外滩

出自维基百科,自由个百科全书
外滩

外滩,本来个意思是外头个滩头,这里特别之指上海个外滩。

历史[编辑]

HSBC Building The Bund

现在个外滩历史弗是老长,来勒1840年代之前迭块区域大部分还来勒黄浦江里向。到了1842年,英国人选中外滩区域造伊拉个领事馆,开始慢慢沿黄浦江修房子。箇辰光个外滩风景搭香港、新加坡差弗多,一派殖民地风格。

到了19世纪末,外滩慢慢成为东亚地区个金融中心。汇丰、道胜、汇理、花旗等洋行纷纷起大房子。外滩风景变脱,成为万国建筑博览会

到民国,外滩更成为上海个名片,一直到今日,外滩依然是上海顶吸引人个场所。

现状[编辑]

现在个外滩虽然失去了老早金融中心个地位,弗过依然有交关金融机构,比方讲浦东发展银行个总部、招商银行中国工商银行个支行等。交关外滩个建筑成为奢侈品专卖店搭高档餐厅、宾馆。

建筑[编辑]

维基共享资源里向寻得着搭该篇文章搭界个多媒体资源:

中山东一路1号 亚细亚大楼

中山东一路2号 上海总会大楼

中山东一路3号 有利大楼

中山东一路5号 日清大楼

中山东一路6号 中国通商银行大楼