天主教

来自 吴语维基百科
蹦到: 导航搜寻

天主教基督教当中顶重要个一大派别,也是通常大家所讲个基督教三大派别当中个一个。[1],天主教个名稱是公教會或者是大公教会。除此之外,通常拿西方或者東方宗派。通常又拿伊拉叫做天主教会或者罗马天主教会[2]。此外,一些搭罗马教宗没管理关系个教会,来勒天主教会个名称高头使用「公教」作为称呼,比如古公教会寬宏公教会

称呼来历[编辑]

天主教个名字,来自拉丁语当中个「Catholicus」,迭个词汇个意识是「普遍个」,当翻译成汉字个辰光,就拿「天下為公」个「公」作为替换词汇;「公教会」迭个词汇,来勒《宗徒信經》当中个「聖而公教會」(anctam Ecclesiam catholicam)当中第一趟出现,到公元381年召开个尼西亚第一趟大公会议确定个尼西亚信经当中得到进一步个确立搭完善:「我信唯一、至聖、至公、從宗徒傳下來的教會」(Et unam, sanctam, cathólicam et apostólicam Ecclésiam)。汉语语境当中个「天主教」,是17世纪,通过利玛窦耶稣会传教士根据明帝国个传统,通过呼应帝国老百姓「敬天」个崇拜意识进行命名个,迭个词汇一般是称呼天主教会个,即:通过羅馬教宗領導个教会

基本特征[编辑]

迭戈图当中是永援聖母,天主教徒稱伊为「聖母」个童貞女瑪利亞是天主子耶稣基督因聖神降孕道成肉身个娘。

基督教来勒开始个辰光,是犹太教中分离出来个一个新型宗教团体,受到打压。到公元1世纪中期,犹太人个中心耶路撒冷的被罗马帝国个军队占领,第二圣殿垮脱。犹太人开始到罗马帝国各个行省移民。基督教会个中心因此发生变动,慢慢较朝帝国个首都罗马迁徙,耶稣个大弟子圣伯多祿搭重要个圣保罗就侪到罗马进行传教。从此,罗马来勒基督教当中就占有重要地位。从公元一世纪开始,一直到五世纪初,罗马皇帝对基督教进行过交关迫害。弗过,因为饿形势变动,到4世纪辰光,整个帝国精英阶层侪皈依教会,4世纪末,狄奥多西一世宣布罗马公教成为罗马帝国个国教。到公元5、6世纪,日尔曼族从中欧大规模进入帝国西部,最终让西罗马帝国分崩离析,个辰光罗马帝国个首都已经迁移到君士坦丁堡,东方搭西方个教会关系慢慢疏远。来勒中世纪开始个辰光,西欧本身个经济社会制度开始瓦解。只有教会保存下来交关书籍搭组织能力。新来个日耳曼移民搭教会建立合作关系。由于封建领主大多数弗大会管理搭记录,所以教会分担了伊拉个行政能力,加上新领主需要合法性证明。所以赋予教会极大特权。到了10世纪辰光,教宗开始封奥托一世为神圣罗马帝国皇帝,基本弗听东方拜占庭帝国个皇帝个指示哉。

天主教随后个发展搭欧洲历史密切相关,来勒弗同个历史阶段内,天主教扮演个角色也有区别。来勒中世纪开始个辰光,罗马天主教主要个成就是保护老早个古典文明遗留,又成功让哥特人皈依天主教,从而避免欧洲文明个进一步破坏。来勒10世纪,罗马天主教成功让维京人从海盗变成文明社会个一员。到11世纪,天主教针对中东地区回教迫害基督徒个情况,开展十字军东征运动,收复老早就属于基督徒世界个地中海沿岸地区,也为欧洲带来东方个文化交流。到13世纪,天主教资助下个大学教育开始繁荣,近代文明个萌芽开始孕育。弗过到15世纪,由于资产阶级个兴起搭贵族对教权个弗满,天主教开始受到交关挑战。为修造大型艺术品搭建筑物发行个赎罪券,成为神圣罗马帝国宗教改革个导火索。到16世纪中期,英格兰、北欧搭德意志个北部地区侪脱离天主教个管辖。天主教为应对危机,采取传教措施。对美洲个殖民地搭东方开始传教。著名个传教团体耶稣会也来勒迭个辰光成立,对东西方文化交流做出交关贡献。。

根据信理神学(dogmatic theology)个推演搭论证,天主教会是主耶稣基督亲自建立、唯一、至聖、至公、从宗徒傳下來个教會。天主教个首任教宗宗徒个老大伯多祿,根據圣经个記載,耶穌基督把天堂个鑰匙交把伯多祿

約納个兒子西滿,侬是有福人,因启示侬个弗是血肉,而是吾,天高头个父。 吾搭侬讲:侬是伯多祿(磐石),来勒迭个磐石高头,吾个教會要立起来,阴间个大门決弗能戰勝伊。 吾要拿天國个鑰匙交把侬;只要侬来勒地浪向所束縛个,来勒天高头也要被束縛; 只要侬来勒地浪向所釋放个,来勒天高头也要被釋放。(瑪16:17-19)


天主教个经典是《圣经》,又被叫做《新旧约全书》。根据这本书,教徒信奉天父圣子圣神三位一体个真神。天主教会施行自家个制度,神职人员遵守独身,天主教个《教会法典》是教会个基本律法,来勒宗教生活个各个方面侪有规范。

信徒人数[编辑]

世界天主教分布

当今世界高头个天主教徒人数已经突破10亿,主要分布来勒南美、美国、以及欧洲南部地区。

主要个天主教国家[编辑]

天主教来勒美国个发展邪气迅速,来勒20世纪初年,天主教还受到交关歧视,弗过到1960年,肯尼迪就作为第一位天主教总统哉。到21世纪,天主教已经成为美国第一大教会团体,有教徒五千多万。加上墨西哥移民个增长,现在天主教人数还来勒增加。

巴西是南美洲顶大个天主教国家,也拥有世界第一大天主教人口。弗过巴西个两年新教发展也邪气快,一些球星,比方讲卡卡就是从天主教皈依到新教个。

天主教来勒历史高头一直对法国有交关影响,法国国王自称为天主教守护者。来勒16世纪个辰光,法国爆发针对新教徒个内战基本保持天主教为国教个色彩。弗过自从1789年大革命开始,法国政府搭天主教会个关系开始越来越远。

天主教来勒西班牙有崇高个地位,再征服运动就是拿天主教当作支柱个。到20世纪西班牙内战辰光,天主教也成为弗朗哥将军个长枪党抵抗共和分子个号召。西班牙历史高头出过交关圣徒,伊拉对南美洲个传教事业让天主教成为西半球第一大宗教。

意大利是教宗教廷所在地,天主教来勒此地影响邪气大,基本高头是人人信教个局面。

江南天主教[编辑]

天主教来勒江南地区个传播有交关年数个历史。来勒明朝后期,耶稣会个传教士利玛窦就搭上海个徐光启 等读书人建立联系。上海从迭个辰光开始就成为江南天主教个中心地区。目前上海个天主教拥有130多座教堂,分为6个总铎区进行管理。[3]

Saint-Joseph's church, Shanghai

到了十九世纪之后,天主教终于能够来勒江南公开传播。由于上海法租界个关系以及老早个基础。徐家汇成为 天主教传播个核心。建立了徐家汇天主堂,发展出土山湾艺术。来勒嘉兴等地,也修造了邪气大个天主堂。

内部连接[编辑]

Commons-logo.svg
维基共享资源里向寻得着搭该篇文章搭界个多媒体资源:
  1. 基督教的三大派别
  2. McBrien, Catholicism, 19-20.
  3. 上海天主教概况