奥地利历史

吴语维基百科,自由个百科全书
跳到导航 跳到搜索

奥地利是垃拉中欧个一个内陆国家,拉历史上是赫赫有名个、统治德意志地区个顶大强国,拉第一次世界大战后急速衰弱,后来拉民主化运动下成为让人安享晚年个福利国

早期[编辑]

意大利奥地利边境上发现个冰人奥茨有得5300年以上个历史,但是伊个种族还有争议。已知最早拉乃朝奥地利领土上居住个是伊利里亚人,伊拉是哈尔施塔特文化个创造者。

凯尔特人时期[编辑]

大约拉公元前4世纪左右,凯尔特人迁入该地区,取代伊利里亚人成为当地个主要居民。前2世纪,当地出现诺里孔王国(Noricum)。

罗马帝国时期(前16-378年)[编辑]

前16年,罗马帝国征服诺里孔,拉多瑙河以南建立诺里孔行省,并垃拉东西分别建立潘诺尼亚行省拉埃提亚行省。属于日耳曼人夸迪人(Quadi)搭马可曼尼人占据多瑙河以北个土地。

匈人时期(378-453年)[编辑]

378年,西哥特人击败罗马军队,占据奥地利,但咾快伊拉就南下,让奥地利地区被匈人占据。453年,匈人首领阿提拉死脱以后,帝国被日耳曼人推翻。属于日耳曼族个格庇第人占据箇块土地。

日耳曼人时期(453-907年)[编辑]

567年,阿瓦尔人进犯奥地利,同伦巴底人一道击败格庇第人。之后,阿瓦尔人拉恩斯河以东个奥地利建立统治,引入臣属于伊个斯洛文尼亚人斯拉夫人一支)。7世纪,斯洛文尼亚人摆脱阿瓦尔人统治,建立卡兰塔尼亚公国

箇段时期内,恩斯河以西一直是日耳曼巴伐利亚人个天下。739年,萨尔茨堡主教区建立,奥地利全境基督教化。745年,卡兰塔尼亚为抵抗阿瓦尔人个威胁,接受巴伐利亚个保护,改称卡林西亚公国。788年,查理曼征服巴伐利亚,791年到805年,伊又征服了阿瓦尔人,拉该地设立了若干“马克”(边区)。843年,查理曼帝国崩溃,箇些马克归属东法兰克王国

907年,马扎尔人普雷斯堡击败巴伐利亚军队,占领各马克。

中期(神圣罗马帝国时期、962-1806年)[编辑]

955年,德意志国王奥托一世莱希菲尔德战役中击败马扎尔人,收复各边区。962年,奥托加冕为皇帝,建立神圣罗马帝国。

奥地利地区自此归属并且统帅整个神圣罗马帝国,直到1806年神圣罗马帝国解体。

巴本堡时期(976-1246年)[编辑]

976年,奥托二世拉多瑙河南岸恩斯河搭维也纳森林之间建立东方马克(marchia orientalis),奈伊封畀巴本堡个利奥波德一世,附属于巴伐利亚公国,另外拉原卡兰塔尼亚地区成立大卡林西亚公国,后头该国咾快分裂成一系列小国。

1043年,阿达尔贝特击败匈牙利军队,奈领地向东扩张到莱塔河,该河后头成为后世奥、匈两地分界线。此后,德国人大量迁入,让当地最终德语化。而东方马克个名字也为古高地德语译名Ostarrîchi逐渐取代(该词首先出现拉皇帝奥托三世签发拉996年个敕文之中),之后,又逐渐音转为今朝奥地利个名字Österreichs。

1156年,皇帝“红胡子”腓特烈一世奈奥地利马克升格为奥地利公国,脱离巴伐利亚管制,授畀伊个小特权,并奈东方马克个西面直到因河个土地封赐畀奥地利。奥地利公国迁都拉罗马人创建个文多波纳城,奈伊改名为维也纳。1192年,根据乔治堡和约(Georgenberg Pact),奥地利吞并施蒂里亚。1229年,利奥波德六世又获得卡尔尼奥拉个大部分领地,成为神圣罗马帝国中个强大诸侯国。

但是,拉1246年,腓特烈二世拉同匈牙利作战个辰光阵亡,呒留儿子,伊个女婿巴登赫尔曼六世也未能稳固自身个统治。

奥托卡二世时期(1251-1278年)[编辑]

1251年,波希米亚国王普什米塞·奥托卡二世夺取奥地利,领地北起易北河,南抵亚得里亚海,一跃成为中欧强权之一。

1274年,普什米塞·奥托卡二世垃拉争夺神圣罗马帝国皇位个斗争中失败,哈布斯堡家族鲁道夫一世拉选举中获胜。普什米塞·奥托卡二世拒绝做效忠宣誓,遭到鲁道夫联合德意志诸侯对伊个讨伐。1276年,普什米塞·奥托卡二世被迫放弃奥地利,1278年8月26号,普什米塞·奥托卡二世拉杜恩克鲁特战役中托鲁道夫展开决战,兵败身死。自此,奥地利落入哈布斯堡家族手中。

哈布斯堡时期(1278-1918年)[编辑]

中衰时期(1308-1335年)[编辑]

1282年,鲁道夫奈奥地利搭施蒂里亚封畀自家个两个儿子,奈卡林西亚搭卡尔尼奥拉另外封畀别人。1283年,二个儿子里向个一个阿尔布雷希特一世成为唯一个统治者。1298年,阿尔布雷希特一世当选罗马人民个国王,奈奥地利领地交畀伊个儿子鲁道夫三世掌管。1308年,伊被伊侄子士瓦本个约翰刺杀,儿子腓特烈三世被巴伐利亚个路易四世击败,丢失神圣罗马帝国个皇位搭除奥地利之外个所有领地,成为普通诸侯。

1335年,奥地利公爵再次获得卡林西亚搭卡尔尼奥拉。1363年,提罗尔并入奥地利,今朝奥地利疆域初步形成。1382年,奥地利获得个里雅斯特,取得亚得里亚海个出海口。拉1379年、1396年、1411年,哈布斯堡家族各继承者多次签订条约瓜分领地,奈领地最终一分为三:下奥地利内奥地利上奥地利

过渡时期(1438-1516年)[编辑]

1438年,下奥地利个阿尔布雷希特五世从伊岳父西吉斯蒙德继承神圣罗马帝国皇位搭仔匈牙利搭波希米亚个王位,称阿尔布雷希特二世。自此除1742年到1745年之间外,皇位再呒落出哈布斯堡家族之手。

1439年,阿尔布雷希特突然拉军中逝世,内奥地利个腓特烈三世继承伊个皇位,并成为伊个遗腹子拉迪斯劳斯个监护人,成功地让箇个幼主先后继承匈牙利搭波希米亚个王位。1457年,拉迪斯劳斯早逝。经过激烈个争夺,匈牙利贵族匈雅提·马加什拉1463年获得匈牙利个王位,伊外加拉1485年占领下奥地利,迁都维也纳。

1477年,腓特烈三世设法安排伊个儿子马克西米连勃艮第公国公爵大胆个查理个惟一继承人玛丽联姻,获得勃艮第个全部领地。1490年,匈牙利国王马提亚逝世,马克西米连收复下奥地利搭维也纳,统一哈布斯堡家族领地。1491年,伊托波西米亚兼匈牙利国王亚盖隆家族拉迪斯劳斯二世达成协议,如果伊呒直系男性后代,则由哈布斯堡家族成员继承伊个领地。

1493年,腓特烈三世去世,马克西米连继位成为皇帝。1494年,伊再娶米兰女继承人为妻,奈势力渗入意大利。箇招致法国国王查理八世率军入侵意大利。马克西米连就托教皇西班牙威尼斯搭米兰结成神圣同盟,对抗法国搭奥斯曼帝国个同盟。1496年,西班牙女继承人疯女胡安娜托马克西米连个儿子菲利浦联姻。1516年,二人个儿子查理登基成为西班牙国王。同年,查理之弟斐迪南迎娶波西米亚兼匈牙利国王路易之妹,确立两国王位继承人个身份。

封建最多时期(1519-1554年)[编辑]

1519年,查理登上所有哈布斯堡家族领地个君主宝座,此时,伊是西班牙个卡洛斯一世、神圣罗马帝国卡尔五世西西里个卡洛二世、那不勒斯个卡洛四世,尼德兰西属美洲个统治者,以搭别样交关多小国个君主。伊无愧为当时欧洲最为强大个封建领主。1522年,查理奈奥地利诸邦搭仔家族拉北意大利个领地分给伊个弟弟斐迪南,并拉1556年退位辰光,奈神圣罗马帝国皇帝个名号传畀斐迪南。哈布斯堡家族分为西班牙哈布斯堡家族奥地利哈布斯堡家族

1526年,拉第一次摩哈赤战役中,拉约什二世阵亡。斐迪南立刻根据先前个协定继承波西米亚王位,并托奥斯曼帝国支持个约翰·扎波利亚展开匈牙利王位争夺战。1529年搭1532年,奥斯曼帝国苏丹苏里曼一世两次围攻维也纳。1544年,奥土达成协议,匈牙利分为三部分,西部由奥地利统治,中部由土耳其统治,扎波利亚个儿子日格蒙德则成为土耳其庇护下自治个特兰西瓦尼亚君主。

1554年,斐迪南又奈奥地利领地一分为三:奥地利、提罗尔搭施蒂里亚,交畀三个儿子。

奥地利哈布斯堡时期(1556-1740年)[编辑]

1556年,查理五世退位,斐迪南一世正式继承奥地利大公托神圣罗马帝国个帝位,开启奥地利哈布斯堡家族个统治。

三十年战争(1618-1648年)搭哈布斯堡家族之挫败[编辑]

1517年,德国天主教教士马丁·路德因弗满罗马教廷个赎罪券政策,发起宗教改革。从当时个马西米连一世开始,历任哈布斯堡君主对基督新教侪采取容忍政策,因此新教得以拉德国广播,外加传到奥地利哈布斯堡家族治下个波希米亚。但由于君主个容忍新教,哈布斯堡君主一直被选为波希米亚国王。

但帝国局势拉1617年急转直下,狂热天主教徒斐迪南二世,继承伊个表哥,成为奥地利大公搭神圣罗马皇帝。但伊对新教个零容忍政策,导致伊落选波希米亚国王。为夺回王位,斐迪南决定征服波希米亚,但反促成神圣罗马帝国内个新教诸侯结盟援助波希米亚,更导致帝国周边个新教国家丹麦瑞典入侵哈布斯堡家族领地。而改信新教个荷兰反西班牙个独立运动个加剧,搭后期信奉天主教法国加入反哈布斯堡联军,让情况雪上加霜。

虽然波希米亚叛军搭丹麦王军被哈布斯堡皇军打败,但托瑞典法国个战事一直僵持。因此,斐迪南二世奈波希米亚王位让畀儿子斐迪南三世,以纾解当地民愤。当斐迪南二世逝世后(1637年),斐迪南三世立即托各国议和,终于拉1648年签订《威斯特伐利亚和约》。

三十年战争虽然削弱神圣罗马帝国对内各邦国个控制,让帝国陷入四分五裂个诸侯自立状态;但是,战争期间,奥地利托波西米亚个新教徒侪被肃清托“感化”成天主教徒;战后哈布斯堡又强化自身领地个控制力,维持一支五万人个常备军,并拉奥地利波西米亚西里西亚等地区侪建立绝对君主制(专制君权)。因此三十年战争只是让神圣罗马帝国衰落崩解,实际上反而强化皇帝个本体实力。所以1648年后,只能讲伊扩展皇权个计划挫败,弗能讲伊因此中衰。

本体国力个强化(1637-1687年)[编辑]

从1637年登基个皇帝斐迪南三世,到1658年继位个利奥波德一世(1658-1705年在位),两位皇帝侪以各种方式,驯服自家个领地上个贵族地主。皇帝勒令农民每周三天,替贵族地主作白工,鼓励贵族地主奈大量农产品卖出获利,换取奥地利托波西米亚贵族对君王个效忠。箇个方式获得极大个成功,贵族地主因此向君王(两位皇帝)交出原本个政治特权,任由哈布斯堡家族,掌控主要个立法托收税大权。绝对君主制因此稳定地扎根拉哈布斯堡领地上,外加越扎越深。

虽然因为匈牙利贵族个强力反抗,让贵族特权被大量保留,但是哈布斯堡皇帝拉优秀将领拉依蒙多·蒙特库科利个帮助下,先拉1661-1664年拉匈牙利抵挡住奥斯曼帝国个十二万进攻并获得胜利,托土耳其签订和约、承认土耳其对外西凡尼亚个宗主权,强化奥地利对匈牙利个控制力量;然后借由1683年维也纳之战后,托波兰联手打败奥斯曼帝国个威势,拉1687年征服并统一大部分个匈牙利,极大地扩张哈布斯堡个领土,并拉开哈布斯堡“中兴”个序幕。

中兴托颠峰(1687-1733年)[编辑]

借由萨伏依个欧根亲王(天才将领托伟大政治人物)个帮助,奥地利拉1687年迎来中兴托颠峰时期。欧根亲王正如奥地利交关多官员一样,根本弗是奥地利人;依照出身搭教育来分类,伊实际上是法国人,外加搭当时交关多贵族一样,侪曾拉各国服务任官,是国际性个贵族官僚。最重要个是,伊实际是现代奥地利个国家创始人。

欧根亲王拉1690年代越发受到皇帝利奥波德一世个重用,担任军事行政长官托统帅辰光,侪表现出杰出个才能。伊采用太阳王路易十四个规划办法,改革奥地利军队个供应、装备、训练搭指挥,因此拉1697年托土耳其作战辰光,赢得森塔战役(Battle of Zenta)个辉煌胜利,迫使奥斯曼帝国拉1699年个卡尔洛夫奇条约上,正式割让匈牙利外西凡尼亚克罗埃西亚畀哈布斯堡。

西班牙王位继承战争(1701-1714年)[编辑]

因为1700年西班牙哈布斯堡家族绝嗣,法兰西王国波旁家族奥地利哈布斯堡家族,为争夺西班牙王国王位,而于1701-1704年发生欧洲大部份国家参与个西班牙王位继承战争。奥地利托强权英国托荷兰联手,决定摧毁法王路易十四称霸欧洲个野心搭霸权

箇场反法战争,由奥地利主帅欧根亲王、英荷联军主帅约翰·丘吉尔,以搭荷兰大议长安东尼·海因斯三人所主导。三位军政领袖,组成团结有力个三角同盟,最终拉1713-1714年打垮路易十四个野心。结束战争个乌得勒支和约规定,虽然西班牙王位由波旁家族所继承,但是西班牙拉欧洲个广大领土,包括南尼德兰意大利ge 米兰那不勒斯等,几乎侪割让畀皇帝,让皇帝个领地托人口扩张一倍,成为欧陆最大个赢家。新获得个土地弗但可以对法国个两侧重新形成遏制,外加弗论是拉神圣罗马帝国内部还是欧洲舞台上,皇帝个威望侪极大个增长。

巅峰托下坡(1713-1739年)[编辑]

1713年乌得勒支和约签订后个二十年间(1713-1733年),奥地利迎来历史上最强盛个颠峰期,此后奥地利再也没箇样个强盛国势。因为箇二十年中,西欧托东欧个主要强国刚刚打完死伤惨重、元气大伤个大战(西欧西班牙王位继承战争、东欧是大北方战争),因此出现个欧洲权力真空,就由中兴个奥地利暂时填补。

拉皇帝查理六世个统治下,欧根亲王拉1716年重新发动对土耳其个攻势,并取得辉煌个胜利。1718年拉托奥斯曼帝国签署个帕萨洛维茨条约中,查理六世获得塞尔维亚瓦拉几亚个部分领土。

1720年,查理六世借由奥、法、荷、英个四国同盟,共同压制敌对个西班牙(四国同盟战争);并威逼萨伏依个国王,强迫伊用富庶个西西里岛,搭查理六世交换次等个萨丁尼亚岛。得到西西里个奥地利,处拉人口托领土扩张个极限,但好运咾快就用光。此时奥地利国势发展到颠峰,但也意味着即将到来个国势下滑,下坡路咾快就来到奥地利面前。

查理六世晚年辰光,因为东、西欧强国个元气恢复,奥地利个国力又趋拉下降。1733年,奥地利拉波兰王位继承战争中,因为缺乏过去强大个盟友英国荷兰支持(当时英国首相罗伯特·沃波尔力主和平政策,并拉拢荷兰一道保持中立),面临残酷个失败,即使善战个欧根亲王领军,也无法阻挡法国西班牙个联军托外交攻势(由法王路易十五个宰相弗勒里红衣主教主导)。查理六世被迫拉1738年个维也纳条约里向奈拉西班牙王位继承战争中获得个西西里那不勒斯交还畀西班牙国王卡洛斯三世,以换取帕尔马皮亚琴察两个公国;奥地利也被迫承认法国取得洛林公国,默认法国重建伊个欧洲第一个霸权

拉1737年到1739年托奥斯曼帝国爆发个第二次战争中,查理六世虽然继续搭俄罗斯个联盟以对抗奥斯曼,但因为欧根亲王拉去年过世(1736年),奥军遭到决定性个败北,结果失去拉上一次战争(1716-1718个奥土战争)中所夺取个大部分领土。箇场败战导致巨大个债务(十万佛罗林)搭普遍个弗满,维也纳对各地个统治开始出现摇摇欲坠个征兆。

奥地利王位继承战争(1740-1748年)[编辑]

1713年10月20号,查理六世担心自家没男性子裔,再加上伊个兄长——约瑟夫一世侪无男性子裔,于是预制《1713国事遗诏》。遗诏内容大致如下:

  • 拉查理逝世后,奥地利大公、波希米亚搭匈牙利国王搭仔哈布斯堡家族首领个位子,由伊个长子/女继承
  • 至于神圣罗马帝位,由于弗准女性继承,若查理没儿子,伊个长女婿弗朗茨会得成为帝位继承人

洛林家族托哈布斯堡家族个关系邪气密切,哈布斯堡君主斐迪南三世奈其中一位女儿艾林诺公主,许配托当时个洛林公爵卡尔·利奥波德,伊拉俩就是洛林公爵弗朗茨(后来个「法兰兹一世」皇帝)个祖父母。查理六世拉伊个长女玛丽亚·特蕾莎公主出生后,就奈洛林公爵个次子弗朗茨(伊个长兄弗幸夭折)带到维也纳,托玛丽亚·特蕾莎一道长大,并拉1736年结婚。

1740年,查理六世去世。法国西班牙普鲁士巴伐利亚萨克森搭仔承认《1713国事遗诏》为由,发动奥地利王位继承战争。而玛丽亚·特蕾莎弗朗茨拉法国个宿敌,英国荷兰支持下,迎战各国。普鲁士率先拉1740年12月16号入侵哈布斯堡领地西里西亚。后头,法国巴伐利亚萨克森个援军更奈战火波及到整个波希米亚搭意大利部分地区。普鲁士,巴伐利亚搭萨克森极力协助玛丽亚·特蕾莎个表姐夫,巴伐利亚帝选侯卡尔登上神圣罗马帝位(是为卡尔七世)更加剧双方个紧张。

情况拉战争初期,对哈布斯堡家族咾弗利。拉1744年底,整个西里西亚地区、大部分个波希米亚搭意大利,侪陷入反哈布斯堡联军个手中,而哈布斯堡家族更失去神圣罗马帝位,也就是失去免被德意志诸侯攻击个皇家特权。

1745年1月20号,卡尔七世个逝世,成为整场奥地利王位继承战争个转折点。拉之前,萨克森倒戈支持哈布斯堡家族,并派出代表托奥地利,英国搭荷兰个君主代表拉1月8号拉华沙密会,组成四国同盟。从此哈布斯堡家族逐步收复失地。首先是英国拉1745年4月29号拉北美发动对法属路易斯堡个围攻,并拉同年6月16号攻下城堡,牵制法国个力量,而荷兰搭英国拉西印度群岛搭拉丁美洲海岸挑起个冲突,更令西班牙头痛。后头是同年9月13号,玛丽亚·特蕾莎个夫婿弗朗茨当选神圣罗马皇帝,开启哈布斯堡-洛林家族

但反哈布斯堡同盟也有成功个攻势,如法军成功入侵孟加拉湾搭奥属尼德兰,让双方陷入拉钜状态。而俄罗斯托奥地利个结盟搭瑞典保持中立,更令普鲁士腹背受敌,转为防御。此时,奥属尼德兰成为主要战场。莫里斯·萨克森公爵指挥个法军虽多次战胜奥、英联军,并攻占奥属尼德兰,但拉意大利北部搭海上个战斗中失利。由于知悉俄国援军即将抵达奥属尼德兰,法军决定托英、奥议和。

最后,英荷奥法拉1748年10月18号签定《亚琛和约》,承认弗朗茨皇帝、玛丽亚·特蕾莎皇后搭伊拉个后裔对哈布斯堡家族领地个继承权,但是要承认普鲁士对西里西亚个领有。

玛丽亚女大公时期(1740-1780)[编辑]

神圣罗马帝国解体时期[编辑]

晚期[编辑]

奥地利帝国时期(1804-1867)[编辑]

1804年5月18号,法国第一执政拿破仑称帝。考虑到此,拉拿破仑称帝三个月后个8月11号,弗朗茨宣布提升奥地利大公国为奥地利帝国,自称为奥地利皇帝弗朗茨

1848年3月,维也纳爆发起义,推翻梅特涅政府,迫使奥皇改组内阁,召开立宪会议。新政府实行个“宪政”未能满足人民要求,5月维也纳市民连续举行起义,奥皇出逃。10月6号,维也纳市民再次起义,奥皇再次出逃。后孤立无援,10月31号被镇压。同时,帝国境内个波西米亚搭匈牙利也爆发革命,但是取得部分政权后,托皇室妥协,转而反对革命。6月,政府镇压布拉格起义。随之镇压匈牙利革命。

1859年,意大利战争

1866年,普奥战争

奥匈帝国时期(1867-1918年)[编辑]

1867年,弗朗茨·约瑟夫一世托匈牙利妥协,奥地利帝国改革为奥匈帝国。

1878年,奥匈帝国兼并波士尼亚。

1914年,第一次世界大战。1918年,奥匈帝国解体。

奥地利共和国时期(1918年到今)[编辑]

1938年,德奥合并

1939年,第二次世界大战

1995年,加入欧盟。1999年,加入欧元区

2006年10月1号,国民议会选举举行。[1]奥地利内政部公布,议会183个席位中社民党占68席,人民党66席,奥地利自由党21席,奥地利绿党20席,未来奥地利联盟8席。[2]2007年1月11号,由社民党搭人民党组成个联邦政府宣誓就职,总理为阿尔弗雷德·古森鲍尔[3]

参考资料[编辑]