真如镇街道

真如寺

真如镇街道（上海言话：tsen zy tsen ka dau）是上海普陀区下头个一隻街道，面积有5.95平方公里，户籍人口117464個人（2023年3月）。

历史发展

元延祐七年（1320年）真如寺移到现在个位置（今兰溪路399号），随后围绕箇個寺形成集市，到明朝正德年间，形成真如市，万历辰光，形成真如镇，迭个辰光属嘉定管辖。到清雍正二年（1724年），嘉定县东部新设宝山县，真如镇划畀宝山。1928年，设立真如区，属上海特别市。中华人民共和国成立后，来勒1950年2月设立真如镇政府，拿此地划畀普陀区。到1990年代开始，箇𡍲开始大规模城市化，2003年之后，成为普陀区党政机关所在地。

特色

此里个特色主要是佛教文化搭小吃。真如寺是上海唯一个元朝建筑遗留，也是当今个全国重点文物保护单位。现在佛寺重新扩建，一派古色古香，相当有游览个价值。真如羊肉是闻名上海滩个小吃，箇𡍲个羊肉面，味道嗲，汤浓酱足，值得品尝。

行政区划

真如镇街道下頭有41隻居委会：

南大街居委会、北大街居委会、水塘街居委会、真如西村居委会、真北新村第一居委会、真北新村第三居委会、真西新村第一居委会、真西新村第二居委会、车站新村居委会、真西新村第五居委会、海棠苑居委会、曹杨八村第一居委会、曹杨八村第二居委会、真光新村第二居委会、真光新村第四居委会、真光新村第五居委会、真光新村第六居委会、真光新村第七居委会、真光新村第八居委会、真光新村第九居委会、真光新村第十居委会、清涧新村第二居委会、清涧新村第六居委会、清涧新村第七居委会、清涧新村第八居委会、清涧新村第三居委会、曹杨花苑居委会、曹杨新苑居委会、金鼎花苑居委会、真光新村第一居委会、真北新村第五居委会、清涧新村第四居委会、真光新村第三居委会、中鼎豪园居委会、星河世纪城第一居委会、星河世纪城第二居委会、杨家桥第一居委会、杨家桥第二居委会、星金恒居委会、芝川居委会、高尚领寓居委会