跳转到内容

2023年俄亥俄州列车脱轨事故

出自维基百科，自由个百科全书
2月3号，俄亥俄州东巴勒斯坦个一名居民勒拉前院拍到个样子

2023年俄亥俄州列车脱轨事故，指个是2023年2月3号晚头8点55分，一部有氯乙烯等危险化学品个货运列车勒拉美国俄亥俄州东巴勒斯坦脱轨哉，接下来伊爆炸哉[1]。事故列车是诺福克南方铁路32N货运列车[2]，由141辆满载货运车厢、9辆空货运车厢搭3台机车组成，伊个辰光正好从伊利诺伊州个麦迪逊开去宾夕法尼亚州个康威（英语：Conway, Pennsylvania）[3][4][5]。

箇趟脱轨导致一场持续几天个火灾。为防止进一步个爆炸，紧急救援人员进行有毒化学物质个“可控释放”搭燃烧，勒拉2月6日讲伊拉拿伊控制成“可控燃烧”。燃烧拿有害气体氯化氢搭光气释放到空气当中[1]。事发现场方圆1.6公里里向个居民侪畀疏散。目前还呒没相关个人员伤亡报告。

脱轨

[编辑]

美国东部辰光2023年2月3号夜头8点55分左右，约码子50节车厢勒拉东巴勒斯坦，俄亥俄州搭宾夕法尼亚州边界附近脱轨。箇面有差弗多4,700名居民。141节车厢当中个20节运个是危险品，当中14节运个是氯乙烯[6]。2023年2月13号个辰光讲，发现乙二醇单丁醚、丙烯酸乙基己酯搭异丁烯三种危险化学物质[7][8]。后些来又发现其他个化学品，包括易燃液体、丙烯酸丁酯同苯残留物[9]。

差弗多两天以后，国家运输安全委员会讲初步发现，脱轨是因为当中一节车厢个车轴出现机械问题[10]。

2月23号，美国官员表示，列车脱轨可能是因为当中一部送聚丙烯个车子伊个轴承过热[11]。

应急响应

[编辑]
失火个辰光个视频

来自多個州个近70家应急机构畀动员起来[12]，东巴勒斯坦市长特伦特·康纳韦宣布进入紧急状态[13]。

诺福克南方公司个人员勒拉2月3号头一個做出反应[14]。2月4号，他们装浪围栏搭底流坝，分离漂拉个污染物。美国环境保护局（EPA）勒拉2月3日也开始监测空气质量。根据美国环保局个讲法，人好嗅着浓度比筛查水平低个丙烯酸丁酯[15]。

2月5号，因为一节火车车厢个温度发生变化，加之火还呒没烊脱，大家开始担心爆炸[16]。俄亥俄州州长迈克·德温下令强制疏散方圆一英里里向个所有居民，启动俄亥俄州国民警卫队协助地方当局[17]，宾夕法尼亚州州长乔什·夏皮罗也下令比弗县附近地区个人会得畀疏散[18][19]。火一直烧到2月5号[20]。

2月6号，为了防止进一步个爆炸，诺福克南部应急小组对五罐氯乙烯进行了控制释放搭燃烧[21]。燃烧导致箇面形成乌云，光气搭氯化氢畀释放到空气当中[22]。虽然官员们讲空气质量正常，但附近马宁县搭特鲁姆布尔县个居民讲，伊拉拉嘿个地区有化学气味。扬斯敦地区官方建议居民憕拉室内[23]。2月7号到8号，空气监测显示，空气里向个挥发性有机化合物（VOCs）增加，颗粒物增加[24]。

2月8号，州同联邦环保局个工作人员发现土浪个油污溢出，并通知诺福克南方公司。伊拉开始用真空卡车清除油污[25]。

2月9号，美国环保局报告疏散区个空气已经恢复到正常水平，疏散也畀解除[26]。俄亥俄州环保局报告讲，饮用水是安全个。勒拉2月8号个测试报告当中，俄亥俄州环保局表示呒没拉水里向发现氯乙烯、苯、氯化有机化合物或者其他挥发性有机化合物[27]。

2月16号，州长迈克·德温要求增加援助[28]。

2月25号，美国环境保护署下令要求诺福克南方公司暂停从俄亥俄州东巴勒斯坦向外运输箇趟脱轨事故产生个废弃物[29]。勒拉27号个辰光恢复伊个运输。废弃物畀送到俄亥俄州个两個地方进行处理[30]。

控诉

[编辑]

2月8号开始，受到影响个企业同当地居民对诺福克南方铁路提起至少四桩集体诉讼[31][32][33]，有个还要求箇家公司支付居拉出轨地方附近30英里里向个人个医疗筛查搭治疗费[34]。诺福克南方铁路公司畀当地人1000美元同疏散有关个钞票[35]，但是大家并弗买账，对水质个安全也表示担忧[36]。还有居民担心，接受箇1000美元个补偿会得限制伊拉参加未来法律诉讼个能力[37]。

2月25号，俄亥俄州一家律师事务所宣布，伊代表当地居民就火车脱轨箇桩事体对诺福克南方铁路提出集体诉讼[38]。

影响

[编辑]
事故现场附近个空气监测装置

火车脱轨事件再次引发了全国范围内对行业工作条件搭安全问题个讨论，比方讲缺乏现代制动安全法规同实施精确定位铁路（PSR），每列火车浪个铁路工人减少交关，增加火车长度同重量等等[39][40]。批评人士讲，火车公司呒没勒拉火车维护浪投资一定个钞票，让箇趟事故弗发生[41][42]。

潜在个健康危害

[编辑]

交交关关小囡生毛病或者宠物同野生动物死脱个报告勒拉网浪传开哉[43][44][45]。排水沟里向也检测出箇趟脱轨释放个物事，并勒拉几条河浜，特别是俄亥俄河，里向检测到箇些物事。应急响应人员勒拉评估伊拉对水生生物个潜在影响[46][47]。

俄亥俄州自然资源部讲，到2023年2月8号，化学品泄漏导致7.5英里河浜里向将近3500条鱼死脱[48]。

卡内基梅隆大学个化学教授尼尔·多纳休对氯乙烯燃烧过程当中可能释放个二𫫇英表示担忧，因为气态污染物勒拉空气中会得咾快散脱，但二𫫇英是持久性个[49]。

2月15号，俄亥俄州州长迈克·德温跟有线电视新闻网讲，伊高度建议东巴勒斯坦附近个居民，勒拉水质完全检测有最终个结果前，继续喫瓶装水[50]。还有州议员问环境保护署局长迈克·里根啊愿意直接喫东巴勒斯坦个饮用水，得到否认个回答[51][52]。

2月16号，俄亥俄州共和党参议员杰德·万斯勒拉事故现场视察，发现事故附近个水里向有交交关关死鱼死虫。伊拿箇桩事体拍只视频发拉Twitter浪。肯特州立大学教授库尔迪普·辛格（Kuldeep Singh）判断，事故个化学物质可能已经污染地下水哉[53]。

2月19号，貤有俄亥俄州议员勒拉接受有线电视新闻网连线个辰光表示，伊现在弗大愿意喫箇个水，现在个目标是四五年里向拿箇个饮用水个问题先解决脱[54]。

逮捕记者

[编辑]

2月8日，勒拉俄亥俄州州长迈克·德温新闻发布会后，NewsNation个记者埃文·兰伯特（Evan Lambert）勒拉同一個体育馆里向进行新闻广播。箇个辰光，伊畀俄亥俄州公路巡警队个2名州警搭俄亥俄州副官部个小约翰·C·哈里斯（John C.Harris Jr.）少将靠近，警告伊覅瞎叫八叫。[55][56]。伊拒绝以后，畀捉脱，带出体育馆[57][58]，畀指控犯有非法侵入罪搭扰乱治安罪。伊天晏些辰光，伊畀放脱[59][60]。第二天，州长迈克·德温批评当地对媒体个阻挠[61]。

2月15号，俄亥俄州总检察长表示立案撤销哉[62]。

政治争议

[编辑]

2月14号，美国运输部长，民主党个彼得·布蒂吉格，勒拉推特浪发表看法，拿事故怪拉前总统唐纳德·特朗普废脱些相关个安全条例浪。箇个看法畀共和党个人批评唻蛮结棍个[63]。

2月22号，美国前总统唐纳德·特朗普来到东巴勒斯坦镇，批评拜登政府背叛美国人民[64]。伊还带拉14000瓶“特朗普牌矿泉水”发畀当地人[65]。

2月24号，美国总统拜登表示伊自家目前呒没计划去俄亥俄州东巴勒斯坦镇火车脱轨事故现场。伊表示勒拉伊准备去乌克兰搭波兰前，并呒没人请伊去视察东巴勒斯坦镇事故现场[66]。箇咾东巴勒斯坦镇镇长肏铲拜登，讲伊弗关心畀事故影响个美国公民，反过来跑去乌克兰[67]。

第二次俄亥俄州列车脱轨

[编辑]

2023年3月4号，又有一部诺福克南方铁路个火车勒拉俄亥俄州斯普林菲尔德附近脱轨[68][69] 。铁路公司方面表示，火车呒没运啥个危险化学品。2023年3月5号，箇家公司发布一份声明，表示箇部212节车厢个列车里向有28节车厢脱轨，修改伊顶早发个报告[68]。报告里还表示，列车上个乘务员呒没受伤[68]。俄亥俄州参议员谢罗德·布朗勒拉接受彭博社采访个辰光表示，箇两趟脱轨侪是“弗好接受个”[70]。脱轨个原因还呒没调查出来[71]。

参考文献

[编辑]
  1. ↑ 1.0 1.1 Ohio catastrophe is 'wake-up call' to dangers of deadly train derailments (2023-02-11).
  2. ↑ NS Train Symbols – RailroadfanWiki.
  3. ↑ Jennifer Rodriguez. What caused the derailment. 原始文档勒2023-02-08存档. 访问日脚2023-02-17. “During the presser, Graham said the train was carrying 141 load cars, nine empty cars and three locomotives, which are used to pull the train.”
  4. ↑ What caused the East Palestine, Ohio train derailment? (2023-02-08). 原始文档勒2023-02-08存档. 访问日脚2023-02-17.
  5. ↑ Hauser, Christine (2023-02-15). "After the Ohio Train Derailment: Evacuations, Toxic Chemicals and Water Worries" (in en-US). The New York Times. ISSN 0362-4331. Retrieved 2023-02-16. 
  6. ↑ 50-car train derailment sparks massive fire, mandatory evacuation order in Ohio (2023-02-04).
  7. ↑ 致癌！俄亥俄脱轨火车上新发现三种有害化学物质. 看看新闻.
  8. ↑ 3 more chemicals discovered in Ohio train derailment. 国会山报The Hill.
  9. ↑ Norfolk Southern releases list of chemicals carried by derailed train.
  10. ↑ NTSB confirms rail car axle issue caused Norfolk Southern train derailment.
  11. ↑ "调查发现Norfolk火车在俄亥俄州脱轨前车轮轴承过热". 
  12. ↑ Train derailment in East Palestine, Ohio, prompts urgent evacuations within one-mile radius (2023-02-07). 原始文档勒2023-02-07存档. 访问日脚2023-02-17.
  13. ↑ East Palestine Ohio train derailment today: Evacuation order in place after train accident sparks massive fire - ABC7 San Francisco (2023-02-07). 原始文档勒2023-02-07存档. 访问日脚2023-02-17.
  14. ↑ Site Profile - East Palestine Train Derailment - EPA OSC Response.
  15. ↑ Site Profile - East Palestine Train Derailment - EPA OSC Response (2023-02-13). 原始文档勒2023-02-13存档. 访问日脚2023-02-17.
  16. ↑ Controlled chemical release scheduled to prevent explosion in wake of Ohio train derailment (2023-02-07). 原始文档勒2023-02-07存档. 访问日脚2023-02-17.
  17. ↑ Slowly releasing chemicals from the derailed train in Ohio could prevent an explosion | 90.5 WESA (2023-02-07). 原始文档勒2023-02-07存档. 访问日脚2023-02-17.
  18. ↑ Train derailment in East Palestine, Ohio, prompts urgent evacuations within one-mile radius (2023-02-07). 原始文档勒2023-02-07存档. 访问日脚2023-02-17.
  19. ↑ East Palestine, Ohio train derailment, evacuation not mandatory (2023-02-07). 原始文档勒2023-02-07存档. 访问日脚2023-02-17.
  20. ↑ Site Profile - East Palestine Train Derailment - EPA OSC Response (2023-02-13). 原始文档勒2023-02-13存档. 访问日脚2023-02-17.
  21. ↑ Wayback Machine (2023-02-13). 原始文档勒2023-02-13存档. 访问日脚2023-02-17.
  22. ↑ Ohio train derailment: Fears continue over chemical spill | The Independent (2023-02-13). 原始文档勒2023-02-13存档. 访问日脚2023-02-17.
  23. ↑ ‘Shelter in place’: Officials advising Valley residents stay indoors (en-US) (2023-02-07). 原始文档勒2023-02-07存档. 访问日脚2023-02-17.
  24. ↑ Site Profile - East Palestine Train Derailment - EPA OSC Response (2023-02-13). 原始文档勒2023-02-13存档. 访问日脚2023-02-17.
  25. ↑ Site Profile - East Palestine Train Derailment - EPA OSC Response (2023-02-13). 原始文档勒2023-02-13存档. 访问日脚2023-02-17.
  26. ↑ Air near Ohio derailment safe for residents to return home | AP News (2023-02-13). 原始文档勒2023-02-13存档. 访问日脚2023-02-17.
  27. ↑ East Palestine water quality testing continues (en-US) (2023-02-11). 原始文档勒2023-02-14存档. 访问日脚2023-02-17.
  28. ↑ Biden administration vows accountability over train derailment as Ohio senators press for action
  29. ↑ 美环保署暂停从事发地向外运输“毒列车”事故产生的废弃物
  30. ↑ "美俄亥俄州火车脱轨事故产生的废弃物运输将于27日恢复". 
  31. ↑ "美国俄亥俄火车脱轨事件引发小镇居民对有毒物质的恐惧". BBC. 2023-02-16. 
  32. ↑ Class action lawsuits filed against Norfolk Southern for East Palestine derailment (en-US) (2023-02-08). 原始文档勒2023-02-09存档. 访问日脚2023-02-17.
  33. ↑ Class action lawsuit filed in train derailment, controlled chemical release in East Palestine (en) (2023-02-09).
  34. ↑ Lawsuit seeks medical testing after East Palestine train derailment (en) (2023-02-13).
  35. ↑ In Ohio Town Where Train Derailed, Anxiety and Distrust Are Running Deep - The New York Times (2023-02-15). 原始文档勒2023-02-15存档. 访问日脚2023-02-17.
  36. ↑ East Palestine residents demand answers.
  37. ↑ In Ohio Town Where Train Derailed, Anxiety and Distrust Are Running Deep - The New York Times (2023-02-15).
  38. ↑ "俄亥俄州火车脱轨 居民对铁路公司提集体诉讼". 
  39. ↑ Rail Companies Blocked Safety Rules Before Ohio Derailment (en) (2023-02-09).
  40. ↑ Rail Workers Blame Fiery Train Crash in Ohio on Wall Street Profit-Seeking (en).
  41. ↑ “Bomb Train” in Ohio Sickens Residents After Railroad Cutbacks, Corporate Greed Led to Toxic Disaster (en).
  42. ↑ Press Release: Fiery Ohio Train Wreck the Result of "PSR" (en-US).
  43. ↑ Ohio train derailment: environmental disaster quietly unfolding (2023-02-10). 原始文档勒2023-02-10存档. 访问日脚2023-02-17.
  44. ↑ Taylor Holzer worries for animals' health following East Palestine Ohio train derailment (2023-02-10). 原始文档勒2023-02-10存档. 访问日脚2023-02-17.
  45. ↑ Wary residents return home after toxic train derailment | AP News (2023-02-10). 原始文档勒2023-02-10存档. 访问日脚2023-02-17.
  46. ↑ Wayback Machine (2023-02-13). 原始文档勒2023-02-13存档. 访问日脚2023-02-17.
  47. ↑ Site Profile - East Palestine Train Derailment - EPA OSC Response (2023-02-13). 原始文档勒2023-02-13存档. 访问日脚2023-02-17.
  48. ↑ Residents near Ohio train derailment report dead fish and chickens as authorities say it's safe to return (en).
  49. ↑ Toxic gases connected to Ohio train derailment cause concern | AP News (2023-02-13). 原始文档勒2023-02-13存档. 访问日脚2023-02-17.
  50. ↑ East Palestine, Ohio residents question the safety of their water and air in the wake of a train derailment and fire.
  51. ↑ JD Vance challenges Biden's EPA admin to drink potentially contaminated Ohio water if he claims it's safe (en-US). Fox News.
  52. ↑ EPA Administrator Michael Regan tells East Palestine residents air and water are safe - CBS Pittsburgh (en). CBS News.
  53. ↑ Emily Mills; Saleen Martin (2023-02-18). "Professor: Oily sheen on East Palestine creek behaving like vinyl chloride" (in en). 艾克隆燈塔日報（英语：Akron Beacon Journal）. Retrieved 2023-02-18. 
  54. ↑ CNN anchor asks Ohio lawmaker if he would drink the water in East Palestine (en-US). 有线电视新闻网.
  55. ↑ Body camera video reveals moments leading up to viral arrest of NewsNation reporter at East Palestine briefing (en-US) (6:44 PM EST February 9, 2023).
  56. ↑ East Palestine police: Ohio Adjutant General felt threatened by reporter before viral presser arrest, [2023-02-15] （美国英语） 
  57. ↑ Medina, Eduardo (2023-02-09). "Reporter Arrested While Covering News Conference in Ohio" (in en-US). The New York Times. ISSN 0362-4331. Retrieved 2023-02-15. 
  58. ↑ NewsNation reporter arrested during Ohio news conference, [2023-02-15] （美国英语） 
  59. ↑ NewsNation Reporter Arrested At Ohio Governor's Press Conference (en) (2023-02-09).
  60. ↑ Lambert: 'No journalist expects to be arrested when you're doing your job' | Banfield, [2023-02-15] （美国英语） 
  61. ↑ NewsNation reporter arrested during Gov. Mike DeWine's press conference in East Palestine (en) (2023-02-09).
  62. ↑ charges filed against newsnation reporter dropped. 原始文档勒2023-02-17存档. 访问日脚2023-02-17.
  63. ↑ Virginia Aabram (2023-02-16). "Ohio train derailment: Vance tells Buttigieg to ‘stop blaming Donald Trump’ for chemical disaster" (in en). 華盛頓檢查者報. Retrieved 2023-02-18. 
  64. ↑ "特朗普造访俄亥俄州 痛批拜登政府“背叛”美国人民". 
  65. ↑ "全部遇难！美国5名环境顾问前往俄亥俄州时坠机！特朗普访问“毒列车”事发地，带了1.4万瓶“特朗普牌矿泉水”". 
  66. ↑ "拜登称最初没人请求他访问俄亥俄州“毒列车”事故发生地". 
  67. ↑ "俄亥俄淪黨爭戰場 受害居民無助". 
  68. ↑ 68.0 68.1 68.2 Medina, Eduardo; Fahy, Claire (5 March 2023). "A Second Norfolk Southern Train Derails in Ohio". The New York Times. 
  69. ↑ Medina, Eduardo; Fahy, Claire (2023-03-05). "A Second Norfolk Southern Train Derails in Ohio" (in en-US). The New York Times. ISSN 0362-4331. 
  70. ↑ Chen, Shiyin (4 March 2023). "Second Norfolk Southern Train Derails in Ohio in a Month". Bloomberg. 
  71. ↑ Olson, Emily (6 March 2023). "Another Norfolk Southern train derails in Ohio". NPR. 
取自“https://wuu.wikipedia.org/w/index.php?title=2023年俄亥俄州列车脱轨事故&oldid=320398”