2023年中国高空气球事件

2023年中国高空气球事件

蒙大拿州比灵斯高头个气球
日期	2023年2月1日 (2023-02-01)－2023年2月4日 (2023-02-04)
地点	美国、 加拿大搭拉丁美洲上空空域
种类	外交事件
起因	中华人民共和国气球进入外国领空
动机	美国搭加拿大讲可能是侦察搭搜集情报个观测气球 中国讲伊是民用无人探空气球，畀西风带吹唻偏离预定个路线
结果	美国空军用F-22战机拿当中一個进入美国领空个中国气球打下了哉，中国抗议 另一个中国气球去南美空域，中国向哥斯达黎加等国政府道歉
后续影响	美国空军勒拉美国阿拉斯加州搭加拿大育空、美加边境休伦湖领空高头打下来另外三個疑似个高空气球，但白宫表示箇些同中国气球“弗是咾像个”。 中华人民共和国勒拉山东省日照附近海里向打脱一個不明飞行物

2023年中国高空气球事件是2023年1月到2月几個来自中华人民共和国个高空气球飞到美洲多国个领空引发个外交事件。2月2号，美国国防部通报，一艘飞行物从阿拉斯加进入美国搭加拿大个领空，像是间谍气球。推定下来讲，箇个飞行物是中华人民共和国个，中国也承认是伊拉个。2月3号，美国国防部通报第二個气球正勒拉拉丁美洲。2月4号下半天，美国空军勒拉南卡罗来纳州附近个海域打脱头一個气球。

事件过程

推断个飞行轨迹路线，从中国大陆经西风带到美国、加拿大。

彭博新闻社讲，1月28号个辰光，就有白颜色个不明飞行物来到美国领空，1月31号离开，到爱达荷州，又到蒙大拿州。2月2号，当地报纸比灵斯公报发布一张气球个照片，后些来其他媒体也跟进报道，箇咾白宫勒拉下半天5点15分开电话会议，公开消息。

2月2号，美国国防部同加拿大国防部宣布北美空防司令部最近发现一個气球羊个飞行物进入两個国家个领空：伊从阿拉斯加州往南，依次穿过加拿大育空、不列颠哥伦比亚、美国蒙大拿州，勒拉18000米高个地方往东斐飞，阿末畀堪萨斯州监测站勒拉比灵斯市高头发现。箇个飞行物超过民用航空器最高12000米个高度。五角大楼讲，伊拉认为气球是中华人民共和国个。

航空器个外型搭估算伊个大小。

箇个气球样个物事，直径约码子27米，是一般性个气象探空气球直径个十几倍。美国认为伊是特殊材质造个，好通过变化气球个体积大小控制飞行方向搭高度，但中国表示弗是迭能个。加拿大国防部亦发表声明讲发现另外一个气球。美国军方认为气球落下来可能会得对地面浪个人造成伤害，暂时弗拿伊打下来。

2月3号，拉丁美洲国家讲伊拉看到有像气球个物事，但是呒没用技术手段证实。

美国空军F-22战机勒拉南卡罗来纳州瑟夫赛德海滩上空打脱中国气球个视频

2月4号，第一個气球飘到卡罗来纳州。美国联邦航空局暂时关脱附近个空域。美国东岸辰光2月4号下半天，箇只气球离开美国东部海岸线，下半天2点39分，勒拉南卡罗来纳州瑟夫赛德海滩附近个海域，一架F-22猛禽战斗机勒拉58,000英尺高个地方，发射导弹，拿勒拉65,000英尺高个气球打下来。

联邦调查局证据采集小组勒拉看捞上来个气球残骸

2月6号，美国国家安全委员会发言人约翰·柯比讲，伊已经捞起来部分气球残骸，但因为天气原因，弗能做更多个水下侦测，接下来几天会得继续勒拉海底搜索，柯比亦讲美国呒没打算拿残骸交还畀中国政府。

2月9号，美国国防部、国务院搭联邦调查局个一系列官员表示，穿越美国个中国气球有号用来情报收集搭通信个天线搭传感器，美国也勒拉残骸里向寻着箇个物事，认为跟中国解放军有关系。

2月16日，美国完成气球打捞个生活，气球个残骸畀送到FBI实验室进行分析。

后续发展

2月10号，美国国家安全委员会发言人约翰·柯比承认，有“飞行物体"勒拉美国搭加拿大边界附近畀打下来，箇样物事约码子像部汽车介大，但伊呒没讲箇是中国个气球。伊讲箇个物事勒拉4万英尺（约1.23万米）个高空飞，确实威胁民航安全，所以部队拿伊打下来。伊落拉阿拉个领水里向，箇些地方现在正冻拉嘿

2月11号，加拿大总理贾斯廷·特鲁多勒拉推特浪讲，伊“已下令打下来一個侵犯加拿大领空个弗明物事”。美国国防部后些来讲，总统拜登授权美国战斗机帮北美空防防卫司令部搭加拿大合作，打下来今天勒拉加拿大北面领空个一個高空飞行航空器。

2月12号下半天2点42分，美国F-16战斗机貤勒拉美国密歇根州休伦湖高头2万米个地方打下来一個航空器。也就勒拉箇天，白宫国家安全委员会发言人讲：“箇两個物事同中国气球长嘞弗是咾像个，大小也小交关。箇咾勒拉阿拉拿伊个碎片捞转来之前，阿拉弗会拿伊拉明确分类个。”

2月12号，中国青岛市即墨区海洋发展局发布通告，“日照附近海域发现不明个飞行器，勒拉准备打下来。请海上作业个渔船注意避险，具体位置是东经120度51分，北纬35度37分。如果有降落物落拉渔船附近，请帮忙拍照取证；假使条件允许，请帮忙打捞。”中华人民共和国大连海事局则发布航行警告，2月13号8点到17号16点，黄海北部部分海域会得进行实弹射击，弗允许进入。

勒拉日本，有民众看到像气球一样个物事勒拉飞。2月14号夜头，日本防卫省宣布，伊强烈推定箇是中国放个无人侦察用气球。

双方个态度

维基文库里向有关个原始文献：

美国国防部长劳埃德·奥斯汀个声明

2月2号，加拿大外交部勒拉发现气球飞行后头，通过多個渠道同中方沟通，还召见中华人民共和国驻加拿大大使丛培武，严正表明立场。

美国总统乔·拜登紧急推晏国务卿安东尼·布尔肯个访华行程；安东尼·布尔肯勒拉2月3号讲，中国个气球到美国个领空里向是弗好接受、弗负责任个行为，尤其勒拉伊要去中国之前显唻更加弗负责任，批评中国侵犯主权，会得正式取消箇趟会谈，美国还会得密切关注箇桩事体；同一天，五角大楼发言人帕特里克·莱德准将勒拉国防部记者会浪亦表示，箇个气球还勒拉大气层，故咾还勒拉美国领空。伊谴责中国公然违反国际法。

维基文库里向有关个原始文献：

外交部就美方宣称击落中国无人飞艇发表声明

维基文库里向有关个原始文献：

国防部新闻发言人谭克非就美方武力袭击中国民用无人飞艇发表谈话

中华人民共和国外交部发言人毛宁勒拉例行记者会浪回复道，希望双方保持冷静，讲已经对具体事件展开调查。2月3号，外交部发表声明讲，箇只勒拉飞个物事是无人飞艇，确认是中国个，是民用个，用拉气象等科研目的浪。伊自家控制能力弗够，畀西风带吹唻严重偏离预定航线。中国对飞艇因不可抗力弗当心进仔美国表示遗憾，也讲会得继续同美方保持沟通，妥善处理箇桩意外事件。箇天夜头，中共中央政治局委员、中央外事办公室主任王毅应约同布尔肯通电话，强调中国一向遵守国际法，弗接受无端怀疑或者炒作，应该及时沟通，生怕误判。

2月4号，中华人民共和国外交部表示伊拉呒弗想也从弗侵犯任何主权国家个领土同领空，“对于美国政客、媒体对其攻击抹黑，中方坚决反对”；对美国取消访华个事体，伊讲中美双方事实浪侪呒没宣布过啥个访问，美方发布有关消息是伊拉自家个事情，中国尊重伊拉个选择。勒拉美国拿气球打下来以后，中华人民共和国外交部同中华人民共和国国防部表示强烈个弗满同抗议，认为“美方执意动用武力，明显反应过度，严重违反国际惯例”，表示“保留用必要手段处置类似情况个权利”。

2月5号，加拿大总理特鲁多谴责中国气球侵犯美加两国领空、违反国际法，强烈支持美国拿气球打下来，会得继续勒拉安全搭防御方面同美国合作。同一天，美国国防部发言人莱德勒拉记者会反驳中国个讲法，讲伊拉晓得箇就是颗侦察气球。同时，部分美国共和党参议员也批评拜登政府行动忒晏，让中国有机会获得敏感个情报，还表现个唻美国对中国弗够强硬，有人还要求拜登等人负起政治责任，辞职下台。

2月5号，中国外交部副部长谢锋对美国击落气球箇桩事体向美国驻华使馆负责人提出严正交涉，再次强调箇桩事体是“不可抗力”导致个意外，是偶发事件，认为美国反应过度，严重冲击、损害两国关系改善个尝试。中国政府密切关注事体个发展，保留做出进一步必要反应个权利。

2月6号，中国外交部承认拉丁美洲上空个气球也是中国个民用无人飞艇，受到气候个影响，加浪自家控制能力弗够，箇咾严重偏离预定路线，到仔拉美同加勒比。中国政府同时承认一颗气球飞过哥斯达黎加，中国驻哥斯达黎加大使馆向哥斯达黎加方面道歉，表示箇颗气球是用来做气象研究个。

2月6号，拜登畀媒体问到中美关系箇计啊是会得畀减弱个辰光，他讲“弗会”，表示伊已经向中国表示美国个立场，也弗会得退缩，还指出箇弗是两国关系削弱或者加强个问题。同一天，美国国务院发言人奈德·普莱斯表示，箇桩事体对中美关系改善并呒没啥个帮助，还讲布尔肯会得勒拉适当个辰光，再想办法重新安排畀拖脱个访华行程。

2月7号下半天，中国驻美国使馆徐学渊临时代办对美方打脱中国气球向美国国务院同白宫国安会高官提出严正交涉。拜登勒拉美国国会国情咨文个辰光讲，弗会寻求同中方冲突，只会得竞争。但假使讲有任何侵犯美国主权，箇末会得采取行动保护国家。

2月8号，美国国防部长劳埃德·奥斯汀讲，伊曾要求同中国国防部长魏凤和通电话，但畀拒绝。同一天，美国国务卿布尔肯勒拉跟北大西洋公约组织秘书长斯托尔滕贝尔格个新闻记者会浪表示，美国已经跟全球几十個国家分享“中国间谍气球”个信息，表示中国勒拉所有地方侪有气球，谴责中国箇计侵犯五大洲国家个主权；斯托尔滕贝尔格表示，箇是中国增加情报活动跟投资军事能力提升个表现之一，伊拉会得对伊保持警惕。

2月9号，日本官房长官松野博一声明，日本会得同同盟国合作，应对气球问题。箇天，美国众议院一致通过决议案，谴责中共派侦察气球搭无耻个侵犯美国个主权，要求拜登政府汇报箇两年所有晓得个、中国侵犯美国领空个事体。同一天，中华人民共和国外交部发言人毛宁勒拉记者会浪回应无人飞艇群个消息，表示伊朆听到过箇条消息。面对记者连续个进一步提问，伊表示呒没啥可以提供个消息。

2月13号，中国外交部发言人汪文斌勒拉例行记者会浪表示，美国高空气球呒没经过中国相关部门批准，2022年开始十多趟非法飞越中国领空，“美方应当改弦更张，反躬自省，而不是抹黑指责中方”，表示美方频射导弹击落飞行物是反应过度。美国白宫国家安全委员会发言人阿德里安·沃森则勒拉同一天反驳中国个讲法，表示从来呒没放气球飞进中国上空。

2月15号，美国参议院一致通过谴责中国间谍气球侵入美国领空个决议案，要求拜登讲清爽哪亨同一样畀箇能影响个国家展开合作，评估放任高空气球飞进领空获取个美国可能情报个具体价值。

2月16号，中华人民共和国全国人大外事委员会回应美国众议院2月9号通过个谴责议案，讲是刻意渲染中国威胁，只是恶意炒作搭政治操弄，对箇个议案表示“强烈谴责、坚决反对”。同时中国再次重申，民用无人飞艇弗当心进仔美国领空是不可抗力，弗会对美国公民造成危害。伊还讲美方“执意动武，蓄意造势”，严重违反国际法精神同国际惯例。同一天，美国总统拜登表示伊期待同中国领导人习近平交流，但并弗会为美国战机打脱中国气球道歉。

社会影响

美中两国侪有对箇桩事体个调侃搭讽刺。

箇桩事体碰巧勒拉中国大陆科幻电影《流浪地球2》上映个辰光，部分网民搭媒体称箇桩事体是“流浪气球”事件。

澳大利亚喜剧演员杨伯文勒拉美国脱口秀《周六夜现场》有段关于箇趟气球事件个表演。

美国前国务卿迈克·蓬佩奥勒拉社交媒体推特浪上传了一张“小熊维尼捞拉气球”个图片，讽刺中共总书记习近平监控美国个想法。