干欄式建築
（从高脚屋转戳到箇里）
干栏式建築，又謳干欄屋、高腳屋、吊腳樓、棚屋、栅居、巢居咾啥，是一种特色民居建筑，其特点是“编竹苫茅为两重，上以自处，下居鸡豚，谓之麻栏”，在黔桂[1]越南諸地[2]貤謂之擖欄[3]、葛欄[4]、高欄、麻欄[5]。盛行於百越地區、臺灣、東南亞、馬達加斯加[6]咾啥戶蕩。其種類雖有高架式、高床式、樁上屋等類型，不過常莊是木頭，竹頭所構屋樑，並用茅草蓋頂遮蔽个住屋。後首來，也有得柱樁頂端設軛木个、較牢固个干欄式建築。雖然種類繁多，但主要特色是擔其樓板墊高，以樓梯上下住所。日本个神社與穀倉也是昰種類型个建築物。
也有造在水面或岸邊伸出水面个水上棚屋，較著名个有香港大嶼山大澳个大澳棚屋。
干栏式民居除脫透氣涼爽外，也有避免瘴氣，潮濕，淹水，外加防止蟲蛇進入搭抗震个功能，另外，在架設方面也比較簡易。