石狩川
石狩川（日文：石狩川／いしかりがわ Ishikarigawa）是一条经过日本北海道中西部，阿末流到日本海个河浜。伊也是一级水系石狩川水系个主流。
石狩川长268km，排拉日本第三位，只比信浓川搭利根川短;流域面积有14,330km2，排拉日本第二，只比利根川小[1]。
地名个由来[编辑]
石狩川个名字，来自北海道原住民阿伊努族讲个阿伊努语，“i-sikar-a-pet/イ・シカラ・ペツ”，意思是“弯曲个河浜”。
地理[编辑]
石狩川个源头勒拉大雪山（北海道）山系石狩岳个西面，流过上川盆地、石狩平原，阿末勒拉石狩市流到石狩湾。
勒拉古代，石狩川是从苫小牧市附近流进太平洋个，但勒拉差弗多三万年前，支笏火山群爆发，火山灰、熔岩个堆积拿河浜堵牢，形成现在个流向。石狩川中游出现个牛轭湖搭旧河浜个残留，是石狩川勒拉古代改变河道个证据。
