道个海鲜丼亦种类丰富，当中松前金枪鱼三色丼[65]、函馆个活乌贼丼[66]、钏路个胜手丼[67]等名气顶响。
北海道个肉食文化同日本其他地区差别弗小。十胜地区个猪肉盖饭因用个是有甜味道个酱油烧个，箇咾猪肉甜津津，独具特色[68]。成吉思汗烤肉是北海道名气响当当个乡土料理之一[69]。
北海道个日本拉面文化也邪气出名[70]。北海道拉面里向，旭川拉面（酱油味道）[71]、札幌拉面[72]、函館拉面[73]箇三种拉面顶有代表性。
北海道是日本顶大个乳制品产地区，箇咾用牛奶做个各种点心亦是北海道饮食文化中弗可缺少个一部分。北海道有名个甜品企业有石屋制菓（代表产品是白色恋人[74]）、ROYCE'[75]搭六花亭[76]等。
北海道也是日本顶先开始普及啤酒文化个地区，札幌啤酒是日本四大啤酒企业之一[77]。
因为北海道勒拉过去物流网里向相对独立，箇咾交关企业会得生产只勒拉北海道卖个北海道限定品，一部分也变成北海道饮食文化个标志，比方讲瓜拉那饮料[78]搭仔胜源[79]。
媒体
[编辑]北海道新闻是北海道顶大个地方报纸，前身北海新闻1887年就开始发行哉，1942年，日本政府下令整合北海道11份地方报纸，故咾出现个北海道新闻[80]。乃朝北海道新闻日发行量接近107万份[81]，是日本规模顶大个地方报纸之一，弗仅勒垃北海道各地方设有支局，还勒垃华盛顿、伦敦等地有驻外记者[82]，对俄罗斯远东地区个新闻报导比较好。除开北海道新闻，北海道各地也有自家个地方报纸，比方讲苫小牧民报、室兰民报、函馆新闻、钏路新闻、十胜毎日新闻咾啥个[83]，读卖新闻、朝日新闻、毎日新闻、日本经济新闻等全国性报纸勒垃北海道也有发行。电视方面，日本放送协会（NHK）勒垃北海道有七隻放送局[84]，分别是NHK札幌、NHK函馆、NHK旭川、NHK室兰、NHK带广、NHK北见和NHK钏路。此外，北海道还有北海道放送（HBC，JNN联播网个）[85]、札幌电视台（STV，NNN联播网个）[86]、北海道电视台（HTB，ANN联播网个）[87]、北海道文化放送（UHB，FNN联播网个）[88]、TV北海道（TVh，TXN联播网个）[89]五家电视台，当中北海道放送、札幌电视台也播出广播节目。
北海道个特色让伊成为交关电影电视作品个故事舞台。勒垃北海道拍个出名个日本电影电视剧有《幸福个黄手绢》[90]、《北方个金丝雀》[91]、《风之花园》、《来自北国》[92]、《First Love 初恋》咾啥个。
体育
[编辑]
冬天个寒冷气候是北海道发展冬季运动个老相好。1972年，札幌市举办冬季奥运会[93]，是日本甚至亚洲头一趟举办冬奥会。北海道是日本滑雪场顶多个地方，雪质崭，吸引交关外国滑雪爱好者[94]。北海道个冬季体育因为地区气候差异呈现出弗同个地区特征。西部地区因为雪落唻多，滑雪、跳台滑雪咾啥个雪上运动蛮行个；东部地区因为雪落唻少，冰球、滑冰等冰上运动个参加人蛮多个。日本有交关冬季运动选手侪是北海道人，比方讲笠谷幸生[95]、原田雅彦[96]、船木和喜、齐藤浩哉、伊藤有希、高梨沙罗、桥本圣子[97]、长岛圭一郎。北海道还有得日本制纸白鹤[98]、王子制纸老鹰[99]两家职业冰球球队。
北海道日本火腿斗士是日本职棒太平洋联盟个球队，主场勒垃ES CON FIELD HOKKAIDO[100]。箇球队1945年11月6号成立，2004年主场从东京搬到北海道札幌穹顶体育场。後来，球队拿搬去自家勒垃北广岛市造个ES CON FIELD HOKKAIDO。球队勒垃北海道个辰光2趟获得日本一（2006年、2016年）[101]。
其他体育
[编辑]札幌冈萨多[102]是北海道唯一一支J联赛球队[103]，乃朝参加J2联赛。北海道也行相扑，出身横纲个人日本顶多，昭和三大横纲大鹏、北之湖、千代富士侪是北海道人[104]。
教育
[编辑]
北海道大学个主校区勒拉札幌市中心，伊个前身是1876年成立个札幌农学校，勒拉1918年升格为北海道帝国大学，是日本本土七個帝国大学之一，亦是北海道教学研究水准顶顶好个高等学府[105]。北海道大学现在有札幌搭函馆两個校区，12個学院，本科生超过11,000人，硕士生、博士生加拉一道超过6,000人[106]。2010年诺贝尔化学奖得主铃木章就曾勒拉北海道大学读书、教书，现在是北海道大学名誉教授[107]。
除脱北海道大学，北海道还有北海道教育大学、室兰工业大学、小樽商科大学、带广畜产大学、旭川医科大学、北见工业大学六個国立大学[108]搭钏路公立大学等五個公立大学[109]。北海道亦拥有26所私立大学[110]，当中规模比较大个有旭川大学、札幌大学、札幌学院大学、札幌国际大学、北海学园大学、北星学园大学、北海道科学大学、北海道医疗大学。
北海道小学、初中、高中弗少，但因为学生子数量大幅减少，最近十年里向已经陆陆续续关脱超过四百所道立中小学堂[111]。
观光
[编辑]
北海道是日本有名个旅游目的地，北海道介阔个面积让伊弗同个地区有弗同个旅游资源同特征。
道南是北海道里向和人顶早到个场许，箇咾箇面有弗少历史搭人文景观。松前城是日本顶北面只，也是北海道唯一一只日本式城堡[112]。渡岛半岛西岸个江差町个民俗文化搭历史景观邪气有名气[113]。道南个中心当然是道南顶大个城函馆市。作为日本顶早个港口之一，函馆个特色是西洋式建筑，比方讲有金森红砖仓库、旧函馆区公会堂[114]。函馆山浪看出去个夜景排拉日本三大夜景当中，还畀评拉世界三大夜景里向[115]。函馆郊区个大沼公园是道南有名个湿地。
道央地区是北海道游客顶多个场许。札幌市有北海道厅旧本厅舍、札幌市钟楼等开拓时代个建筑[116]，大通公园是代表性个城市公园[117]。札幌附近个小樽市曾是北海道个门户，有名个有小樽运河[118]、西洋式建筑搭玻璃工艺品[119]。新雪谷地区有北海道顶大个滑雪场搭度假区，邪气适合户外体育活动[120]。道央南岸个登别温泉[121]搭洞爷湖[122]是日本顶有名气个温泉度假地之一。
道东地区人也呒没几個，地方邪气大，观光资源主要是自然景色。钏路市附近个钏路湿地是日本顶大个湿地，也是日本顶大个丹顶鹤栖息地[123]。钏路地区北面个阿寒摩周国立公园有邪气多个湖，里向有名个有阿寒湖[124]搭日本透明度顶高个湖摩周湖[125]。野付半岛有排拉湿地公约里向个湿地[126]。知床是北海道唯一个世界自然遗产[127]。冬天勒拉鄂霍次克海沿岸个网走市、纹别市好看浮冰[128]。
道北地区南北跨度大。薰衣草同花田有名个富良野市、上富良野町、中富良野町搭美瑛町勒拉道北个南部地区，畀评为“日本顶漂亮个农村”[129]。附近还有北海道顶高个山脉大雪山[130]搭瀑布有名个层云峡。勒拉日本顶北面个稚内地区有佐吕别原野[131]，宗谷岬个日本顶北面纪念碑亦吸引仔交交关关游客[132]。稚内附近个利尻岛有长唻像富士山个利尻岳，夏天登山个人弗少[133]。礼文岛浪有交关稀有个高山植物，畀叫“花之浮岛”[134]。
交通
[编辑]铁路
[编辑]- 北海道旅客铁道（JR北海道）
除脱JR北海道，北海道还有两家铁路事业者。函馆市企业局交通部经营函馆市路面电车业务[135]。札幌市交通局经营札幌市营地铁[136]搭札幌市电车。
新干线亦开进仔北海道。北海道新干线勒拉2016年3月份开通仔新青森到新函馆北斗区间[137]，预估2030年末会得从新函馆北斗延伸到札幌[138]。
公路
[编辑]1870年个辰光，北海道已经有得170公里长个公路[4]:74。19世紀末，北海道政府曾修过札幌到網走个公路，必过直到大正年代中期，因为铁路是北海道交通个主角，公路建設並弗畀政府重視[4]:74。二战以后，汽车普及，北海道亦豪𢜶开始公路个建设。1971年，千岁到北广岛同札幌到小樽个高速公路通车，是北海道第一条高速公路[4]:78。乃朝公路承担北海道80%以上个客运量，是北海道交通个核心[139]。乃朝北海道有得道央自动车道、札樽自动车道、道东自动车道三条高速公路[140]。2014年个辰光，北海道有得高規格幹線道路1015公里，箇當中高速公路696公里[141]。
机场
[编辑]
1937年，日本航空输送株式会社曾开通札幌同羽田间个定期航线，1940年停飞[4]。1951年，日本航空开设千岁机场同羽田机场间个定期航線[142]。1950年代中期开始，北海道各地开始造机场，逐渐形成了以千岁机场为核心个航空网。1988年，新千岁机场开业，北海道又相继开通海外航线。因为直接通过陆路交通方式去北海道弗便当，故咾空运成为北海道顶重要个联外交通方式[143]。现在北海道一共有得14座机场[144]，當中新千岁、旭川、函馆三座机场有定期个国际航班[145]。
北海道还有Air Do帮北海道空中系统两家航空公司。Air Do主要经营羽田机场去北海道各机场外加新千岁机场去日本各地个航线[146]，北海道空中系统则经营丘珠机场到利尻机场、钏路机场、函馆机场、三泽机场，外加函馆机场到奥尻机场、三泽机场个航线[147]。
航运
[编辑]江户时代，北海道帮本州岛之间通过北前船进行贸易[148]。明治初期，邮船汽船三菱会社一度垄断北海道海运市场。1882年，共同运输会社成立，同三菱抢北海道个海运市场。1885年，日本政府下令两家公司合并成日本邮船会社[4]:74。箇辰光，北海道开通从函馆或小樽出发，去北海道其他地方个航线。大正年间，小樽、室兰、钏路、根室等港开通直达本州岛个航线[4]:74。战后，室兰港、苫小牧港、钏路港等太平洋沿岸个港口成为日本政府开发重点[4]:77。随咾航空运输个发展，货运取代客运成为海运个主要市场。乃朝北海道有得苫小牧港、室兰港两隻特定重要港湾，函馆港、小樽港、钏路港等10隻重要港湾外加24隻地方港湾[149]，加勒一道去本州岛有得15条定期货运航线[150]。从货物进出口量来看，苫小牧港是北海道顶大个港口，後头是函馆港、室兰港、钏路港、小樽港[151]。客运方面，北海道乃朝有十条去本州岛个定期航线，箇当中五条从苫小牧港出发，三条从小樽港出发，两条从函馆港出发。渡轮也是北海道本岛帮离岛之间重要个交通手段。乃朝北海道本岛去奥尻岛、天卖岛、烧尻岛、利尻岛、礼文岛侪有定期渡轮航线。2011年，往来北海道本岛搭离岛个定期航线乘客数有得68.3万[152]。国际航运方面，北海道有去俄罗斯个定期客运航线。[153]。
参考文献
[编辑]- ↑ 島面積. 国土地理院 (2017-10-01). 原始文档勒2018-02-04存档.（日文）
- ↑ 食料基地の展開 (ja). 国土交通省. 原始文档勒2014-09-07存档. 访问日脚2022-11-12.
- ↑ 北海道の名前について (ja). 北海道. 原始文档勒2014-09-07存档. 访问日脚2022-11-12.
- ↑ 4.00 4.01 4.02 4.03 4.04 4.05 4.06 4.07 4.08 4.09 4.10 4.11 4.12 （日文）山下克彦・平川一臣（2011）．『日本の地誌3 北海道』 ．東京都：朝倉書店．ISBN 978-4-254-16763-4．
- ↑ ３．北海道の地形・地質 (ja). 基礎地盤コンサルタンツ株式会社. 原始文档勒2014-09-07存档. 访问日脚2014-09-05.
- ↑ 第２章 北海道の概況 (ja). 北海道. 原始文档勒2014-09-07存档. 访问日脚2014-09-05.
- ↑ 北海道離島振興計画の概要 (ja). 北海道. 原始文档勒2014-09-07存档. 访问日脚2014-09-05.
- ↑ 石狩川流域の概要 (ja). 国土交通省北海道開発局 札幌開発建設部. 原始文档勒2014-12-22存档. 访问日脚2014-09-05.
- ↑ 石狩川は国内最長の河川だった? (ja). 北海道ファンマガジン. 原始文档勒2014-09-07存档. 访问日脚2014-09-05.
- ↑ 天塩川 (ja). 国土交通省北海道開発局. 原始文档勒2014-01-01存档. 访问日脚2014-09-05.
- ↑ 十勝川 (ja). 国土交通省北海道開発局. 原始文档勒2014-08-29存档. 访问日脚2014-09-05.
- ↑ 釧路川 (ja). 国土交通省北海道開発局. 原始文档勒2014-08-29存档. 访问日脚2014-09-05.
- ↑ 日本の自然湖沼の成因 (ja). 公益財団法人環境科学技術研究所. 原始文档勒2015-09-24存档. 访问日脚2014-09-05.
- ↑ （日文）田端宏・桑原真人・船津功・関口明（2003）．《北海道の歴史》 ．東京都：山川出版社．ISBN 978-4-634-32011-6．
- ↑ 15.0 15.1 北海道民のなりたち (ja). 北海道. 原始文档勒2014-09-07存档. 访问日脚2014-09-06.
- ↑ 厚岸町の歴史 (ja). 厚岸町. 原始文档勒2014-10-17存档. 访问日脚2014-09-06.
- ↑ 箱館戦争の七カ月 (ja). 箱館奉行所. 原始文档勒2015-01-04存档. 访问日脚2014-09-06.
- ↑ 五稜郭の歴史 箱館戦争～現在 (ja). 函館市. 原始文档勒2014-09-07存档. 访问日脚2014-09-06.
- ↑ 19.00 19.01 19.02 19.03 19.04 19.05 19.06 19.07 19.08 19.09 （日文）大庭幸生・永井秀夫（1999）．《北海道の百年》 ．東京都：山川出版社．ISBN 4-634-27010-2．
- ↑ 20.0 20.1 １ 北海道炭鉱産業の歴史と『炭鉱（やま）の記憶』 (ja). 空知総合振興局. 原始文档勒2014-09-07存档. 访问日脚2014-09-06.
- ↑ 存档副本 (ja). まちづくりラボ・サルベージ株式会社. 原始文档勒2014-09-07存档. 访问日脚2014-09-06.
- ↑ 22.0 22.1 Ⅱ.自然・人口 (ja). 経済産業省北海道経済産業局. 原始文档勒2014-09-07存档. 访问日脚2014-09-06.
- ↑ 少子化の現状 (ja). 北海道. 原始文档勒2014-09-07存档. 访问日脚2014-09-06.
- ↑ 北海道の人口に係る現状 (ja). 北海道. 原始文档勒2014-09-07存档. 访问日脚2014-09-06.
- ↑ 第１章 将来人口の推計にみる少子高齢化 (ja). 北海道. 原始文档勒2014-09-07存档. 访问日脚2014-09-06.
- ↑ 平成18年 北海道アイヌ生活実態調査報告書 (ja). 北海道. 原始文档勒2014-05-29存档. 访问日脚2014-09-06.
- ↑ オホーツク文化とウィルタとニヴフ (ja). 北海道ファンマガジン. 原始文档勒2014-10-10存档. 访问日脚2014-10-07.
- ↑ 支庁制度改革 (ja). 北海道. 原始文档勒2014-08-20存档. 访问日脚2014-09-06.
- ↑ 「平成２６年度道民経済計算」の概要 (ja). 北海道. 原始文档勒2017-10-25存档. 访问日脚2017-04-30.
- ↑ 北海道開発をめぐる状況について (ja). 国土交通省北海道局. 原始文档勒2014-09-07存档. 访问日脚2014-09-06.
- ↑ 産業構造と職業構造からみた北海道経済の分析 (ja). 北海道開発協会. 原始文档勒2017-01-10存档. 访问日脚2017-04-30.
- ↑ 北海道農業の概要 (ja). 国土交通省北海道開発局. 原始文档勒2014-08-29存档. 访问日脚2014-09-06.
- ↑ 北海道農業・農村の現状と課題 (ja). 北海道農政部. 原始文档勒2014-09-07存档. 访问日脚2014-09-06.
- ↑ グラフでみる北海道の漁業 (ja). 農林水産省. 原始文档勒2013-11-27存档. 访问日脚2014-09-06.
- ↑ 都道府県別森林率 (ja). 林野庁. 原始文档勒2017-03-29存档. 访问日脚2017-04-30.
- ↑ 平成２６年工業統計確報 (ja). 北海道. 原始文档勒2016-07-31存档. 访问日脚2017-10-24.
- ↑ 北海道経済の現状と課題 経済活性化に向けた取組方向 (ja). 北海道. 原始文档勒2014-09-07存档. 访问日脚2014-09-06.
- ↑ 38.0 38.1 38.2 平成24年工業統計調査結果確報（北海道分） (ja). 北海道. 原始文档勒2014-09-07存档. 访问日脚2014-09-06.
- ↑ 石炭資源の賦存状況編 (ja). 北海道. 原始文档勒2014-09-07存档. 访问日脚2014-09-06.
- ↑ 存档副本 (ja). 釧路市. 原始文档勒2017-10-25存档. 访问日脚2017-04-30.
- ↑ 石炭採掘事業 (ja). 釧路コールマイン株式会社. 原始文档勒2014-09-07存档. 访问日脚2014-09-06.
- ↑ 北の炭鉱、輝き取り戻す (ja). 日本経済新聞. 原始文档勒2014-08-09存档. 访问日脚2014-09-06.
- ↑ 北海道の建設業の現状分析 (ja). 国土交通省. 原始文档勒2016-03-05存档. 访问日脚2014-09-06.
- ↑ 北海道観光の現況2016 (ja). 北海道. 访问日脚2017-04-30.
- ↑ 平成21年度商業活性化・物流効率化支援策 (ja). 経済産業省北海道経済産業局. 原始文档勒2015-09-24存档. 访问日脚2014-09-06.
- ↑ 会社沿革 (ja). ホーマック. 原始文档勒2014-10-26存档. 访问日脚2014-09-06.
- ↑ 沿革 (ja). ニトリ. 原始文档勒2014-09-07存档. 访问日脚2014-09-06.
- ↑ セイコーマートグループの歩み (ja). セイコーマート. 原始文档勒2014-09-04存档. 访问日脚2014-09-06.
- ↑ 沿革 (ja). 北洋銀行. 原始文档勒2014-09-07存档. 访问日脚2014-09-06.
- ↑ 会社情報 (ja). 北海道銀行. 原始文档勒2014-09-07存档. 访问日脚2014-09-06.
- ↑ 札幌証券取引所概要 (ja). 札幌証券取引所概要. 原始文档勒2014-07-01存档. 访问日脚2014-09-06.
- ↑ サッポロバレー (ja). 北海道ファンマガジン. 原始文档勒2014-09-07存档. 访问日脚2014-09-06.
- ↑ 札幌テクノパークの概要 (ja). 札幌テクノパーク. 原始文档勒2014-09-03存档. 访问日脚2014-09-06.
- ↑ 口承文学 (ja). 阿寒湖温泉アイヌ文化推進実行委員会. 原始文档勒2014-02-05存档. 访问日脚2014-09-07.
- ↑ アイヌ古式舞踊 (ja). 日本伝統文化振興機構. 原始文档勒2014-09-07存档. 访问日脚2014-09-07.
- ↑ アイヌ料理 (ja). 北海道の文化と食事. 原始文档勒2014-09-07存档. 访问日脚2014-09-07.
- ↑ 人の一生 (ja). アイヌ民族博物館. 原始文档勒2014-07-02存档. 访问日脚2014-09-07.
- ↑ アイヌ語とは (ja). 北海道. 原始文档勒2014-09-07存档. 访问日脚2014-09-07.
- ↑ アイヌ語の現状と復興 (ja). 言語研究. 原始文档勒2014-09-07存档. 访问日脚2014-09-07.
- ↑ アイヌ語地名リスト (ja). 北海道. 原始文档勒2014-08-21存档. 访问日脚2014-09-07.
- ↑ 「アイヌ文化振興法」の制定 (ja). 北海道. 原始文档勒2014-09-07存档. 访问日脚2014-09-07.
- ↑ 62.0 62.1 方言(北海道弁)について (ja). 北海道ファンマガジン. 原始文档勒2014-09-07存档. 访问日脚2014-09-07.
- ↑ 「よろしかったですか」等の表現の自然さに関するアンケート調査の分析 (ja). 竹の庫：学術情報リポジトリ. 原始文档勒2014-09-07存档. 访问日脚2014-09-07.
- ↑ 固有名詞その他:方言(北海道弁) (ja). 北海道ファンマガジン. 原始文档勒2014-09-07存档. 访问日脚2014-09-07.
- ↑ 松前マグロのブランド化 (ja). 北海道. 原始文档勒2014-09-07存档. 访问日脚2014-09-07.
- ↑ 一花亭 たびじ (ja). はこぶら. 原始文档勒2014-09-07存档. 访问日脚2014-09-07.
- ↑ 和商市場 (ja). 釧路観光コンベンション協会. 原始文档勒2015-02-14存档. 访问日脚2014-09-07.
- ↑ 豚丼について (ja). 十勝豚丼 いっぴん. 原始文档勒2014-09-07存档. 访问日脚2014-09-07.
- ↑ 調査報告その３ ルーツを探る (ja). 北海道新聞. 原始文档勒2007-10-19存档. 访问日脚2014-09-07.
- ↑ j北海道のラーメンについて (ja). 札幌ラーメン共和国. 原始文档勒2014-08-05存档. 访问日脚2014-09-07.
- ↑ 北国ラーメンものがたり：旭川ラーメン、そのスープと麺の秘密 (ja). 北海道人. 原始文档勒2007-10-19存档. 访问日脚2014-09-07.
- ↑ 札幌ラーメンってなんだ？ (ja). 西山製麺株式会社. 原始文档勒2014-09-07存档. 访问日脚2014-09-07.
- ↑ 函館ラーメンと「函館のラーメン」 (ja). ハコダテ150. 原始文档勒2014-09-07存档. 访问日脚2014-09-07.
- ↑ 白い恋人 (ja). 石屋製菓. 原始文档勒2014-09-09存档. 访问日脚2014-09-08.
- ↑ 沿革 (ja). ROYCE'. 原始文档勒2015-03-18存档. 访问日脚2014-09-08.
- ↑ 会社概要 (ja). 六花亭. 原始文档勒2014-10-10存档. 访问日脚2014-09-08.
- ↑ ドイツで学んだビール醸造 (ja). 札幌ビール. 原始文档勒2014-09-07存档. 访问日脚2014-09-07.
- ↑ コーラに対抗!? 「ガラナ」は、なぜ北海道だけで広まったのか？ (ja). Walkerplus. 原始文档勒2014-09-08存档. 访问日脚2014-09-08.
- ↑ カツゲンで育つ道産子!! (ja). 北海道ファンマガジン. 原始文档勒2014-09-07存档. 访问日脚2014-09-08.
- ↑ 社史 (ja). 北海道新闻. 原始文档勒2014-09-15存档. 访问日脚2014-09-08.
- ↑ 北海道新闻社広告局ホームページ (ja). 北海道新闻. 原始文档勒2014-12-09存档. 访问日脚2014-09-08.
- ↑ 支局・海外驻在 (ja). 北海道新闻. 原始文档勒2014-08-07存档. 访问日脚2014-09-07.
- ↑ 北海道の新闻について (ja). 北海道立図书馆. 原始文档勒2016-03-04存档. 访问日脚2014-09-08.
- ↑ NHK北海道略史 (ja). NHK札幌放送局. 原始文档勒2014-09-07存档. 访问日脚2014-09-07.
- ↑ HBCの沿革 (ja). 北海道放送. 原始文档勒2014-09-07存档. 访问日脚2014-09-07.
- ↑ 企业情报 － 会社概要・所在地 (ja). STV札幌テレビ放送. 原始文档勒2013-09-15存档. 访问日脚2014-09-07.
- ↑ 沿革 (ja). HTB. 原始文档勒2015-02-03存档. 访问日脚2014-09-07.
- ↑ 会社情报 (ja). 北海道文化放送. 原始文档勒2014-09-18存档. 访问日脚2014-09-07.
- ↑ 会社概要 (ja). テレビ北海道. 原始文档勒2014-08-21存档. 访问日脚2014-09-07.
- ↑ 幸福の黄色いハンカチ想い出広场 (ja). 空知支庁. 原始文档勒2014-09-07存档. 访问日脚2014-09-07.
- ↑ カナリアロケ地 (ja). 稚内商工会议所. 原始文档勒2014-09-07存档. 访问日脚2014-09-07.
- ↑ TVドラマ・映画のロケ地を巡る (ja). ふらの観光协会. 访问日脚2014-09-07.
- ↑ Sapporo 1972 (en). IOC. 原始文档勒2016-02-09存档. 访问日脚2014-09-07.
- ↑ 北半球のオーストラリア〜外国人に爱される街・ニセコ〜 (ja). 経済界. 原始文档勒2014-09-07存档. 访问日脚2014-09-07.
- ↑ 1972年 札幌五轮 金メダリスト (ja). IOC. 访问日脚2014-09-07.
- ↑ 原田雅彦监督 (ja). 雪印メグミルク. 原始文档勒2014-09-01存档. 访问日脚2014-09-07.
- ↑ 桥本 圣子（はしもと せいこ） (ja). 参议院. 原始文档勒2014-08-13存档. 访问日脚2014-09-07.
- ↑ チームプロフィール (ja). 日本制纸クレインズ. 原始文档勒2014-09-04存档. 访问日脚2014-09-07.
- ↑ チームヒストリー (ja). 王子イーグルス-オフィシャルファンサイト. 原始文档勒2014-09-07存档. 访问日脚2014-09-07.
- ↑ 札幌ドームのあゆみ (ja). 札幌ドーム. 原始文档勒2014-07-10存档. 访问日脚2014-09-07.
- ↑ 年表-2006- (ja). 北海道日本ハムファイターズ. 原始文档勒2014-09-07存档. 访问日脚2014-09-07.
- ↑ 沿革 (ja). コンサドーレ札幌. 原始文档勒2014-08-31存档. 访问日脚2014-09-07.
- ↑ クラブ・选手名鉴 (ja). Jリーグ公式. 原始文档勒2014-09-25存档. 访问日脚2014-09-28.
- ↑ 北海道出身の大相扑力士一覧！过去から现在、北海道の主な关取たちを网罗しました (ja). 大相扑のはてなに効く！観戦ガイド. 访问日脚2019-02-25.
- ↑ 札幌農学校と北大 (ja). 北海道ファンマガジン. 原始文档勒2014-09-07存档. 访问日脚2014-09-07.
- ↑ 北海道大学概要 2014-2015 (ja). 北海道大学. 原始文档勒2015-09-24存档. 访问日脚2014-09-07.
- ↑ 鈴木章名誉教授ノーベル化学賞受賞決定 (ja). 北海道大学. 原始文档勒2014-09-07存档. 访问日脚2014-09-07.
- ↑ 国立大学 (ja). 文部科学省. 原始文档勒2014-09-07存档. 访问日脚2014-09-07.
- ↑ 公立大学 (ja). 文部科学省. 原始文档勒2014-09-15存档. 访问日脚2014-09-07.
- ↑ 私立大学 (ja). 文部科学省. 原始文档勒2014-09-07存档. 访问日脚2014-09-07.
- ↑ 廃校施設の活用事例集 (ja). 北海道教育委員会. 原始文档勒2014-09-07存档. 访问日脚2014-09-07.
- ↑ 松前城・松前城資料館 (ja). 北海道松前藩観光奉行. 原始文档勒2014-09-01存档. 访问日脚2014-09-07.
- ↑ 江差の観光施設・観光名所 (ja). 江差町. 原始文档勒2014-08-11存档. 访问日脚2014-09-07.
- ↑ 旧函館区公会堂 (ja). 函館市文化・スポーツ振興財団. 原始文档勒2014-09-16存档. 访问日脚2014-09-07.
- ↑ 世界三大夜景 函館・香港・ナポリ (ja). yakei.jp. 原始文档勒2014-09-07存档. 访问日脚2014-09-07.
- ↑ 14.「開拓使時代の洋風建築（時計台、豊平館、清華亭など）」（札幌市） (ja). 北海道. 原始文档勒2014-08-13存档. 访问日脚2014-09-07.
- ↑ 大通公園とは (ja). 公益財団法人札幌市公園緑化協会. 原始文档勒2014-09-07存档. 访问日脚2014-09-07.
- ↑ 小樽運河 (ja). 小樽市. 原始文档勒2015-02-08存档. 访问日脚2014-09-07.
- ↑ ガラス工芸が盛んな小樽 (ja). 北海道ファンマガジン. 原始文档勒2014-09-07存档. 访问日脚2014-09-07.
- ↑ 「遊びたい」をとことん (ja). ニセコリゾート観光協会. 原始文档勒2014-09-27存档. 访问日脚2014-09-07.
- ↑ 存档副本 (ja). 登別観光協会. 原始文档勒2014-08-04存档. 访问日脚2014-09-07.
- ↑ 洞爺湖温泉の魅力 (ja). 洞爺湖温泉観光協会. 原始文档勒2014-09-07存档. 访问日脚2014-09-07.
- ↑ 釧路湿原基礎知識 (ja). 釧路湿原国立公園連絡協議会. 原始文档勒2015-05-12存档. 访问日脚2014-09-07.
- ↑ 日本のマリモ・世界のマリモ (ja). 阿寒湖のマリモ. 原始文档勒2014-12-03存档. 访问日脚2014-09-07.
- ↑ 世界屈指の透明度を科学する (ja). 釧路湿原・阿寒湖・摩周湖. 原始文档勒2014-08-11存档. 访问日脚2014-09-07.
- ↑ 野付半島って？ (ja). 野付半島ネイチャーセンター. 原始文档勒2014-10-15存档. 访问日脚2014-09-07.
- ↑ 知床旅のまめ知識 (ja). 知床斜里町観光協会. 原始文档勒2015-01-24存档. 访问日脚2014-09-07.
- ↑ 冬の醍醐味 流氷観光 (ja). 道東観光開発. 原始文档勒2014-09-07存档. 访问日脚2014-09-07.
- ↑ 連合の沿革 (ja). 日本で最も美しい村連合. 原始文档勒2014-03-26存档. 访问日脚2014-09-07.
- ↑ 旭岳の見どころガイド (ja). 大雪山旭岳ロープウェイ. 原始文档勒2014-10-09存档. 访问日脚2014-09-07.
- ↑ サロベツ湿原 (ja). 豊富町. 原始文档勒2015-03-05存档. 访问日脚2014-09-07.
- ↑ 日本最北端の地の碑 (ja). 稚内観光協会. 原始文档勒2014-07-02存档. 访问日脚2014-09-07.
- ↑ 利尻山 (ja). 利尻島観光案内. 原始文档勒2015-01-18存档. 访问日脚2014-09-07.
- ↑ れぶん花図鑑 (ja). 礼文町. 原始文档勒2014-09-07存档. 访问日脚2014-09-07.
- ↑ 函館市電のあゆみ (ja). 函館市. 原始文档勒2015-01-22存档. 访问日脚2014-09-07.
- ↑ 地下鉄路線図・時刻表 (ja). 札幌市. 原始文档勒2014-09-07存档. 访问日脚2014-09-07.
- ↑ 北海道新幹線 新青森～新函館北斗間開業に伴う運行計画の概要について JR北海道，2015年9月16日。 档案，存勒互联网档案馆当中。（2015年9月16号）（日文）
- ↑ 北海道新幹線に関するＱ＆Ａ (ja). 北海道. 原始文档勒2014-09-07存档. 访问日脚2014-09-07.
- ↑ 北海道の交通の現状 (ja). 北海道. 原始文档勒2014-09-07存档. 访问日脚2014-09-07.
- ↑ 開通予定区間 > 北海道 (ja). NEXCO東日本. 原始文档勒2014-08-12存档. 访问日脚2014-09-07.
- ↑ 高規格幹線道路の整備状況 (ja). 国土交通省北海道開発局. 原始文档勒2014-09-07存档. 访问日脚2014-09-07.
- ↑ （１） 国内航空ネットワークの状況 (ja). 北海道. 原始文档勒2014-09-07存档. 访问日脚2014-09-07.
- ↑ 北海道の航空輸送 (ja). 北海道. 原始文档勒2014-08-29存档. 访问日脚2014-09-07.
- ↑ １道内の主な空港の現況 (ja). 北海道. 原始文档勒2014-09-07存档. 访问日脚2014-09-07.
- ↑ （１） 国際航空ネットワークの状況 (ja). 北海道. 原始文档勒2014-09-07存档. 访问日脚2014-09-07.
- ↑ 時刻表 (ja). AIRDO. 原始文档勒2014-09-07存档. 访问日脚2014-09-07.
- ↑ 路線・時刻表 (ja). 北海道エアシステム. 原始文档勒2014-10-24存档. 访问日脚2014-09-07.
- ↑ 北前船とは (ja). 江差町. 原始文档勒2014-09-07存档. 访问日脚2014-09-07.
- ↑ 道内の主な港湾の现况 (ja). 北海道. 原始文档勒2014-09-07存档. 访问日脚2014-09-07.
- ↑ ①定期フェリー航路一覧 (ja). 北海道. 原始文档勒2014-09-07存档. 访问日脚2014-09-07.
- ↑ 港湾取扱货物の推移 (ja). 国土交通省北海道开発局. 原始文档勒2014-08-08存档. 访问日脚2014-09-07.
- ↑ （５） 离岛航路の状况 (ja). 北海道. 原始文档勒2014-09-07存档. 访问日脚2014-09-07.
- ↑ （２） 国际海上ネットワークの状况 (ja). 北海道. 原始文档勒2014-09-07存档. 访问日脚2014-09-07.
外部链接
[编辑]
| 日本都道府县 | 
| ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||