利尻岛

出自维基百科,自由个百科全书
远别町看个利尻岛

利尻岛日文利尻島りしりとう Rishiritō),勒拉日本北海道西北面日本海浪,是一座几乎是圆形个岛,北面跟礼文岛当中隔拉只礼文水道。面积有182.11平方千米,勒拉日本岛屿排名里向排拉第18[1]。岛个东半部是利尻富士町,西半部是利尻町

地名个来源[编辑]

利尻岛箇个地名从阿伊努语里个“ri-sir/リー・シリ”演变过来个,意思是高个岛,有讲法指个是岛高头标志性个火山。

历史[编辑]

利尻岛顶顶早出现拉文献记录里向是勒拉江户时代个《津轻一统志》箇本书里向,还确认伊个辰光利尻岛浪已经有阿伊努人[2]

1848年(嘉永元年)7月1号,日本第一位英文外教拉纳德·麦克唐纳登陆利尻岛,从箇面到日本[3]。虽然伊只勒拉利尻岛浪憕仔一個号头,但从文献记录来看,伊同当地岛民有过交流[2]。现在,岛上个野冢展望台浪有纪念麦克唐纳个登陆纪念碑。

19世纪中期,随咾日本本土渔民个移民,利尻岛变成個重要个渔场,岛浪个主要居民也从阿伊努人变成大和民族。1915年个辰光,利尻岛个渔获量曾超过10万吨,主要是太平洋鲱[2]。弗过从1955年开始,利尻岛个捕鱼业停脱[3]。现在旅游业已经取代脱渔业,变成功利尻岛新个主要产业。必过,利尻岛个水产业也弗差,箇面产个利尻昆布是特产,全日本闻名。

自然[编辑]

利尻岛

利尻岛是一座以利尻山为主体个火山岛[4]。利尻山勒拉差弗多20万年前开始活动,约码4万年前变成现在箇样子[5],但有文献记录以来还呒没任何伊个喷发记录[6]。利尻山也是北海道知名特产白色恋人巧克力包装浪个山[7]

岛浪个小河浜,大多侪从利尻山流到日本海。岛浪还有姬沼等湖。

利尻岛浪还有交交关关个高山植物,是北海道里向顶顶有高山植物多样性个地区之一[8][9]。为保护岛浪个生态环境,利尻岛大部分地区侪畀划拉利尻礼文佐吕别国立公园里向[10]

交通[编辑]

利尻富士町鸳泊港利尻町沓形港出发,有去稚内礼文岛个摆渡船[11]。利尻岛浪还有只利尻机场,有去新千岁机场丘珠机场个航班[12]

参见[编辑]

维基共享资源里向寻得着搭该篇文章搭界个多媒体资源:

参考文献[编辑]

  1. (2006)国立天文台(編) 编:理科年表〈平成19年〉.丸善ISBN 4621077635 
  2. 2.0 2.1 2.2 歴史 (ja). 北国グランドホテル. 原始文档勒2014-07-15存档. 访问日脚2014-07-28.
  3. 3.0 3.1 利尻富士町の歴史 (ja). 利尻富士町. 访问日脚2014-07-28.
  4. 利尻火山の地形 (ja). 独立法人産業技術総合研究所. 原始文档勒2014-08-11存档. 访问日脚2014-07-28.
  5. 利尻火山の噴火史 (ja). 独立法人産業技術総合研究所. 原始文档勒2014-08-11存档. 访问日脚2014-07-28.
  6. 利尻山 (ja). 気象庁. 访问日脚2014-07-28.
  7. 利尻島「白い恋人」のパッケージに使われた「オタトマリ沼」と逆さ富士が見られる「姫沼」の2つの沼を巡る (ja). たびねす. 访问日脚2014-07-28.
  8. 利尻島の花 (ja). 利尻町. 原始文档勒2015-01-18存档. 访问日脚2014-07-28.
  9. 自然環境の概要 (ja). 利尻礼文サロベツ国立公園. 访问日脚2014-07-28.
  10. 利尻礼文サロベツ国立公園 (ja). 利尻町. 原始文档勒2015-01-18存档. 访问日脚2014-07-28.
  11. 稚内~利尻島・礼文島 (ja). heartlandferry. 原始文档勒2014-07-28存档. 访问日脚2014-07-28.
  12. 利尻島へのアクセス (ja). 利尻町. 原始文档勒2015-01-14存档. 访问日脚2014-07-28.