曹杨新村街道

曹杨新村街道，是上海普陀区下头个一隻行政单位，也是普陀区顶重要个范围。

历史

曹杨新村是来勒1950年代发展起来个，迭个辰光要修一批工人新村，反应新社会个繁荣面貌。曹杨因为勒垃来早个苏州河沿岸工业区旁边，就畀选中做工人新村个模板。来勒五十年代初，曹阳一村修起来，成为中国第一隻工人新村。迭个新村社区个规划是参考苏联个方法弄个，新村里向有电影院、小学、初中、高中，还有公园、体育场、医院、图书馆、商店，真个叫做一应俱全。街道高头种植树木，真个有新社会个景象。

到七十年代，曹杨个新村基本完工，成为普陀区中心个重要社区。

到改革开放之后，曹杨新村街道弗断发展，修造新一批建筑物，比方讲：普陀区少年城、曹杨电影院、上海市地震局等，拿曹杨变成普陀区顶适意个居住小区。

行政区划

曹杨新村街道下头个居委会：

源园居委会、花溪园居委会、金岭园居委会、杏梅园居委会、南岭园居委会、南杨园居委会、南梅园居委会、沙溪园居委会、南溪园居委会、枫杨园居委会、金杨园居委会、北岭园居委会、兰溪园居委会、金梅园居委会、杏杨园居委会、北梅园居委会、兰岭园居委会、桂杨园居委会、北杨园居委会、枫岭园居委会。