西班牙哈布斯堡王朝

来自维基百科
蹦到: 导航搜寻
Árbol genealógico de los reyes de España y familia de la casa de Austria (en azul). Nota: Felipe I fue sólo rey de Castilla.

西班牙哈布斯堡王朝(英文:Habsburg Spain),立在西班牙自家个历史书当中畀叫做奥地利王朝(Casa de Austria)是从16世纪开始辰光统治西班牙,一直持续到18世纪初个一个哈布斯堡家族分支。具体个确立是立在卡洛斯一世退位个辰光,拿奥地利部分让自家个阿弟费迪南一世继承。拿自家个殖民帝国搭西班牙王国让自家个大儿子费利佩二世继承。个能,就拿哈布斯堡家族分成两支哉。立在费利佩二世手里向,西班牙成为欧洲顶顶强盛个霸主,同时搭荷兰英国法国奥斯曼帝国进行战争,并一直保持优势地位。1580年,又兼任葡萄牙国王,让西班牙成为世界高头领土面积第一大个国家。到伊个儿子费利佩三世当国王个辰光,西班牙还是好维持老早个霸主地位,弗过国力已经开始下降。到费利佩三世个儿子费利佩四世继位之后。一系列矛盾开始爆发,到1640年,失去葡萄牙王国,1643年,立在罗克鲁瓦战役当中畀法国个孔代亲王决定性打败。又因为货币贬值搭近亲繁殖。到费利佩四世个儿子卡洛斯二世继位之后。西班牙国力彻底衰落,从老早个进攻态势转入防守,交关地盘也畀法国个太阳王路易十四抢过去。卡洛斯二世是近亲繁殖个后代,智力天生有问题,脑子弗大正常,加剧西班牙个混乱。伊嘸继承人,临死辰光要求自家母系个波旁家族继承王位,引发西班牙王位继承战争。到卡洛斯二世死脱,西班牙哈布斯堡王朝也就因为嘸后代,完结哉。

传承[编辑]