天皇

天皇（日文：天皇／てんのう ^tennō）是日本君主个稱號，也是神道教个最高领袖，是現代世界裏向唯一用皇帝（Emperor）稱號个君主，俚做頭頭个日本皇室是世界浪現在還有个頂頂古老个皇室。天皇个族系號稱「萬世一系」，從頭一個天皇神武天皇以來一脈相傳，並弗像中國、韓國、越南等周邊國家有過改朝换代，該個是因為天皇个歷史浪掌握實權个辰光交關短，蓋咾反倒好逃脫戰亂，讓皇室加二長壽。现在，天皇是日本个國家象徵，也是實際浪个國家元首，雖然日本憲法朆明確規定俚國家元首个地位。勒神道教傳統裏向，天皇是天照大神後裔，有神性，認為天皇弗是普通个日本人，所以天皇搭俚个屋裏人嘸沒姓氏（歷史學浪叫俚天皇氏），日本憲法也朆畀俚公民權。雖然二戰過後，昭和天皇已經宣布完全放棄历史浪畀俚个「神性」，必過原歸有國民拿天皇當國家个象徵。