江陰話

江阴闲话，就是江阴地区个老百姓讲个吴语方言。

江阴地处交通要道，境内个闲话也主要是东海个苏沪嘉小片到西海个毗陵小片（常州小片）个过渡闲话。该歇一般拿江阴闲话划到毗陵小片里向。

发音

江阴地区个闲话发音除落有大多数太湖片吴语个共性之外，也有星自家个特点。

词汇

江阴地区吴语个有星词汇来别个場許个吴语里向看勿大见。譬如有星場許个近指代词用“既”，表“和、与”用“海”。

语法

语法浪，江阴闲话搭苏州闲话基本浪呒啥两样。

譬如，俚笃个是非问句侪是用“阿”（苏州[aʔ]，江阴“[iɪʔ]”或者“[əʔ]”）构成个，而东海个上海闲话搭西海个常州闲话侪是搭普通闲话一样来句子尾巴浪加疑问语气助词（像上海“[vaʔ]”，常州“[vəʔ]”）。

方言

江阴闲话东西南乡搭仔城区闲话侪有所两样，年纪弗一样个人，讲个江阴闲话也有所弗同。

地理差异

江阴各个片个方言侪有自家个特点，基本浪，原来个乡镇小片个格局搭仔现在方言个格局是吻合个。

江阴西乡个闲话，弗管是用词还是发音，已经交关接近常州武进个闲话。譬如效摄字（如“奥”）发双元音，人称也搭常州一样。

江阴东乡个闲话，越往东就越像东海个常熟哉，譬如有翘舌音，第三人称是[gei]，而第二人称为[nəŋ]。

江阴南乡闲话，语音浪就慢慢里有点像无锡东乡北乡闲话哉，第三人称用[ji]，竟然搭100来公里外头个上海闲话一样，勒四转侪寻弗着一样个。勒词汇浪也搭武进东乡搭仔无锡侪有交关共同个。

江阴市区个闲话，兼具四乡特点，作兴因为勒勒江边边，再一个清朝辰光是江苏学政驻地，相对带有较多官话特点。譬如，蟹摄一二等（譬如“蟹”搭仔“海”）弗分，侪念[hɛ]，搭杭州闲话一样，而四乡个吴语搭仔别个场哈个吴语一般性侪是分个，前者一般念[ɑ]。再譬如江阴市区闲话里向日母止摄字像“儿”“耳”也它交关少白读，“儿子”实梗个词汇里向“儿”也是文读个。江阴市区个闲话声调也比四转吴语要少，只有6个声调，而四乡吴语一般性侪有7~8个声调。

年纪差异

江阴地区闲话个新老派差别从语音浪来看，弗算哪亨大。

参考

钱乃荣，《当代吴语研究》

外部链接

• 吴语协会