会审公廨

会审公廨（法语：Cour mixte，英语：Mixed Court），貤叫会审公堂，是中国近代史丄外国租界里向个司法审判机构，比方讲上海公共租界会审公廨同上海法租界会审公廨。箇隻“会审”呢，指个是箇些法庭来勒审理案件个辰光有代表租界国领事个外国官员参与或者“陪同”中国官员进行审判个生活。会审公廨个司法管辖权只对中国人搭仔非条约列强国个人有效果，適用中国法律；涉及依照条约取得领事裁判权个条约列强个人个案件则由本国个领事法庭依照本国法律去判，比方讲美国个上海美国法院。

会审公廨兼顾中国对租界行使司法主权个主张同租界国主张个治外法权，用个法律是中国惯用个程序法同外国程序法个结合体。1921年，来勒华盛顿公约会议上，条约国签署决议，表示来勒中国建立合格个司法体系以後会得愿意放弃伊拉来勒中国个治外法权^[1]，来勒1926年发布关于中国建设司法体系个观察搭仔建议个详细报告。^[2]会审公廨也来勒1927年改制成上海临时法院。