西班牙王位继承战争
西班牙王位继承战争（西班牙文：guerra de sucesión española）是1702年开始爆发，一脚进行到1714年乌得勒支条约签署纔完结个大规模战争。个场战争拿西欧所有国家侪牵扯进去，是三十年战争之后欧洲又一场规模惊人个大战。
战争起因
[编辑]西班牙哈布斯堡王朝因为近亲繁殖，到末代国王卡洛斯二世执政个辰光，已经明显嘸后代出生个迹象。因此，伊拉个王位继承，就成为交关欧洲国家关注个问题。从血统高头来讲，卡洛斯二世搭统治奥地利、匈牙利并且身兼神圣罗马帝国皇帝头衔个奥地利哈布斯堡家族是同宗。弗过，因为两家立在一百多年前就分开，所以从亲密程度来讲，反过来是西班牙一向个敌人法兰西王国个波旁王朝更加亲近。(西班牙搭法国立在之前经常通婚）。所以，卡洛斯二世决定拿王位传把法国波旁家族，迭个决定一开始得到英国、荷兰个赞同，仅有神圣罗马帝国皇帝利奥波德一世反对。之后，为折衷考虑，法国承认让巴伐利亚个费迪南（卡洛斯二世另一个外甥）继承西班牙王位。弗过莱奥波多一世还是反对。1697年，巴伐利亚个费迪南死脱。卡洛斯二世决定拿王位传把自家个法国波旁外甥。弗过，到迭个辰光，因为法国太阳王路易十四个权势太大，野心太明显。老早支持法国个英国搭荷兰生怕迭个决定，会让法国拿西班牙吞脱，成为世界浪顶顶强大个国家。因此，英国、荷兰侪改变外交口吻，转过来支持奥地利个查理王子对西班牙王位个要求。同时，西班牙国内个一些中世纪保留下来个实体，比方讲：巴斯克、阿拉贡等，也害怕欢喜专制集权个波旁王朝会损害西班牙个共同体传统，也支持哈布斯堡家族。1702年，奥地利向法国宣战，同时，英国荷兰也向法国宣战。战争爆发。
战争结果
[编辑]战争个结果，是法国波旁家族通过分家（费利佩五世放弃法国王位继承要求）获得西班牙王位搭西班牙立在美洲个殖民帝国。弗过，西班牙立在欧洲个遗产，比方讲：西属尼德兰、米兰公国、那不勒斯王国等，侪畀奥地利接受。英国立在战争当中占领个直布罗陀也得到承认。奥地利凭借战争重新获得欧洲强权地位。法国虽然表面浪赢得战争，弗过获得个实际收获弗大。西班牙沦为主战场，老早个阿拉贡王国等共同体侪畀法国人废脱，又丧失交关领地，彻底沦为二流国家。顶顶大个得益者是英国，因为灭脱法国海军，从此英国立在海面高头个优势进一步确立，离之后称霸七大洋仅一步之遥。
参考资料
[编辑]中文资料
[编辑]- 《海权对历史的影响1660-1783》第五章 P,284-287 解放军出版社 修订版 A.T.马汉。
- 西班牙王位继承战争（1701年～1714年）_科技报导_网易科技|科技生活 精彩每一天 档案，存勒互联网档案馆当中。（2013年12月28号）
- 西班牙王位继承战争（1701年～1714年） - 军事天地 档案，存勒互联网档案馆当中。（2005年11月4号）
英文资料
[编辑]- Spanish Succession, War of the. (1911). Encyclopædia Britannica, 11th ed. London: Cambridge University Press.
- Brodrick, Thomas. A Compleat History of the late war in The Netherlands together with an abstract of the treaty of Utrecht. London: William Pearson, 1713.
- Lynn, John A. The French wars 1667 – 1714: The Sun King at War. Osprey Publishing, 2002. ISBN 1-84176-361-6
- Wolf, John B. The Emergence of the Great Powers, 1685-1715. New York: HarperCollins, 1951.
- Acton, JEE, 1st Baron. (1906). Lectures on Modern History.' ' London: Macmillan and Co.
- Sainty, Guy Stair. (2004). "The French Succession : The Renunciations of 1712, the Treaties of Utrecht and Their Aftermath in International Affairs."