小刀会

吴语维基百科,自由个百科全书
跳到导航 跳到搜索
1883年个上海地图

小刀会,是满清帝国统治辰光个一个民间秘密社团,顶早个记载来勒乾隆七年(1742年)。伊拉个活动,主要来勒江苏安徽福建台湾等区域。顶初成立个组织,是一些平民自备小刀,以求互保,搭个辰光盛行个反清复明呒关系。比方讲,1783年发生个台湾林贵民变就搭小刀会有关系。道光三十年(1850年),陈庆真来勒厦门成立作为天地会个一个分支个新小刀会,之后,传到上海地带。成员大部分是福建人,社会层次比较推板,包括游民、农民、工人,还有一些商人。

上海小刀会事件[编辑]

1853年9月,小刀会来勒上海发生暴乱,拿上海知县杀脱,占领上海县城搭嘉定,还要求太平天国帮助。伊拉自家讲是要反清复明,呒搭洋人发生冲突,弗过,嘸多少辰光后,还是畀清军灭脱。