大韩民国

来自 吴语维基百科
(从韩国转戳到箇里)
蹦到: 导航搜寻
대한민국
大韓民國
Flag of South Korea.svg Emblem of South Korea.svg
国旗 国徽
国家格言:使广大人类得益(널리 인간을 이롭게 하라);弘益人间(홍익인간)
国歌爱国歌 (韩国)
自然地理
(实际管辖区)
Locator map of South Korea.svg
首都 首尔(老早叫汉城
最大城市
  • 首爾,서울:10,229,262人(1995年)
  • 釜山,부산:3,813,814人(1995年)
  • 仁川,인천:2,307,618人(1995年)
面积
  • 国土面积:99,274平方公里
  • 水域率:0.3%
时区 东九区
人民生活
官方语言 韩语
人口
政治文化
国家领导人:
主要节日
  • 独立日:1948年7月17日
经济实力
货币单位 1韩元 (₩)=100
GDP 7875亿美元(2005年)
人均GDP 16305美元(2005年)
中央银行 韩国银行,한국은행
国家资料
国家象征
  • 国花:无穷花(木槿花),무궁화(목근화)
国际域名缩写 .kr
国际电话区号 82
韓國重定向到此地,關於韓國嗰別個意思,請看韓國 (消歧義)

大韩民国(대한민국)是一个位于东北亚朝鲜半岛南许个国家。西南濒临黄海,东南是朝鲜海峡搭仔对马海峽,东边拨東海包围。北面是非军事区朝鲜民主主义人民共和国对峙。原来搭朝鲜民主主义人民共和国是一个国家,脱离日本殖民统治仔,大韩民国勒1948年由原来大韩民国临时政府国会议长李承晚立国,搭朝鲜民主主义人民共和国分庭抗礼。

大韩民国简称韩国(한국),为仔搭朝鲜民主主义人民共和国区別,韩国人通常拿自己个国家称为“南韩”(남한),而拿朝鲜民主主义人民共和国称作“北韩”(북한);而朝鲜民主主义人民共和国人老早通常拿自家国家叫“北朝鲜”(북조선),而拿大韩民国称为“南朝鲜”(남조선)。中华人民共和国勒朆搭韩国建交之前,一径拿大韩民国叫“南朝鲜”,1992年建交仔,已经改称“韩国”。香港台湾一直习惯拿大韩民国叫“韩国”或者“南韩”。日本也习惯称大韩民国为“韩国”(かんこく,罗马字:Kankoku),必过现在国内个朝鲜人有要求改用韩语发音,而弗是日语发音。

历史[编辑]

韩国历史大韩民国历史年表

政治[编辑]

军事[编辑]

实行普遍征兵搭招募志愿兵制。陆军海军陆战队服役期为两年半,空军搭海军为三年。总统为三军最高统帅。现有总兵力69.1万,其中陆军56万,海军6.8万,空军6.3万。预备役380万。2004年国防预算增长8%,占GDP3.2%。美国勒韩国有部队3.7万人。

行政区域[编辑]

韩国行政图

韩国由8个(도)、一个特別自治道(특별자치도)、一个特别市(특별시)和6个广域市(광역시)组成。

今日韩国最大之二个城市,一个是汉城、一个是釜山

地域 名称 韩语 首府 人口 面积 二级行政区 号头
京畿 首尔特別市 서울 특별시 中区 9,853,972 606 25 区 1
京畿道 경기도 水原市 8,937,752 10,136 27市 4郡 20区 8
仁川广域市 인천 광역시 南洞区 2,466,338 958 8区 2郡 4
江原 江原道 강원도 春川市 1,484,536 16,536 7市 11郡 9
全罗 全罗北道 전라 북도 全州市 1,887,239 8,047 6市 8郡 2区 12
全罗南道 전라 남도 务安郡(南岳) 1,994,287 11,956 5市 17郡 13
光州广域市 광주 광역시 东区 1,350,948 501 5区 5
庆尚 庆尚北道 경상 북도 大邱广域市 2,716,218 19,021 10市 13郡 2区 14
庆尚南道 경상 남도 昌原市 2,970,929 751 10市 10郡 2区 15
釜山广域市 부산 광역시 莲堤区 3,655,437 886 15区 1郡 2
大邱广域市 대구 광역시 中区 2,473,990 886 7区 1郡 3
蔚山广域市 울산 광역시 南区 1,012,110 1,056 4区 1郡 7
忠清 忠清北道 충청 북도 清州市 1,462.621 7,433 3市 8郡 2区 10
忠清南道 충청 남도 大田广域市 1,840,410 8,590 6市 9郡 11
大田广域市 대전 광역시 中区 1,365,961 540 5区 6
济州 济州特别自治道 제주특별자치도 济州 512,541 1,846 2市 16

地理[编辑]

朝鲜半岛雪景

韩国位于朝鲜半岛南部。朝鲜半岛地处亚洲大陆个东北部,从北朝南延伸,全长1,100公里。韩国邻海搭太平洋最西部个海域交汇。朝鲜半岛北部搭中国俄罗斯接壤,东部濒临東海,搭邻国日本隔海相望。除脱搭大陆相连个半岛之外,韩国还有3,000个大大小小个岛屿

朝鲜半岛面积为222,154平方公里,差勿多搭英国或者罗马尼亚大小相当。其中45%,即99,000平方公里土地,为可耕地(弗包括已经开垦个土地)。像葡萄牙匈牙利爱尔兰一样,朝鲜半岛山地大约占领土个三分之二。

长白山沿半岛朝整个東海海岸延伸。由于東海波浪冲击,东海岸形成一片悬崖峭壁搭岩石岛。西部搭南部坡度平缓,形成平原搭交关近海岛屿、小港湾

朝鲜半岛有交关风景优美个山川,因此韩国人往往帮伊称作“锦绣江山”。最高个山峰是位于朝鲜中国接壤个白头山长白山),海拔2,744米。白头山是一座活火山,山口形成了一个叫“天池”个大来交关个火山湖白头山是韩国民族精神特别重要个象征,拨写进韩国国歌当中。

洛东江(长525公里)和汉江(长514公里)是半岛南部地区两条主要河流。流经韩国首都首尔(汉城)个汉江是古代王国发展生息搭沿江人民个生命线,如今则成为现代韩国人口密集个中部地区生命线。

经济[编辑]

韩国个经济一直侪是由好几个财团家族垄断,经济规模学个是日本财团模式,崇尚“大”。搿星财团,侪勒到朝鲜战争之后建立个。勒1995年,当时全国四大财团分别是:现代集团三星集团大宇集团LG集团。弗过勒1997年发生个亚洲金融风暴之后,30家财团平均债务资产比率达到379.8%,国家原来个18个财团,只剩下来4个,但是渠俚到现在仍勒到主导韩国个经济发展,2005年韩国前十大公司净赚250亿美元。三星公司目前掌握韩国大约22%个出口值,每年缴8%个税金。韩国媒体一例用“三星王国”、“三星共和国”、“李健熙时代”等来形容三星集团对韩国经济个影响力。2005年韩国国民收入突破16000美元,勒“亚洲四小龙”里向超过台湾,韩国总统卢武铉曾经话过一句话:“到2010年,韩国要实现挺进世界贸易前八强个目标,开创国民收入两万美元个时代。”

1997年之后,韩国个企业获得重生,三星、LG、现代,变成全球知名品牌,三星更加打败索尼(Sony),成为全球电子界个第一把手。2004年韩国出口增长率达到31%。但是勒2004年,韩国低收入个“非正式”工人达到全国就业人口个37%,每3个工人里向就有1个是非正式工人,搿星非正式工人弗算勒失业率里,个咾韩国员工失业率统计数据远远低于台湾,大概有500万非正式工人是韩国经济高速发展个牺牲品。 贫富差距也是韩国个一大问题,成为韩国高度发展经济个阴影,越来越严重个通货膨胀使得韩国国民生活更加困难。个咾韩国政府面临个任务是解决产业发展失衡、贫富两极分化等其他社会问题。

人口[编辑]

韩国人接近4728万人,全国为单一个韩族朝鲜族),通用韩语朝鲜语)。

从古到今,韩国人多数侪是信韩传萨满教。现今,韩国有26%信仰佛教,另外26%信仰天主教基督教。剩下来个或者弗信教,或者信韩传萨满教道教天道敎伊斯兰教

文化[编辑]

韩国全国假日
日脚 吴语名 备注
01月01号 元旦,신정 新年头一日
农历正月初一 民俗日 沿袭自中国的节日,民俗日放3日假
03月01号 独立运动纪念日,삼일절 1919年3月1号大规模反抗日本统治独立运动周年纪念日
04月05号 植树节,식목일 当日全国各地植树造林
05月05号 儿童节,어린이 날 当日帮儿童举行各种庆祝活动
农历四月初八 浴佛节,석가탄신일 庙里向举行庄严仪式
06月06号 显忠日,현충일 全国勒搿日向阵亡将士献祭,勒首尔国立公墓举行纪念仪式
07月17号 制宪节,제헌절 纪念1948年颁布大韩民国宪法
08月15号 光复节,광복절 1945年8月15号,韩国从长达35年之久个日本殖民主义统治当中解放出来。 故日还是1948年大韩民国政府成立纪念日
农历八月十五 中秋节,추석 沿袭自中国的节日,是韩国重大节日之一,家家户户勒屋里祭祖或者到坟浪扫墓,夜来赏月,互致祝福
10月03号 开天节,개천절 纪念檀君勒公元前2333年建立第一个韩民族国家个一日
12月25号 圣诞节,성탄절 韩国基督教徒搭非教徒一道庆祝个节日

宗教[编辑]

韩国人有信教个自由。古代从中国传进来个佛教,1784年从中国传进来个天主教,搭1885年从美国传进来个基督教(也称为改新教)是勒韩国起主导地位个三大宗教,有交关信徒,特别是基督教搭天主教还勒到扩展当中。同样 中国传进来个儒教作为支配大多数韩国人生活伦理,而仍占有一席之地。今朝个世界浪,比较之后得出,韩国是原来儒教文化圈当中受儒教影响最深个国家。

基督教[编辑]

朝鲜战争结束仔,韩国基督教发展得交关快,信徒人数多年来爆炸性增长,一径到今朝,韩国个基督教徒大约有1800万人,勒总人口里向个比例达到39%,再拿天主教算进去就突破50%。韩国变成勒菲律宾东帝汶之后个亚洲第三个以基督教为主导个国家。该个里向首尔是韩国改新教个大本营,渠个总人口个46%是改新教徒(天主教徒为17%),教堂林立,夜来交关霓虹灯个十字架是搿敦突出个景观之一。

现在韩国教会还勒到海外进行传教活动,而且争取成为世界顶大个传教国家。

基督教勒教育领域有重要影响。延世大学是韩国享有盛誉个常春藤盟校之一。

韩国基督教现在顶大个教派是属于灵恩派五旬节派

韩国顶大个基督宗派是韩国基督长老会。

另外,基督教个一个异端派别--文鲜明统一教扩展也蛮迅速。

天主教[编辑]

1784年,有星儒家学者从中国北京带回转天主教信仰。初期(一径到大院君失势),因为搭朝鲜社会个传统价值观弗合,信徒受到过严重个迫害,有交关信徒殉道死亡。韩国个天主教圣徒人数居世界第四位。

现在韩国有天主教友500来万人(人口比例超过10%)。现在,韩国天主教会是世界浪成年人信仰皈依顶多个教会,年年有超过15万以上成年人进教。同时,韩国天主教会还向世界各国(甚至向缺少司铎个法国搭仔德国)派遣2400来名传教士。最近两届总统金大中卢武铉侪是天主教徒。

天主教西江大学也是韩国常春藤盟校之一,勒韩国社会享有盛誉。

勒韩国个中国人[编辑]

勒韩国大约蓦匝有30万中国人,里向作兴有25万是中国朝鲜族人,还有个5万是汉族人,大部分侪勒韩国做生活。

外部链接[编辑]


亚洲
东亚北亚 中华人民共和国中国大陆)| 中华民国台湾1| 日本 | 朝鲜民主主义人民共和国朝鲜) | 大韩民国韩国) | 蒙古国 | 俄罗斯(罗宋)
东南亚 缅甸 | 文莱 | 柬埔寨 | 东帝汶 | 印度尼西亚 | 老挝 | 马来西亚 | 菲律宾 | 新加坡 | 泰国 | 越南
南亚 孟加拉国 | 不丹 | 印度 | 马尔代夫 | 尼泊尔 | 巴基斯坦 | 斯里兰卡
中亚 哈萨克斯坦 | 吉尔吉斯斯坦 | 塔吉克斯坦 | 土库曼斯坦 | 乌兹别克斯坦
西亚 阿富汗 | 亚美尼亚 | 阿塞拜疆 | 巴林 | 塞浦路斯 | 北塞浦路斯 | 格鲁吉亚 | 伊朗 | 伊拉克 | 以色列 | 约旦 | 科威特 | 黎巴嫩 | 阿曼 | 巴勒斯坦 | 卡塔尔 | 沙特阿拉伯 | 叙利亚 | 土耳其 | 阿拉伯联合酋长国 | 也门
其他特殊政区 香港(中华人民共和国)| 澳门(中华人民共和国)
世界地理索引 | 非洲 | 美洲 | 南极洲 | 欧洲 | 大洋洲 | 各国首都
(1) 请查看台湾问题
Commons-logo.svg
维基共享资源里向寻得着搭该篇文章搭界个多媒体资源: