2023年

2023年是一个平年，第一天从礼拜天开始。

虚构作品里向

• 人生遥控器个主角迈克尔·纽曼误用遥控器，让自家弗情愿个被传送到此年。

事体

一月

• 1月8号凌晨，江西省南昌县发生严重个交通事故，去送葬个人死脱交交关关。
• 1月11号，广州市发生撞人事件，造成5死13伤。

二月

• 2月3号，美国俄亥俄州一部有危险化学品个货运列车脱轨哉，有害气体氯化氢搭光气放到空气中。
• 2月3号，美国搭加拿大政府监测到中华人民共和国个高空气球从北美上空飞过，讲伊是间谍气球。中国外交部表示箇個气球是中国个科研目的个民用无人飞艇，畀西风带吹唻偏离预定个路线。
• 2月9号，徐家汇站外头工地里向水管爆脱，水冒出来淹进11号线轨道里向。

三月

• 3月10号，总部勒拉美国加利福尼亚州圣克拉拉市个硅谷银行宣告破产，伊个资产畀美国联邦存款保险公司接管。
• 3月26号夜头，上海一部71路个无轨公共汽车冲进河浜里，司机师傅弗幸故脱哉。
• 3月27号，前中华民国总统马英九到仔上海浦东国际机场，为期12天个祭祖交流旅行开始哉，伊也变成功两岸分治以后头一位访问中国大陆个前总统。

四月

• 4月30号，丁立人拿着2023年国际象棋世界冠军赛冠军。

五月

• 5月4号，江苏江阴发生枪击事件，有2家头受伤，呒没人死脱。枪是凶手自家做个，凶手畀警察发现死拉山里向。
• 5月5号，世界卫生组织宣布2019新型冠状病毒肺炎事体弗再构成国际关注个突发公共卫生事体。
• 5月11号，世界卫生组织宣布猴痘疫情弗再构成国际关注个突发公共卫生事体。
• 5月28号，中国东方航空MU9191航班从上海虹桥国际机场出发飞望北京首都国际机场，是中国商飞C919客机头一趟商业飞行。

六月

• 6月15号，2022年亚洲运动会个圣火火种勒拉杭州良渚遗址采集。
• 6月16号，苏州轨道交通11号线第一趟开展万人免费试乘活动。

八月

• 8月25号，日本福岛第一核电站望太平洋排核污染水，画算排30年。
• 8月28号，中华人民共和国新版标准地图公布。

九月

• 9月23号，第19届亚运会拉杭州举办。

十月

• 10月7号，哈马斯发动阿克萨洪水行动，引发一帮子武装团体同以色列个打仗。
• 10月18号，胡塞运动讲为仔支持哈马斯，勒垃红海攻击同以色列相关个商船。

十一月

• 11月4号，中国头一艘国产游轮爱达·魔都号正式交付。

十二月

• 12月14号，北京地铁昌平线发生追尾事故，至少500多人受伤。

过世

• 10月8号—谷村新司
• 10月27号—李克强，中国共产党主要领导人（1955年生）
• 10月27号—吴尊友，中国医学专家，中国疾病预防控制中心流行病学首席专家（1963年生）
• 10月28号—马修·派瑞，美国男演员（1969年生）
• 11月29号—亨利·基辛格，美国前国务卿（1923年生）