静安寺

静安寺

静安寺个航拍图

静安寺是来勒上海静安区个一座寺庙，具体是南京西路1868号，是上海交关有名个佛庙。

历史

静安寺来勒西晋建兴元年(312年）开始修造，传说来勒这年，吴淞江里向浮出两尊佛像，背上侪写有佛名，吴县个佛教徒拿佛像迎上岸，供奉到重元寺，箇就是静安寺个前身。

到宋朝辰光，才开始畀称为静安寺。静安寺原先来勒吴淞江(苏州河)北面，因为江水波涛邪气大，威胁到台基，所以到南宋嘉定九年(一二一六年)迁到今日个位置。元朝个辰光，香火邪气旺。伊个辰光寺里向有八隻名胜，叫静安八景（赤乌碑、陈朝桧、讲经台、虾子潭、涌泉、绿云洞、沪读垒、芦子渡），起蓬头哉，文人多跑过来描写伊。

太平天国辰光，庙宇大部分畀烧脱。仅有大佛殿保留下来。长毛叛乱被评定之后，庙宇开始复兴。来勒1880年修造山门搭佛殿，增设庙会。1903年，中国佛教总会拿会址设勒静安寺里向。1921年，又增修三圣殿，大体高头有如今个规模。到1947年，持松法师担任静安寺个住持，开始宣传密宗佛法。同时创办佛学院搭《学僧天地》月刊。文化大革命个辰光受到冲击比较严重，1972年，大雄宝殿被烧脱，改革开放之后逐渐回归正轨。1983年开始修复，重新修造大雄宝殿，还新建功德堂搭僧寮，恢复真言宗密坛。1983年，静安寺被定为全国重点寺院。1990年开始，重新对外开放。