真如镇街道

真如镇街道（上海言话：tsen zy tsen ka dau）是上海普陀区下头个一个街道，面积有6平方公里，户籍人口11.78万人（2009年6月底）。

历史发展

元延祐七年（1320年）真如寺移到现在个位置（今兰溪路399号），随后围绕该寺开始形成集市，到明帝国正德辰光，形成真如市，万历辰光，形成真如镇，迭个辰光属嘉定管辖。到满洲帝国统治个1724年（清雍正二年），嘉定县东部新设宝山县，真如镇划归宝山。1928年，设立真如区，属上海特别市管辖。中华人民共和国成立后，来勒1950年2月设立真如镇政府，拿此地划把普陀区。到1990年代开始，此地开始大规模城市化，2003年之后，成为是普陀区党政机关所在地。

特色

此地个特色主要是佛教文化搭小吃。真如寺是上海唯一个蒙古统治辰光建筑遗留，也是当今个全国重点文物保护单位。具有老重要个地位。现在佛寺重新扩建，一派古色古香，相当有游览个价值。真如羊肉是闻名上海滩个小吃，此地个羊肉面，味道好，汤浓酱足，值得品尝。