札幌市

出自维基百科，自由个百科全书
札幌市勒拉北海道搭石狩振兴局里个位置

札幌市（日语：札幌市／さっぽろし Sapporo shi）是垃拉日本北海道道央地区个都市，为北海道首府、搭子石狩振兴局本部所在地，也是政令指定都市之一[1]。渠拥有超过190万人口，是北海道最大都市、搭子日本人口第五大都市，集中了北海道35%个人口，而札幌都市圈（日语：札幌都市圏）更加集中仔北海道将近一半个人口。

札幌市个历史从1869年日本设立开拓使个辰光勒拉箇面设置个札幌本府[1]。札幌个建设规划由伊个辰光个开拓判官岛义勇提出，参考京都个样子，拿创成桥（日语：創成橋）个东面作为基点，拿创成川（日语：創成川）作为南北轴，渡岛通（现在个南1条通）作为东西轴[2][3]。而大通公园是现在札幌市个东西主干线[4]。

1972年，札幌市举办亚洲头一趟冬季奥运会[5]。箇些来，札幌市举办多项国际体育赛事。札幌市还是日本有名个观光都市，勒拉日本个魅力城市排行榜当中亦排拉前头[6]。

市名个由来[编辑]

同大部分北海道地区个地名一样，「札幌」箇個地名也是从北海道原住民阿伊努族个闲话阿伊努语来个。关于札幌（平假名：さっぽろ）个来源，讲法弗少，有讲是来自阿伊努语个「sat-poro」（经常干燥/干燥貤广阔）、「sat-poro-pet」（干脱个大江）、「sar-poro-pet」（有大片芦苇个河浜）或者「sat-cep-poro」（老多晒干个鲑鱼）等[1][7]。

历史[编辑]

1891年个札幌市中心地图

札幌市从约八千年前个绳纹时代就已经有人住。勒拉17世纪末个津轻藩个文献当中就已经有关于札幌个记录。18世纪初，松前藩个地图里向已经写拉有札幌[8]。18世纪后期，松前藩个石狩十三场所（大和人搭阿伊努人经商个地方）里向就有以部分勒拉现在札幌市里向[8]。

札幌勒拉19世纪中期开始大规模开发。1857年，德川幕府送老百姓去札幌地区拓荒，标志大和人大规模移民札幌个开始[8]。1869年，日本政府开仔开拓使后头，勒拉札幌设置札幌本府。因为札幌勒拉石狩平原，好开垦个土地多，地理位置貤比勒拉北海道南端个函馆好，所以伊勒拉北海道个地位迅速提高[9]:1。日本政府勒拉1871年在札幌造個开拓使本厅舍，意味着札幌成为北海道拓荒个中心[8]。

1870年代是北海道拓荒个黎明期，勒拉箇一段辰光，开通仔札幌到函馆个公路，造仔札幌农学校（现在北海道大学个前身）[8]。1880年，手宫（日语：手宮駅）到札幌个铁路通车，箇也是北海道头一条铁路[8]。1882年，日本政府废脱开拓使，改为函馆县、札幌县、根室县。四年以后，侪畀北海道厅 (1886-1947)（日语：北海道庁 (1886-1947)）代替，札幌变成北海道厅个所在地[8]。1899年，札幌、函館、小樽设区，相当于现在个市[8]。


札幌市电车

1918年，札幌市电车开业，北海道大学亦正式成立[8]。1922年，札幌正式变成市，但人口勒拉伊个辰光比函馆市搭小樽市少，是北海道第三大市[10]。但札幌勒拉1920年代开始高速发展，勒拉1940年个辰光，人口比1920年个翻了只倍，变成北海道人口最多个城市[10]。勒拉第二次世界大战个辰光，札幌个丘珠、白石、苗穗等地方畀美軍轰炸[11]。

札幌市营地铁南北线

二战后，勒拉1950年代，札幌市经历仔多趟市町村合并，范围逐步扩大[8]。在1947年，根据《地方自治法》成立个北海道厅（日语：北海道庁（新制））勒拉札幌市，也巩固仔伊北海道首府个地位。1964年，包括札幌市个道央地区被指定为新兴产业都市，促进札幌个工业发展[8]。进入1970年代，札幌市人口突破了一百万，还勒拉1972年举办仔冬季奥运会[8]。冬奥会促进札幌个城市发展，造仔蛮多体育设施，还拉市中心造地下街，造地铁，成为日本第四個开通地铁个城市[9]:8。

冬奥会以后，札幌市制定仔新札幌市长期综合规划，继续造地铁，铁路高架化等工程[8]。1980年代初，札幌市人口突破150万，超过京都市成为日本人口第五多个城市[8]。1990年代以后，札幌市人口已经超过北海道总人口个三成[9]。

地理[编辑]

自藻岩山望札幌市區的夜景

札幌市勒拉石狩平原西南面，市区有1,121.26平方公里大[1]。按照地形，札幌市可以分成西南部山区、東南部平地、中部冲积平原、北部低地四個地区[12]。市区里向顶顶高个是余市岳，有1,488米[1]，还有些火山性山地[12]。市中心个冲积平原由丰平川、发寒川冲积而成，也是札幌市人口顶顶密个地区[12]。北面个低地是石狩平原个一部分[12]。

札幌市区大部分地区侪是石狩川水系，市中心个丰平川等河浜也是石狩川个支流[13]。

气候[编辑]

札幌市是温带季风气候，夏天搭冬天个温差蛮大个；勒拉日本个气候分类中算日本海侧气候[1]。4月份到6月份，札幌市晴天多，呒没梅雨。夏天，受到鄂霍次克海浪个高气压个影响，白天温度高但早上夜头有点瀴。冬天个札幌又寒冷又雪多，全年累计好落6米个雪[12]。札幌市年平均气温有8.9℃，夏季平均最高气温有26.4℃，冬季最低平均气温有-7℃，世界浪少有个会得落暴雪个有将近200万人口个城市[14]

行政区划[编辑]

札幌市10区分层设色地图

勒拉札幌市升级成政令指定都市以后，有中央区、北区、东区、白石区、丰平区、南区、西区。

1989年新开厚別、手稻两個区，1997年新开清田区，现在拢总十個区[8]。

经济[编辑]

札幌啤酒博物館
白色恋人博物馆

札幌市经济个特点之一是第二产业比重弗高，只有经济总量个10.7%。而第三产业有邪气重要个地位，占经济总量个88%[15]。

第一产业[编辑]

札幌市耕地面积2,750公顷，农业生产总值有34.5亿日元，其中蔬菜有大约码子七成，是典型个城市近郊型农业[16]。

札幌市生产个主要蔬菜品种有洋葱、菠菜、洋山芋等[17]，札幌黄是有名个洋葱品种[18]。

箇些年，因为农业人口老龄化，札幌市耕地有弗少畀荒废脱。札幌市通过市民农场等办法试图解決箇個问题[19]。

第二产业[编辑]

札幌市个制造业企业比例搭从业人口比例只有日本平均值个差弗多三分之一，工业品生产额勒拉政令指定都市当中也蛮低个[20][21]。因为农业搭矿业勒拉北海道拓荒当中有重要个地位，食品制造业搭金属制造业勒拉札幌市制造业当中占比符低[20]。

第三产业[编辑]

薄野是札幌顶顶繁荣个地区之一

2014年度，札幌市商品销售额达到86,841亿日元，勒拉日本主要都市中排垃第五位，只比东京23区、大阪市、名古屋市、福冈市低[22]。零售业销售额达到20,247亿日元，也排拉日本第五位[23]。

观光勒拉札幌市经济当中亦有重要个地位。2015年，札幌市旅游人数达到1365.3万人[24]。

箇两年，札幌市也勒拉积极发展IT产业，伊个产值已经超过制造业个产值，[20]。

文化[编辑]

札幌巨蛋，好当棒球场，亦好当足球场

札幌市个言话是北海道闲话（日语：北海道方言）。因为札幌大多数人口侪是移民，历史弗长，所以当地言语搭日文标准言话比较像[25]。

北海道个农业形成札幌独特个饮食文化。札幌拉面是味噌口味个日本拉面个代表，是日本三大拉面之一[26]。成吉思汗羊肉是北海道行个羊肉菜[27]。札幌市还是日本啤酒产业的发源地之一[28]，1877年就开始酿啤酒。

北海道新闻是北海道发行量顶顶多个报纸，总部勒拉札幌市[29]。NHK札幌放送局是NHK勒拉北海道顶顶重要个分支机构。札幌市个民营电视台有北海道放送[30]、札幌电视台[31]、北海道电视台[32]、TV北海道[33]、北海道文化放送[34]，当中北海道放送搭札幌电视台也有广播节目。


北海道日本火腿斗士是日本职业棒球个球队之一，主场勒拉2004年搬到北海道[35]。北海道札幌冈萨多是札幌唯一个职业足球俱乐部[36]。

札幌巨蛋2001年造好，好当棒球搭足球个球场，是北海道日本火腿斗士搭北海道札幌冈萨多个主场，也是日本唯一个完全室内纯天然草皮个足球场，是2002年国际足联世界杯个举办场地之一[37]。

札幌也是1972年冬季奥林匹克运动会个主办城市[5]。


北海道大学

北海道大学勒拉1918年成立，前身是札幌农学校，是日本本土七所旧帝国大学之一[38]。北海道教育大学勒拉札幌市也有校区。札幌市还有札幌医科大学搭札幌市立大学[39]两座公立大学搭十四所私立大学。

交通[编辑]

札幌站

札幌是北海道个政治、经济中心，交通亦蛮便当个。

札幌市内个铁路由北海道旅客铁道（JR北海道）运营，市内有函馆本线、札沼线（学园都市线）、千岁线三条JR路线[40]。

札幌站是札幌个铁路中心，2015年日均客流量有9.5万人次[41]。

札幌市交通局是札幌市营地铁搭札幌市电个经营者。札幌市营地铁有南北线、东西线、东丰线三条线，拢总长48公里[42]。札幌市电车是札幌市个路面有轨电车，曾经勒拉札幌市公共交通当中地位弗低个，但因为汽车个普及而废脱弗少路线，现在只有一条路线[43]。

札幌市内还有缆车，勒拉藻岩山浪。

札幌市有道央自动车道搭札樽自动车道两条高速公路[44]。

高速巴士是连接札幌市搭北海道其他地方个重要交通工具之一，市内主要公交枢纽有札幌车站客运总站、北海道中央巴士札幌客运总站（日语：北海道中央バス札幌ターミナル）等。

札幌市内有丘珠机场。丘珠机场勒拉1942年设立，是一座军民共用机场。丘珠机场现在只有去利尻、钏路、函馆、静冈等个定期航线[45]。勒拉千岁市、苫小牧市交界处个新千岁机场是札幌市现在实际浪向个主要机场。

观光[编辑]

大通公园搭仔札幌电视塔
札幌雪祭

札幌市个观光资源蛮丰富个。

大通公园是都市公园，东西长大约1.5公里，面积有7.8公顷[46]。1957年造好个札幌电视塔亦勒拉大通公园里向，伊个瞭望台好欣赏札幌全景[47]。

勒拉札幌市近郊个藻岩山不单单是滑雪胜地，从伊山顶浪看出去个夜景是新日本三大夜景之一[48]。

札幌市有弗少北海道拓荒辰光个西洋式建筑，代表个有札幌市钟楼[49]、北海道厅旧本厅舍[50]等。勒拉厚別区个北海道拓荒村有弗少拓荒辰光个建筑，是一座露天个博物馆[51]。

白色恋人公园有札幌著名点心白色恋人个生产过程个展示[52]。

从1950年开始个札幌雪祭会得每年2月份勒拉大通公园举行，是北海道冬季规模最大个观光活动之一[53]。

定山溪温泉勒拉札幌市郊区，是札幌市顶顶大个温泉，有超过150年个历史[54]。


参考资料[编辑]

  1. ↑ 1.0 1.1 1.2 1.3 1.4 1.5 札幌市のあらまし (ja). 札幌市. 原始文档勒2017-07-02存档. 访问日脚2017-07-04.
  2. ↑ 道路建設の歴史 (ja). 札幌市. 原始文档勒2017-06-30存档. 访问日脚2017-07-04.
  3. ↑ さっぽろの街づくりの基点　創成橋 (ja). 札幌市. 原始文档勒2015-09-23存档. 访问日脚2017-07-04.
  4. ↑ 大通公園の歴史と植物 (ja). 札幌市公園緑化協会. 原始文档勒2017-06-14存档. 访问日脚2017-07-04.
  5. ↑ 5.0 5.1 SAPPORO 1972 (en). IOC. 原始文档勒2017-07-10存档. 访问日脚2017-07-04.
  6. ↑ 地域ブランド調査2016＿魅力度上位100市区町村ランキング (ja). ブランド総合研究所. 原始文档勒2017-09-26存档. 访问日脚2017-07-04.
  7. ↑ 北海道庁. アイヌ語地名リスト. 北海道庁. 访问日脚2017-08-16.
  8. ↑ 8.00 8.01 8.02 8.03 8.04 8.05 8.06 8.07 8.08 8.09 8.10 8.11 8.12 8.13 8.14 札幌市略年表 (ja). 札幌市. 原始文档勒2017-08-23存档. 访问日脚2017-07-04.
  9. ↑ 9.0 9.1 9.2 (日文)平岡昭利（2004）．《北海道 (地図で読む百年)》．東京都：古今書院．ISBN 4-7722-1419-4． 
  10. ↑ 10.0 10.1 (日文)山下克彦・平川一臣（2011）．《日本の地誌3　北海道》．東京都：朝倉書店．ISBN 978-4-254-16763-4． 
  11. ↑ 札幌空襲（手稲軽川） (ja). 札幌市. 原始文档勒2017-08-08存档. 访问日脚2017-07-04.
  12. ↑ 12.0 12.1 12.2 12.3 12.4 札幌市の概況（地域特性） (ja). 札幌市. 原始文档勒2018-03-27存档. 访问日脚2017-07-04.
  13. ↑ 札幌市の河川分類 (ja). 札幌市. 原始文档勒2016-11-14存档. 访问日脚2017-07-04.
  14. ↑ さっぽろ早わかり (ja). 札幌市経済観光局. 原始文档勒2017-07-03存档. 访问日脚2017-07-04.
  15. ↑ 存档副本 (ja). 札幌市. 原始文档勒2017-09-18存档. 访问日脚2017-07-04.
  16. ↑ Error on call to Template:cite web: Parameters url and title must be specified (ja). 農林水産省. 原始文档勒2017-08-08存档. 访问日脚2017-07-04.
  17. ↑ 大地が育てた札幌農業 (ja). 札幌市. 原始文档勒2017年8月8日存档. 访问日脚2017-07-04.
  18. ↑ 東区特産のたまねぎ札幌黄 (ja). 札幌市. 原始文档勒2017-08-08存档. 访问日脚2017-07-04.
  19. ↑ 札幌市の農業の現状と課題 (ja). 札幌市. 原始文档勒2017-08-08存档. 访问日脚2017-07-04.
  20. ↑ 20.0 20.1 20.2 資料編 (ja). 札幌市. 原始文档勒2017-08-23存档. 访问日脚2017-07-04.
  21. ↑ 経済センサスでみる12大都市の産業特性と主要産業 (ja). 総務省. 原始文档勒2016-03-04存档. 访问日脚2017-07-04.
  22. ↑ 卸売業,小売業 年間商品販売額は大都市中第４位 (ja). 福岡市. 原始文档勒2018-03-27存档. 访问日脚2017-07-04.
  23. ↑ 小売業 (ja). 大阪市. 原始文档勒2017-09-01存档. 访问日脚2017-07-04.
  24. ↑ 平成 27 年度の観光客入り込み状況について (ja). 札幌市. 访问日脚2017-07-04.
  25. ↑ (日文)真田信治（2011）．《方言学》．東京都：朝倉書店．ISBN 978-4-254-51524-4． 
  26. ↑ 札幌ラーメンってなんだ？ (ja). 西山製麺. 原始文档勒2017-08-23存档. 访问日脚2017-07-04.
  27. ↑ 札幌でジンギスカン！おすすめの名店を紹介 (ja). たびらい. 原始文档勒2017-07-16存档. 访问日脚2017-07-04.
  28. ↑ 歴史・沿革 (ja). サッポロビール. 原始文档勒2017-06-26存档. 访问日脚2017-07-04.
  29. ↑ 北海道新聞広告版別図 (ja). 北海道新聞. 原始文档勒2017年4月26日存档. 访问日脚2017-07-04.
  30. ↑ 会社概要 (ja). 北海道放送. 原始文档勒2017-07-24存档. 访问日脚2017-07-04.
  31. ↑ 会社概要・所在地 (ja). 札幌テレビ. 原始文档勒2017-07-05存档. 访问日脚2017-07-04.
  32. ↑ 会社案内 (ja). 北海道テレビ. 原始文档勒2017-07-02存档. 访问日脚2017-07-04.
  33. ↑ 会社概要 (ja). テレビ北海道. 原始文档勒2014-08-21存档. 访问日脚2017-07-04.
  34. ↑ 会社情報 (ja). 北海道文化放送. 原始文档勒2014-09-18存档. 访问日脚2017-07-04.
  35. ↑ 北海道日本ハムファイターズ (ja). 日本野球機構. 原始文档勒2017-06-27存档. 访问日脚2017-07-04.
  36. ↑ ヒストリー (ja). 北海道コンサドーレ札幌. 原始文档勒2017-07-27存档. 访问日脚2017-07-04.
  37. ↑ 施設概要 (ja). 札幌ドーム. 原始文档勒2017-06-23存档. 访问日脚2017-07-04.
  38. ↑ 北海道大学概要 (ja). 北海道大学. 原始文档勒2017-07-31存档. 访问日脚2017-07-04.
  39. ↑ 沿革 (ja). 札幌市立大学. 原始文档勒2017-09-03存档. 访问日脚2017-07-04.
  40. ↑ 路線図 (ja). JR北海道. 原始文档勒2017-06-22存档. 访问日脚2017-07-04.
  41. ↑ ３.ＪＲ (ja). 札幌市. 原始文档勒2017-08-18存档. 访问日脚2017-07-04.
  42. ↑ 地下鉄（高速電車）の概要 (ja). 札幌市. 原始文档勒2017-03-15存档. 访问日脚2017-07-04.
  43. ↑ 市電（路面電車）の概要 (ja). 札幌市. 原始文档勒2017-03-15存档. 访问日脚2017-07-04.
  44. ↑ 高速道路案内図 (ja). 日本自動車連盟. 原始文档勒2015-06-16存档. 访问日脚2017-07-04.
  45. ↑ 空港概要 (ja). 札幌丘珠空港. 原始文档勒2017-09-02存档. 访问日脚2017-07-04.
  46. ↑ 公園案内 (ja). 大通公園. 原始文档勒2017-06-14存档. 访问日脚2017-07-04.
  47. ↑ 展望台のご案内 (ja). さっぽろテレビ塔. 原始文档勒2017-07-09存档. 访问日脚2017-07-04.
  48. ↑ 藻岩山の夜景 (ja). 札幌もいわ山ロープウェイ. 原始文档勒2017-09-05存档. 访问日脚2017-07-04.
  49. ↑ 札幌市時計台 (ja). 札幌市経済観光局. 原始文档勒2017-07-18存档. 访问日脚2017-07-04.
  50. ↑ 北海道庁旧本庁舎（赤れんが庁舎） (ja). 札幌市経済観光局. 原始文档勒2017-07-13存档. 访问日脚2017-07-04.
  51. ↑ 開拓の村のあらまし (ja). 北海道開拓の村. 原始文档勒2017-07-06存档. 访问日脚2017-07-04.
  52. ↑ 白い恋人パーク (ja). 札幌市経済観光局. 原始文档勒2017-06-15存档. 访问日脚2017-07-04.
  53. ↑ さっぽろ雪まつりの歴史 (ja). さっぽろ雪まつり. 原始文档勒2017-07-13存档. 访问日脚2017-07-04.
  54. ↑ 定山渓温泉街 (ja). 札幌市経済観光局. 原始文档勒2017-07-05存档. 访问日脚2017-07-04.

外部链接[编辑]

维基共享资源里向寻得着搭该篇文章搭界个多媒体资源：
取自“https://wuu.wikipedia.org/w/index.php?title=札幌市&oldid=304125”