普陀区 (上海)

来自维基百科
跳到导航 跳到搜索
普陀区勒上海嗰地理位置

普陀区中国上海市个中心城区之一。位于上海个西面,苏州河来勒区南普陀区历史弗长,是五十年代后期分出来个,又经历了搭嘉定等县个合并。

现在个普陀区拥有长风、曹杨、真如、长寿、宜川、甘泉街道以及长征镇,还有桃浦新村。 总体上普陀区没有明显个区域中心,大多为居住小区,是典型个“城市睡房”

现在普陀区是上海个西大门,外来人口多,房价也跟捞外来移民上涨。

行政区划[编辑]

普陀区有6个街道、3个镇,215个居委会、8个村委会,分别是曹杨新村街道、长风新村街道、长寿路街道、甘泉路街道、石泉路街道、宜川路街道、真如镇长征镇桃浦镇

地理环境[编辑]

此地是北亚热带南缘季风海洋型气候,常年温和湿润,冬暖夏凉,光照充足。年平均气温16.1℃ ,1月顶冷,温度平均有5.5℃ ,8月份热,温度有26.9℃,2150.7小时,全年≥10℃活动积温5009.6℃,无霜期235天。年平均降雨量1200mm。年平均相对湿度80%,是湿润或者半湿润个地区。

人口[编辑]

普陀区个人口规模来勒上海城中心里向是老高个,来勒1949年之前,普陀区大部分地区和还弗来勒上海市区里向。此地个人口增长大部分要归结于五十年代之后个工人新村建设。到1952年曹杨一村修造完成之后,普陀区陆陆续续修造交关新村,人口增长加快,大部分人口增长侪是从市区里向迁徙过来个居民,其中以工人为主。另外,老早个三湾一弄地区有交关江淮移民聚居。江淮移民也是普陀区一个重要个移民构成来源。到2010年,片普陀区户籍总人口87.89万人,全年户籍出生人口5883人,死亡人口7414人,户籍自然增长率-1.75‰,计划生育率99.78﹪,大部分人口个增长侪是外来流窜人口造成个。

文教[编辑]

文化[编辑]

普陀区个历史文化有交关底蕴,现在有各级文物点40多处,包括工业遗产、宗教建筑、文教建筑、民居宅邸、革命史迹各个方面。“苏州河十八湾”是上海搭东亚近现代工业个发祥地,有中央造币厂旧址福新面粉厂旧址江苏药水厂旧址上海啤酒厂旧址天利氮气厂旧址等20处工业遗产。普陀区也是工人运动发源地,现在还有交关工人运动遗址。

普陀区还有丰富个宗教文化资源,区内有上海唯一个元代地面建筑、全国重点文物保护单位真如寺大殿,还有闻名东南亚地区个玉佛寺、沪西清真寺等宗教寺庙。此外,区内还发现了保存完整、规模邪气大个元代水闸遗址,普陀区博物馆事业发展迅速,苏州河沿岸已建、在建个各类博物馆、艺术馆、纪念馆搭展示馆有将近20个,比方讲:元代水闸遗址博物馆、顾正红纪念馆、上海当代作家手稿作品收藏展示馆、上海造币博物馆、上海纺织博物馆、上海苏州河展示中心(梦清馆)、上海游艇游船展示馆、上海商标火花收藏馆、成龙电影艺术馆、工业遗址公园等,滨河博物馆走廊有一定个规模。

教育[编辑]

普陀区有教育单位177所。其中,幼儿园72所,小学28所,中学48所,中等职业学校1所,特殊教育学校3所,教育学院1所,业余大学1所(另职工中专1所),社区学院1所,社区学校9所;还有现代教育技术中心、青少年中心、教育考试中心、教育人才交流中心等教育单位12所。在校学生84719人,其中中小学生56868人。在编在职教职工8938人,其中专任教师6050人,离退休教职工8461人

经济[编辑]

普陀区个经济,大部分靠房地产拉动,还有交关工业园。像桃浦镇长征镇等地,侪是一片一片个工业区。别个产业弗是老发达。现在正在进行个长风生态园建设,就是想吸引金融贸易等行业个公司进来。

娱乐[编辑]

著名个娱乐场所有:月星环球港农工商超市曹杨电影院中环百联等。来勒苏州河以南个长寿路街道,去市中心娱乐邪气便当。中环以外个居民欢喜去梅川路白相。

註釋[编辑]

參考資料[编辑]

外部連結[编辑]

Commons-logo.svg
维基共享资源里向寻得着搭该篇文章搭界个多媒体资源: