阿伊努族

阿伊努族（阿伊努语：Ainu、Aynu），是日本北方、西伯利亚东南方个一个原住民族群，主要聚居拉库页岛、北海道、千岛群岛搭堪察加。拉阿伊努语中，“阿伊努”即“人”个意思。至今，咾多阿伊努人侪希望人们称谓渠拉为“ウタリ”（日语罗马拼音：Utari，阿伊努语中“伙伴”个意思）。

1899年3月2号颁布《北海道旧土人保护法》以来，阿伊努人被强迫学习日语，强迫改用日本名字，责令停止宗教习俗。二战以後，日本政府继续沿用“自古以来个居民”箇种讲法，弗承认阿伊努民族个存在。2008年6月6号，日本国会首次承认阿伊努人是原住民，2019年4月19号通过立法确认。

弗少中文文献直接用日本历史丄曾出现过个虾夷人箇隻叫法来称呼阿伊努人，认为伊拉两家头是同一隻种群，必过遗传学研究並弗好确定箇两批人到底是弗是同一批。