江西省

出自维基百科,自由个百科全书

江西省,是中华人民共和国一级行政区,简称,垃拉长江中下游南岸,东界浙江福建、北邻安徽湖北,西连湖南,南毗广东。境内最大河流为长江支流赣江,从南向北纵贯全境,注入中国第一大淡水湖——鄱阳湖。全省总面积166946.58平方公里。

江西省东面搭浙江、福建、北面挨牢安徽搭湖北,西面有罗霄山脉搭湖南分隔,南面通过客家地区连接广东。2016年底人口4592.00万人。省会是千年名城南昌

江西省
简称:赣
省会 南昌
面积
- 总面积
- 占全国面积%
- % 水域面积
第17位
166000平方千米
2.21%
xx%
人口
- 总人口 (2003年底)
- 占全国人口%
- 人口密度
第13位
4457万
4.13%
251/平方千米
国内生产总值
- 总值 (20013年)
- 占全国生产总值%
- 人均国内生产总值
第19位
14300亿人民币
2.46%
29880人民币
行政区类别

历史[编辑]

江西来勒古代是吴越楚国个争夺地区,是典型个吴头楚尾。来勒相当长个辰光内,并没有自家特色的地方色彩。伊拉个历史,搭东西两方侪有邪气大个关联。

名字来历[编辑]

江西省个简称,大体高头出现来勒唐帝国个辰光。是“文章节义之邦”个意思。来勒公元733年,唐帝国个唐玄宗设置江南西道,之后若干年,迭个设置侪没啥大个变动。所以,江南西道个建成江西就变成省份个名称,字面高头个意思是来勒江南西部个地区。又因为为江西顶大河流是赣江,所以也简称。赣江搭鄱阳湖对江西个作用,相当于湘江洞庭湖湖南个作用。江西也称为“赣鄱”大地。江西还有一个别名,叫做江右。这是因为来勒古代,中原人从长江以北往南面看,江西来勒江南个右部,正好搭江东来勒江南个左边相对应。所以,江西来勒交关历史文献当中又称为“江右”与江东(“江左”)相对应。弗过,现在老百姓已经弗大晓得江右个称呼哉。

远古[编辑]

来勒青铜器辰光时期,江西属于长江流域文明个(独立于古代黄河文明)一部分,受到邻近发达文明个影响,农业搭青铜侪有发展,根据考证,江西境内也是世界浪顶早进行水稻耕作个地方(江西万年县个水稻种植已有一万两千多年的历史[1])。春秋战国辰光,江西被周边个强国先后纳入统治,所以,又被称为:吴(国)头楚(国)尾,「襟三江而带五湖,控蛮荆而引瓯越」。

纳入帝国[编辑]

秦始皇吞并六国之后,势力往南进入长江地区,秦帝国设置九江郡(郡治并不在今天的九江,而是在安徽寿县),来勒今江西境内设有7个县。进行统治,弗过,个辰光江西境内主体民族还是百越人,北方帝国个移民邪气少。

西汉初年,帝国朝廷开始设豫章郡(赣江原称豫章江),郡治南昌(表示“昌大南疆”搭“南方昌盛”之意),江西从迭个辰光开始,才明确有行政区域建制。豫章郡下辖18县,分别是南昌、庐陵、彭泽、鄱阳、馀淦、柴桑、赣、新淦、南城宜春、雩都、艾、安平、海昏、历陵和建成等,分布地域包括赣江、盱江、信江、修水、袁水沿岸,搭后世个江西省区大致相当。当今个南昌、赣州吉安等主要都市,侪是从迭个辰光个县城发展起来个。

白鹿洞书院
江西鹰潭龙虎山嗣汉天师府
滕王閣
南昌市
新余市
向塘土鸡

汉武帝辰光,拿帝国划分成为13个监察区,称13部州,个辰光个江西搭江东一道,被划把扬州部。

三国时期,江西地区被国收入统治范围。吴越文化对江西产生影响。吴越人来勒江西个活动留下遗迹,今日赣北地区还有当年周瑜点将台

西晋公元291年元年,被重新收入帝国统治范围个江西地区,被西晋中央政府设置江州,主体是江西地区原有郡县。

中世个开发[编辑]

来勒南北朝辰光,江西个开发比较缓慢,相对于旁边个江东,涌入个北方逃难人口也弗多。到隋朝重新兼并南朝,隋炀帝改州县制为郡县制,个辰光,江西地区设有7郡24县。

唐代,江西有一定个发展,有名个滕王阁序来勒唐朝初年完成。帝国来勒江西个行政区划也慢慢增加,有8州37县,8个分别为:

贞观元年唐太宗拿帝国核心地区设立10道监察区,江西属于江南道。733年,唐玄宗拿道增加到15个,洪、饶、虔、吉、江、袁、抚、信8州隶属于江南西道监察区。

五代辰光,江西地区被杨兴密钟传个儿子手中夺取。成为杨吴搭之后南唐(建都于今南京,后迁都于今南昌)这些江淮政权个稳固后方,江淮文化对江西产生邪气大个影响。大量江淮地区个人口南下,进入赣江流域,老大个改变当地语言结构搭文化风貌,让江西产生区别于东西两面个自身文化特点。现在所讲个江右文化,就是来勒迭个辰光逐步定型个。南唐对江西个通知邪气重视,伊拉划分出下等州个新行政区「军」,划江西为6州、4军、55县。交泰元年,南唐元宗决定建南都于洪州,并因此升洪州为南昌府。

宋元辰光个鼎盛[编辑]

宋朝辰光,江西文化获得邪气大个发展,儒学开始来勒乡土广泛传播,产生交关有影响力个文学家搭政治家。唐宋八大家当中,江西就占据五人。来勒科举考试当中,江西人也屡次创造优良成绩,竟然可以搭一向优越个吴越人分庭抗礼。同时,书院文化业发展起来,有名个白鹿洞书院来勒宋代达到鼎盛。理学宗师陆九渊个出现,代表勒江右文化个巅峰。从中唐以来,江西个经济文化方面得到了大发展。此后来勒宋元明三朝,江西曾经是中国最繁荣的省份之一。来勒农业,粮食,手工业如瓷器等经济方面处于帝国领先地位,来勒在科举考试中及第的人数以及商业等方面都名列全国前三名之内,搭江东(江浙)、四川行省大致相仿,明显领先于附近的广东、湖南等。[2]来勒行政区划高头,宋帝国来勒州之上改道为路,江西地区被置9州、4军、68县,其大部分隶属于江南西路,另有一部分隶属于江南东路,主要是上饶地区。 南宋末年,江右人文天祥率领军队抗击元朝蒙古人搭色目人,宁死不屈,写下交关荡气回肠个诗句,伊个死脱也标志江西黄金时代个结束。

元朝来勒江西设置江西等处行中书省制度。辖区包括今江西绝大部分地区(原江西东北部分地区隶属于江浙行省)以及今天广东省个大部分。元行省下设路、直隶州、州(同县级行政机构)和县。江西行省下辖龙兴、吉安、南康、赣州、建昌、江州、南安、瑞州、袁州、临江、抚州、饶州、信州等13路和南丰、铅山2直隶州以及48个县、16个县级州。

明清帝国[编辑]

明朝辰光,江西基本保留了元帝国个省区建制,但明帝国改行中书省成布政使司(习惯上仍然称省),改路为府、改州为县。江西成为江西布政使司,下头个辖区有南昌、瑞州、饶州、南康、九江、广信、抚州、建昌、吉安、袁州、临江、赣州、南安13府,下辖78县,地域基本等同当今个江西省。明太祖洪武年辰光,广东单独设省之后,江西个边界搭现在相比侪变化老小。明帝国辰光,承宣布政使司、提刑按察使司、都指挥使司是江西布政使司的最高行政机关,三司分别由中央直接节制,分权而治,相互没有统属关系。另外,江西还有三位藩王(宁王、淮王和益王)分封在江西的南昌府、饶州府(鄱阳)和建昌府(南城)。江西个文化来勒明代也是比较发达,著名个作家汤显祖搭权臣严嵩侪是江西人。

清朝改江西布政使司成江西省,行政区域基本承袭明建制。另外,来勒吉安府增设莲花、南昌府增设铜鼓、赣州府增设虔南等3个县级厅,同时,升宁都县为省辖直隶州。巡抚来勒清帝国辰光,成为全省顶高行政长官,下头设承宣布政使司和提刑按察使司,分管民政、财政与司法监察。

明清辰光,由于梅关赣江是联系广东搭长江流域最繁忙个南北交通线路,也带动了沿线江西城市个繁荣。同时,因为明代江西填湖广湖广填四川个政策大批江西人向人口密度较低个湖南、湖北、广东、广西、云南、贵州、四川等省移民,从事商业或农业等。在此期间形成个“江右”商帮来勒全国十大商帮当中位列第三。同时,江西个景德镇为全国四大名镇之一。

动乱辰光[编辑]

太平天国运动当中,江西受到邪气大个打击,来勒长毛作乱头几年,江西成为湘军石达开会战个主战场,经济搭社会侪遭到破坏。动乱结束之后,因为国门个打开搭原有经济格局个变化,江西开始逐步衰落。

辛亥革命之后,江西成为军阀反复争夺个地区。到1920年代末,赣南开始成为中国共产党建立根据地个首选地。先后建立有名个井冈山革命根据地中央革命根据地。还成立所谓个中华苏维埃共和国。1930年代,蒋介石看中江西庐山个避暑环境。每年夏天侪搭宋美龄来江西度假,还开展新生活运动抗日战争爆发后,江西也受到牵连,弗过,大部分地区一直来勒国民党个手里。赣州等地区,到1940年代初期,还成为蒋经国个驻扎地。

1949之后[编辑]

1949年之后,江西发展比较缓慢,经济规模搭人均收入侪推板周边比较多(仅比安徽省好一点)。江西官僚主打红色旅游牌,让外地人只晓得江西有苏区。千年个文化搭丰富个旅游资源侪没哪能好好较开发。

地理[编辑]

地形[编辑]

江西属于东南内陆丘陵地区,迭个省份三面环山,从空中看,可以被看成是一个朝背面开口个盆地。省份西面是幕阜山九岭山罗霄山脉;东面是怀玉山武夷山脉;南面是九连山大庾岭,北面挨牢鄱阳湖搭长江,两者当中有闻名全国个庐山(主峰汉阳峰海拔1474米)。江西个地理环境是丘陵为主,山地丘陵占全省面积个70%,中南部红岩丘陵搭盆谷交错,北半部是宽广个平原,也是赣语个主要通行地区,被叫做鄱阳湖平原、鄱阳盆地或者豫章平原。江西顶高个山峰是搭福建临近个武夷山脉黄岗山,海拔2158米。

接邻省份[编辑]

水系[编辑]

长江个重要支流赣江是江西个母亲河,赣江从南到北,流经整个江西省。鄱阳湖是江西,也是中国顶大个淡水湖,赣江、抚河、信江、鄱江搭修水等水汇入鄱阳湖后,注入北面个长江。江西重要个水库包括西北面个修水柘林水库搭赣江上游个万安水库

气候[编辑]

江西属于亚热带季风气候,1月平均气温4-9°C,7月平均气温27-30°C,年平均气温16-20°C。年降水量1200-1900毫米。

行政区划[编辑]

因为人口相对来讲比较少,江西个行政区划并弗算老多,现在,江西管辖11个地级市,次一级包括廿个市辖区,十个县级市,七十个

参考资料[编辑]

  1. 新华网江西频道,《万年仙人洞人种出世界首棵水稻 赣鄱是世界的稻作起源中心区 檔案,存勒Wayback Machine當中。(2008年10月16號)》,2004年9月17日
  2. 張正田,〈淺談宋代江西健訟風氣與客家、江西先民的移民潮〉,《客家雜誌》,256(臺北),2011.10,頁68。