2026年

2026年是一个平年，第一天从礼拜四开始。

事体

一月

• 1月1号，保加利亚加入欧元区，停用原先个钞票列弗，改用欧元。
• 1月1号，瑞士瓦莱州克朗-蒙大拿爿酒吧失火，至少40人死脱、115人受伤。
• 1月3号，美军打委内瑞拉，拿总统尼古拉斯·马善洛捉到美国。
• 1月16号，宁波地铁6号线开通运营。
• 1月22号，美国总统唐纳德·川普宣布成立和平委员会。
• 1月23号，话吴越国“纳土归宋”个电视剧《太平年》勒垃电视丄开播。

二月

• 2月7号，第25届冬季奥林匹克运动会拉意大利米兰、科尔蒂纳丹佩佐开幕。
• 2月8号，日本举行第51届日本众议院选举，日本自民党拿着众议院所有465隻议席里向个316隻。
• 2月12号，上海轨道交通嘉闵线七莘路站施工个辰光水洇出来坍脱。
• 2月16号，浙江义乌成为2026年春节联欢晚会个分会场。
• 2月28号，美国搭以色列轰炸伊朗，伊朗反击空袭以色列搭仔美军基地，中东又打仗哉。

三月

• 3月3号夜里向，中国勒垃月亮升起来个辰光好看到月全食，是2026年唯一一趟月全食。

四月

• 4月1号，美国航空航天局“太空发射系统”登月火箭发射升空，执行“阿耳忒弥斯2号”载人绕月任务。
• 4月7号，中国国民党主席郑丽文领仔中国国民党访问团到上海，开始访问中国大陆。
• 4月7号，越南共产党中央委员会总书记苏林当选越南国家主席，越南共产党中央政治局委员黎明兴当选越南总理。
• 4月10号，中国国民党主席郑丽文领仔代表团勒垃北京人民大会堂同中共中央总书记习近平会面。
• 4月22号，南京地铁S2号线开通，线路延伸到马鞍山哉。

五月

• 5月1号，阿拉伯联合酋长国退出石油输出国组织。
• 5月4号，维基新闻关落唻。
• 5月4号，中国湖南省长沙市浏阳市官渡镇一爿烟花爆竹生产企业发生重特大爆炸，死脱30多人。
• 5月13号，美国总统唐纳德·特朗普访问中华人民共和国，同中国国家主席习近平碰头。
• 5月18号，广西壮族自治区柳州市接连发生两趟5.2级地震，死脱2家头、4人受伤。
• 5月20号，俄罗斯总统弗拉基米尔·普京访问中华人民共和国，同中国国家主席习近平碰头。
• 5月22号，山西省长治市沁源县山西通洲集团留神峪煤业有限公司井底下头发生瓦斯爆炸，死脱交关人。

六月

• 6月5号，上海久事大鲨鱼篮球俱乐部获得队史第二座CBA总冠军。
• 6月12号，第23届国际足联世界杯勒垃墨西哥城开幕，是加拿大、墨西哥搭美国联合举办个。
• 6月13号，吴越地区入梅。
• 6月22号，英国首相基尔·斯塔默宣布辞职勿做工党党魁哉，留任英国首相到下一届工党党魁选出来。

七月

• 7月1号，全罗南道搭仔光州广域市合并成立全南光州统合特别市，搭首尔特别市有得同等地位。
• 7月2号，上海辰山植物园升级成国家植物园，是华东地区第一家国家植物园。
• 7月11号夜到，台风巴威勒垃一隻钟头里向连续登陆台州玉环市坎门搭仔温州乐清市清江镇。
• 7月14号，苏锡常出梅，表明吴越地区集体出梅。
• 7月23号，中国数学家邓煜、王虹、美国数学家约翰·帕登搭仔俄裔加拿大籍数学家雅各布·齐默尔曼获得2026年菲尔兹奖。
• 7月30号，欧洲足球联合会、中北美洲及加勒比海足球联合会搭仔亚洲足球联合会宣布抵制、拒绝“国际足联前瞻企业”提案，国际足联主席因凡蒂诺宣布勿会得再推进箇隻提案。

八月

• 8月9号，台风白海豚也勒垃一隻钟头里向连续登陆台州玉环市坎门搭仔温州乐清市。
• 8月17号，匈牙利宣布复旦大学个布达佩斯分校建校计划彻底停脱。
• 8月20号，中国恒大集团个创办人许家印畀广东省深圳市中级人民法院判处无期徒刑，剥夺政治权利终身，没收個人全部财产。
• 8月26号，中华人民共和国搭仔尼泊尔边境浪个吉隆口岸附近有得泥石流，死脱至少160人，还有得千把人呒得消息。
• 8月28号，台风沙德尔一样连续登陆台州玉环市坎门搭仔温州。

过世

• 1月14号——聂卫平
• 2月28号——阿里·哈梅内伊
• 3月6号——嫩娘
• 3月14号——尤尔根·哈贝马斯
• 3月15号——于漪
• 7月18号——陈钢，《梁祝小提琴协奏曲》作者之一，陈歌辛个儿子（1935年生）
• 7月23号——东野圭吾
• 8月5号——黎彼得，香港作词家（1950年生）
• 8月13号——朱镕基
• 9月8号——董建华