长风新村街道

金沙江路夕照

长风新村街道，是普陀区南面挨牢苏州河个一隻街道办事处，东到宁夏路武宁路，西到梅川路，北面挨着牢金沙江路。老早是城乡结合部，如今有长风公园、华东师范大学、长风生态区等来勒里向，风貌大变，工厂侪呒没哉。2000年5月份，长风新村街道拿白玉路街道吃脱。

小吃

长风地区个小吃主要沿牢金沙江路分布，来勒枣阳路金沙江路路口，有蔡先生汤包，来勒怒江路金沙江路路口，有城隍庙小吃，来勒大渡河路金沙江路路路口，有阿丰面馆，来勒金沙江路中江路路口，有光头湘菜，高档餐厅也有，月星环球港里就有交关。

夜市

来勒华师大后门枣阳路高头老里巴早有上海滩有名个夜市，弗过近腔因为产权问题，已经拆脱哉。

行政区划

长风新村街道下头个居民委员会：

曹家巷居委会、中山桥居委会、师大一村居委会、新渡口居委会、长风一村居委会、长风二村第一居委会、长风三村居委会、长风四村第一居委会、大渡河路九十五弄居委会、长风四村第二居委会、长风二村第二居委会、锦绿新城居委会、曹家村居委会、白玉新村第一居委会、白玉新村第二居委会、普陀四村第一居委会、普陀四村第二居委会、普陀二村居委会、金沙新村居委会、隆德居委会、海鑫公寓居委会、师大三村居委会、中江居委会、清水湾居委会、世纪同乐居委会、紫御豪庭居委会、雅仕汇都居委会。