埃及

出自维基百科,自由个百科全书

埃及(英文名:Egypt),此地立拉上古辰光,曾经有过邪气辉煌个古文明。弗过到古罗马辰光已经衰落,之后先后经历基督教回教个传播,乃朝已经是伊斯兰国家阿拉伯国家。搭老早个古文明,联系弗大哉。

历史[编辑]

主文章:埃及历史

埃及个历史可以分成古埃及托勒密埃及罗马时代埃及基督教埃及中古埃及近代埃及搭当代埃及几个部分。个当中,有两趟邪气大个断档,第一趟是基督教立在埃及个传播,这让老早个古埃及宗教搭社会完全发生变化。第二趟是回教立在7世纪进入埃及,并强制同化大部分埃及人,之后,埃及个语言也变成阿拉伯文。伊拉个文化更搭中东完全一路哉。

近代个埃及,大部分是奥斯曼帝国个总督默罕默德阿里帕夏创造个,伊立在19世纪初统治埃及,实施近代化举措,也让埃及人重新发现自家个历史。到20世纪初,埃及是英国个保护国,有一个法鲁克王朝,到二战结束,王朝畀军人推翻,之后,纳赛尔萨达特穆巴拉克先后建立军人统治,到2012年,暴法阿拉伯之春个社会动荡,穆斯林兄弟会趁乱上台,推行沙利亚教法,引发国内个反抗,2013年,埃及军人再次政变,让塞西取代穆兄会,埃及又重新回到军人政治个老路哉。

经济[编辑]

埃及嘸海湾国家介多个石油资源,弗过,经济还算全面。

工业[编辑]

埃及个工业基础立在阿拉伯国家当中算比较好个,有一定个工业制造能力。伊拉个尿素生产,邪气出名,也成为迭个国家重要个出口商品。

旅游业[编辑]

因为上古辰光个文明遗留,埃及乃朝也是一个旅游业个中心。旅游每年要贡献邪气大个GDP,弗过,因为恐怖活动多,近两年旅游业也受到冲击。

人口[编辑]

埃及个人口增长,是邪气快个,乃朝个人口已经将近9000万人,立在阿拉伯世界,是顶顶多个,甚至超过其余北非国家个总和。同时,埃及个人口出生率,一直嘸下降个趋势,尽管埃及政府也想过要计划生育,弗过因为回教信仰个根深蒂固,基本呒可能推广。人口个增长带来经济个负担,这也畀认为是2012年阿拉伯之春爆发个一个因素。

民族[编辑]

埃及个人口,大部分自认是阿拉伯人,伊拉对埃及人个认同,朆有对阿拉伯人认同高。

宗教[编辑]

埃及老早个古埃及宗教立在公元4世纪就逐渐畀灭脱,后势来个基督教,也大部分畀伊斯兰教取代,乃朝,迭个国家是一个拿伊斯兰作为主要宗教个国家。将近90%个人口是穆斯林。此外,坚持基督信仰个人口有7%-10%,伊拉大部分是科普特基督徒,也稍许有一眼希腊正教会亚美尼亚教会个信徒。埃及个宗教压迫是蛮结棍个,假使有穆斯林要皈依基督教,会遭到政府个压制搭社会个严重迫害。

语言[编辑]

埃及官方语言为阿拉伯语,大多数国民亦视作母语;及嫡语(古埃及语变得来)只来拉及嫡人基督教堂个仪式上使用。另外,大城市搭著旅游区通用英语法语。 原始埃及语(用象形文字)来拉公元3-4世纪畀拉及嫡语(用及嫡字母)取代。公元7世纪后期,阿拉伯穆斯林征服埃及后,阿拉伯语逐渐成为通用语言,但是及嫡语情原广泛使用。但是到著15世纪,日常生活就弗用及嫡语,侪改用阿拉伯语哉。