大名

来自 吴语维基百科
蹦到: 导航搜寻
日語表記
日語原文 大名
假名 だいみょう
羅馬字 Daimyō


大名是根据大名主搿个词变化过来个,是日本幕府勒垃日本各地个封臣,意思交关像诸侯。大名个本义就是“拥有大片土地个人”。

历史[编辑]

松平容保大名参拜图

“大名”一词勒垃勿同个时代,意义上有仔一眼弗一样。

  • 勒垃室町时代,大名是由幕府任命,称为守护大名。渠拉勒垃经济上掌控一个到数个分国个庄园搭仔公领,以扩大守护领国个势力。对地方武士(国人),大名对渠拉支配能力是有限个。大名掌握领地忒嫌大个辰光,会任命家臣做守护代相帮掌管部份分国。
  • 勒垃战国时代,无须幕府任命,只要支配数郡到数国势力,能稳固支配国人个,就是大名。战国时代个大名一般拨称为战国大名,出身背景以守护、守护代、国人搭仔平民四种为主。
  • 勒垃江户时代,知行10000石达以上个就叫大名。江户时代共有得200来家大名,基本浪分为亲藩大名、谱代大名搭仔外样大名。亲藩大名是与德川家有血缘关系个藩领,勒搿当中有“御三家”之称搿水户、尾张、纪伊顶为重要。谱代大名是指勒垃关原之战以前就已追随德川家个武士,有权力,俸禄却交关少。外样大名则是勒勒垃关原之战以后被迫臣服个大名,领地蛮大,但缺少勒垃中央政权里向个发言权。
Commons-logo.svg
维基共享资源里向寻得着搭该篇文章搭界个多媒体资源: