法国

来自 吴语维基百科

法国，官方名字叫法兰西共和国，是一个发达个西欧国家，其南部地中海边浪属于南欧范围。

法国，搭其他大个欧洲国家一样，老早就勒现在法兰西岛为中心个落场形成。渠历史浪、文化浪个首都是巴黎（老早是另外一个城市凡尔赛）。法国是下头几个组织个成员：欧洲议会、欧盟、欧元区、申根协议国、联合国安全理事会、拉丁国家联盟、经济合作发展组织、法语国家组织、西方八国集团等。

渠个价值取向搭渠个建国基础是民主搭人权。

法国也是北大西洋公约组织成员国，有核武器，但是一直勒进行反对核武器扩散个努力。

法国是典型个资本主义国家，渠经济奉行资本主义经济，但是勒第二次世界大战之后，国家也开始对经济进行有目的个调控，居可以帮法国赢得世界浪个竞争。但是连续个改革也引起近三十年国家自由主义个蔓延。

文化浪，法国是迪卡尔主义国家，而且是启蒙运动个摇篮。启蒙运动后来引发法国大革命搭美国革命。法国大餐世界有名，法国艺术驰名全球，法国人生活方式别具特色。

法国也是有方言多样个国家，法语拨认为是世界浪最“优美”个语言。

内容 1 地理 2 人口 2.1 法國城市 3 历史 3.1 现代意义浪“法国”个由来 4 能源 5 精神世界 6 文化 7 其他 8 请看 8.1 内部链接 8.2 外部链接 9 参考文献

[编辑] 地理

详情请看法国地理、欧洲地理

法国本土勒拉西欧，但是渠有交关海外属地，而且搿星海外属地个行政地位分好几种。勒欧洲外头个有：北美洲、大小安的列斯群岛、南美洲、印度洋、大洋洲等等。渠搭邻国有2970公里个边境线，一龙总有8个邻国：西班牙 （650 km）, 比利时 （620 km）, 瑞士 （572 km）, 意大利 （515 km）, 德国 （450 km）, 卢森堡 （73七三 〧〣 km）, 安道尔 （57〥〧 km）, 摩纳哥 （4,5 km）。勒法属圭亚那，搭巴西有580 km，搭苏里南有520 km。勒大小安的列斯群岛个圣马丁岛大约匝有10,2 km边境线，该岛分别拨法国搭荷兰控制。 最后一部分是：法国宣称个Terre Adélie （属于法属南方、南极洲领土（简称TAAF）]]）勒到澳大利亚宣称主权个南极洲范围里向。

法国个样子像一只“六边形”，四面靠海，分别是北海，芒什海峡（或者叫英吉利海峡），大西洋搭地中海，搿种地理位置使得法国勒欧洲成为文化搭交流个中心。 （法国人欢喜打比方：欧洲个十字路口）

法国地形地貌复杂，咦有西部、北部个平原，咦有东南部个阿尔卑斯山脉，还有西南部个比利牛斯山脉。阿尔卑斯山个法国部分有西欧最高个山峰博朗峰，有4810米高。其他还有山区：中央高地，汝拉高地，孚日高地等，该星地方植被茂密。法国也有河流纵横交错。主要有卢瓦尔河、罗纳河 （发源勒瑞士）、加龙河 （发源勒西班牙）、塞纳河、一部分莱茵河、一部分马斯河、一部分摩泽尔河，还有索姆河、维莱讷河 等等自家形成河谷个河流。

[编辑] 人口

详情请看法国人口

法国大约匝有6千3百万人（2006年），占世界人口个1%左右。从1801年起，定期个国家人口普查就开始哉，2004年，普查变成永久性个哉。

法国人口增长是欧洲国家里向最活跃个。人口出生率高出欧洲平均水平，另外移民注入也是人口增长个原因之一。

从年龄金字塔浪可以看出来：21世纪开始，老龄段慢慢教增长，居是因为寿命预期比原来长，顺带婴儿潮搿代个人侪开始老哉。

法国超过10万人个城市

1961年到2003年法国人口变化情况 数字由联合国粮食及农业组织2005年提供 单位是“千人”

[编辑] 法國城市

• 艾克斯（Aix-en-Provence）
• 亞眠（Amiens）
• 昂杰（Angers）
• 亞維儂（Avignon）
• 波爾多（Bordeaux）
• 第戎（Dijon）
• 格爾諾伯勒（Grenoble）
• 勒阿弗爾（Le Havre）
• 里爾（Lille）
• 里昂（Lyon）
• 馬賽（Marseille）
• 梅斯（Metz）
• 蒙貝利耶（Montpellier）
• 米路斯（Mulhouse）
• 南錫（Nancy）
• 南特（Nantes）
• 尼斯（Nice）
• 尼姆（Nîmes）
• 巴黎（Paris）
• 漢斯（Reims）
• 雷恩（Rennes）
• 盧昂（Rouen）
• 聖艾提安（Saint-Etienne）
• 史特拉斯堡（Strasbourg）
• 土魯斯（Toulouse）
• 凡爾賽（Versailles）

[编辑] 历史

详情请看法国历史

[编辑] 现代意义浪“法国”个由来

法兰西亚 原来指个是辣欧洲北部, 主要拨自称为法兰克个德意志战士民族占据个搿块土地。搭廿一世纪个Maghreb还有“巴尔干”一式样，法兰西亚是一个地理搭社会学浪个概念，弗是一个政治浪个概念。法兰克民族头一个要算好战，渠俚选出一个头头儿叫法兰克国王，个个侪要听渠命令去打仗。人侪自由人个价值取向等同于“战争”，最后，“法兰克”搿个词语（法文：franc）变成功“自由”（法文：libre）个同义词。 渠俚当时采用个是封建体制。

1204年，“法兰西亚”搿个词语，头一趟表示法兰克国王（当时是法国菲利普2世）发挥权力个地方。国王自封“法兰西国王”。

十六世纪头浪，公共事务搿个概念勒垃罗马帝国倒脱之后逐点出来哉。1499年，大英帝国安娜搭仔法国国王路易7世个婚姻约定里向规定仔皇室财产、领地；还有伊俚后辈何分财产，甚至继任者。

也是勒垃搿个辰光开始仔国家个萌芽。十六世纪之前，国王一例勒垃到处跑，从来弗勒一个住处住超过几个星期。实际浪搿种方式对中央集权呒好处个。

法国大革命制定1789年人权宣言搭仔别个事件，但是仍是理论浪个概念。真正让法国人意识到伊俚是属于法兰西民族个是几趟大战：拿破仑战争、法德1870年战争、第一次世界大战、第二次世界大战等等。廿世纪末，全球化带拨法国交关经济问题，使得法国人更加有一种民族意识（当然勒别个欧洲国家也一样个）。

[编辑] 能源

法国是美国之后第二大核电生产国。 法国电力生产方式分布图^[1] :

• 核电 : 85%；
• 可再生能源 : 14%；
• 石油搭天然气 : 1%。

[编辑] 精神世界

目前来讲，法国是宗教教育分离社会，这样子末，国家弗允许通过政府手段来调查宗教信仰。但是，有一个组织叫法国高等视听委员会（简称CSA）每3年侪要研究调查。2004年，弄18068个人作问卷，调查垃如下结果：

• 62 % 个法国人自家话渠俚信天主教（69%勒2001年），大约匝3千万成人信，4百万信别样个宗教。自家话信天主教个人大多数话渠俚弗垃照天主教条条杠杠做。
• 26 % 信仰无神论或者弗可知论。
• 6 % 穆斯林 ;
• 2 % 基督教 ;
• 1 % 犹太教 ;
• 3 % 弗作声。

另外2004年4月份，法国民意调查学机构（IFOP）宣布：44 %个法国人弗相信上帝；但是勒1947年，搿个数据是20 %。

[编辑] 文化

详情请看“法国文化”

法国文化丰富多彩，古老而且多样，里向反映伊自家个特点，还有各个时代移民个影响。伊个首都巴黎，一例是文化中心之一，集中仔交关艺术家、艺术品，其中卢浮宫是伊个顶顶大个博物馆。

Lumière兄弟勒里昂发明电影之后，搿种第七类艺术（电影）就扬名海内外，现在是欧洲唯一可以搭美国个好莱坞对抗个。

下头是几种艺术形式 :

• 雕塑 : 请看 : 法国雕塑，
• 画画 : 请看 : 法国画画，
• 建筑 : 请看 : 法国建筑，
• 音乐 : 请看 : 法国音乐，
• 文学 : 请看 : 法国文学，
• 美食 : 请看 : 法国美食

法国发明了带薪假期搭仔一周35小时工作制。法国人还有一天欧洲遗产日，因为伊俚晓得人弗是为做生活而活勒勒个。

法国节假日

日期	名字	备注
1月1号	新年	新年头一天
复活节前夕	耶稣受难日	宗教假期（主要是法国北部三个省个假期）
复活节礼拜个第二天	复活节礼拜一	复活节（天主教搭仔基督教个宗教节日）
5月1号	劳动节	纪念美国为“一天8小时”工作制游行；一般勒法国有交关工会游行
5月8号	胜利日	纪念二战欧洲战场德国投降（1945年）
5月22号	废除奴隶日	只有勒辣法属马提尼克
复活节40天后个礼拜四	基督升天日	宗教节日
复活节后第七个礼拜天搭仔接下去个礼拜一	五旬节	也叫圣灵降临日
7月14号	国庆节	纪念1790年7月14号联邦节，伊本身也是纪念1789年攻占巴士底狱
8月15号	圣母升天日	天主教节日，庆祝马莉娅升天
11月1号	万圣节	天主教教堂所有圣人个节日
11月11号	1918年停战日	纪念1918年签署停战协议，一战结束
12月20号	留尼汪岛废除奴隶制度纪念日	留尼汪岛个节日
12月25号	圣诞节	基督诞辰
12月26号	圣埃蒂安（圣诞节第二天）	法国北部三个省个节日

[编辑] 其他

人类发展指数 （HDI） : 173国家里向12名，参考2000年人类发展指数国家排名；177国家里向16名，参考2004年人类发展指数国家排名搭仔2005年人类发展指数国家排名

人类发展指数25年进展^[2]

年	1975	1980	1985	1990	1995	2000	2002	2003
发展指数	0,852	0,867	0,880	0,902	0,919	0,929	0,932	0,938

人类贫穷指数 （HPI-2） :17个发达国家里向排第8

[1] （35名，19名（2004），勒5年里向倒退24名）

[编辑] 请看

[编辑] 内部链接

[编辑] 外部链接

• 法国总统官方网站

[编辑] 参考文献

1. ↑ L'énergie en France, édition 2005, page 8.
2. ↑ http://web.archive.org/web/20031117162959/www.undp.org/hdr2002/hdi.pdf

欧洲
西欧 ： 比利时 | 法国 | 爱尔兰 | 卢森堡 | 摩纳哥 | 尼德兰 | 英国 北欧 ： 丹麦 | 芬兰 | 冰岛 | 挪威 | 瑞典 中欧 ： 奥地利 | 捷克 | 德国 | 匈牙利 | 列支敦士登 | 波兰 | 斯洛伐克 | 瑞士 东欧 ： 白俄罗斯 | 爱沙尼亚 | 拉脱维亚 | 立陶宛 | 摩尔多瓦 | 俄罗斯 | 乌克兰 南欧 ： 阿尔巴尼亚 | 安道尔 | 波斯尼亚 | 保加利亚 | 克罗地亚 | 塞浦路斯 | 希腊 | 意大利 | 马其顿 | 马耳他 | 黑山共和国 | 科索沃 | 葡萄牙 | 罗马尼亚 | 圣马力诺 | 塞尔维亚 | 斯洛文尼亚 | 西班牙 | 土耳其 | 梵蒂冈 海外属地搭　 其它特殊政区 ： 法罗群岛 (丹麦) | 直布罗陀 (英国) | 隑恩塞岛 (英国) | 马恩岛 (英国) | 扬 曼因岛 (挪威) | 杰塞岛 (英国) | 斯瓦尔白勒特群岛 (挪威)
世界地理索引 | 非洲 | 美洲 | 南极洲 | 亚洲 | 大洋洲 | 各国首都

联合国安理会成员国
常任理事国
中国 - 法国 - 俄罗斯 - 英国 - 美国
任期到公元2006年12月31号终止个非常任理事国
阿根廷 - 丹麦 - 希腊 - 日本 - 坦桑尼亚
任期到公元2007年12月31号终止个非常任理事国
刚果 - 加纳 - 秘鲁 - 卡塔尔 - 斯洛伐克

经济合作发展组织（OECD）
成员国： 澳大利亚 | 奧地利 | 比利时 | 加拿大 | 捷克 | 丹麦 | 芬兰 | 法国 | 德国 | 希腊 | 匈牙利 | 冰岛 | 爱尔兰 | 意大利 | 日本 | 大韩民国 | 卢森堡 | 墨西哥 | 马耳他 | 荷兰 | 新西兰 | 挪威 | 波兰 | 葡萄牙 | 斯洛伐克 | 西班牙 | 瑞典 | 瑞士 | 土耳其 | 英国 | 美国

北大西洋公约组织 (NATO)
比利时 | 保加利亚 | 加拿大 | 捷克 | 丹麦 | 爱沙尼亚 | 法国 | 德国 | 希腊 | 匈牙利 | 冰岛 | 意大利 | 拉脱维亚 | 立陶宛 | 卢森堡 | 荷兰 | 挪威 | 波兰 | 葡萄牙 | 罗马尼亚 | 斯洛伐克 | 斯洛文尼亚 | 西班牙 | 土耳其 | 英国 | 美国