钏路市

第一行：钏路湿地
第二行：阿寒湖同雄阿寒岳；钏路港东港区
第三行：温根沼同雌阿寒岳；阿寒富士
第四行：钏路拉面；钏路渔人码头MOO

釧路市勒拉北海道个位置

钏路市（日文：釧路市／くしろし ^{Kushiro shi}）勒拉日本北海道道东地区，渔业、工业发达。日本政府搭北海道厅勒拉箇面开仔负责道东区域个分支机关，越南搭密克罗尼西亚联邦也拉箇面有名誉领事馆。

面积上是北海道里向面积第三大个市町村，只比北见市同足寄郡足寄町面积小，市区主要勒拉东南面沿海个平原上，挨拉市区个就是日本顶顶大个湿地钏路湿地。勒拉钏路川个河口，有钏路港，伊是北海道顶顶大个谷物进出口港、日本国际谷物类散装货物战略港湾、更加是北海道东面顶顶大个国际物流中心。钏路港从19世纪末开始就是北海道东部地区包括十胜地方、鄂霍次克地方个主要港口，带广市、北见市等道东个内陆城市九成个货物出口侪依靠钏路港。

勒拉钏路个沿海地区，有造纸工厂、食品加工厂、化学工厂，让伊变成道东少有个工业城市。钏路港也是北海道顶顶大个渔港，包括鳕鱼、秋刀鱼，1990年开始曾经连续13年成为日本捕捞量排名头一个港口。

市名个由来

从松前藩勒拉箇面设置个クスリ場所当中个“クスリ”（Kusuri）个发音演变过来个。

クスリ个来源是阿伊努语，但是有好几种看法，比方讲：

1. 「kus-ru/ci-kus-ru」（通过个路）
2. 「kus-pet」（通过个河浜）
3. 「kusuri」（药、温泉）
4. 「kut-caro」（湖口）
5. 「kus-sir」（河浜对过个山）

交通

机场

• 钏路机场

铁路

• 北海道旅客铁道（JR北海道）
  • 根室本线
  • 钏网本线

港口

• 钏路港

相关条目

维基共享资源里向寻得着搭该篇文章搭界个多媒体资源：

钏路市

外部链接

• (日文) 釧路、阿寒湖觀光官方網站 档案，存勒互联网档案馆当中。（2019年7月18号）
  • （繁体中文） 釧路、阿寒湖觀光官方網站 档案，存勒互联网档案馆当中。（2019年7月18号）
  • （简体中文） 釧路、阿寒湖觀光官方網站 档案，存勒互联网档案馆当中。（2019年7月18号）