河南省

来自维基百科
跳到导航 跳到搜索
河南省

河南省,简称,是中华人民共和国华北个一个省,徠勒山东安徽个西面,山西河北个南面,陕西个东面,湖北个北面。省会是郑州市

历史[编辑]

历史浪是华夏文明个发源地。来勒春秋战国北宋一直比较发达,弗过,到金元战争之后,彻底荒废。明朝辰光才开始重新开发,之后经济一直邪气落后。也有交关流窜人口。到近代,周期性爆发大面积人口消失事体。弗过,现在还是有超过1亿人口,相当于一个孟加拉国。

行政区划[编辑]

河南省个省会立在新兴城市郑州市,其余地级市包括洛阳市开封市南阳市驻马店市信阳市周口市漯河市焦作市商丘市安阳新乡三门峡平顶山之类。

语言[编辑]

此地大多数地区侪讲中原官话,北面一些场化讲晋语。有弗少河南人认为伊拉个方言是中州正韵搭正宗古汉语,弗过嘸多少证据证明。

饮食[编辑]

此地是典型个北方饮食为主,南部信阳搭南阳为南方饮食,顶顶有名个特产是胡辣汤烩面、驻马店小磨香油、道口烧鸡新郑大枣,还欢喜吃面食。

宗教[编辑]

传统宗教呒多少势力哉。东面多数信基督教或者基督教个异端。别个地方有交关回族村。省内有回族超过100万,回教是顶顶有势力个宗教。

人口流动[编辑]

河南是中国乃朝人口外流顶顶结棍个省份。立在北京吴越南粤乃至新疆侪有大规模个聚居存在。立在上海个河南人,就超过100万。

外部链接[编辑]