西班牙

来自 吴语维基百科
蹦到: 导航搜寻
Reino de España
西班牙王国
Flag of Spain.svg Escudo de España (mazonado).svg
国旗 国徽
自然地理
(实际管辖区)
EU-Spain.svg
首都 马德里
面积
  • 国土面积:505,992平方公里
  • 水域率:1.04%%
人民生活
官方语言 西班牙语
人口
  • 总人口:46,815,916
  • 人口密度:{{{人口密度数据}}}/km2
政治文化
国家领导人:
  • 国家元首([[西班牙王国{{{国家元首职称}}}|{{{国家元首职称}}}]]):[[{{{现任国家元首名字}}}]]
  • 政府首脑([[西班牙王国{{{政府首脑职称}}}|{{{政府首脑职称}}}]]):[[{{{现任政府首脑名字}}}]]
经济实力
国家资料

西班牙西班牙语,España),是欧洲发达国家之一,位置来勒伊比利亚半岛。是欧盟北约以及联合国个成员国。

Madrid Skyline II

历史[编辑]

西班牙老早个居民讲弗清爽,现在个巴斯克人是伊拉个后裔。后来印欧人进入半岛,成为伊比利亚人,西班牙个南部个辰光被腓尼基人个后裔迦太基人统治。开始慢慢接受地中海文明圈子个洗礼。到了公元前1世纪,强大个罗马帝国开始征服西班牙,将西班牙变成伊拉拉丁文化个重要地区。到了公元1世纪之后,西班牙弗仅仅是一块殖民地,更是罗马帝国最为文明个地区。罗马鼎盛辰光个皇帝,比方讲哈德良图拉镇等,就侪是西班牙地区出生搭成长个。著名个哲学家塞内加,也是现在科尔多瓦地区个居民。

中世纪个西班牙充满文明冲突,西哥特王国被来自中东个伊斯兰侵略者毁灭。西班牙文化几乎灭亡。722年,西哥特人王族佩拉约来勒科瓦东加战役中拿阿拉伯人打败。之后开始了有名个“再征服”。阿拉伯人统治下个西班牙,暗无天日,惨无人道。基督徒等同奴役,文化被抹去,意识被打压。还好北面个基督教王国,比方讲莱昂,阿拉贡,纳瓦拉等慢慢收复失地,最终来勒1492年拿阿拉伯殖民者彻底赶出了伊比利亚半岛。来勒迭个过程当中,卡斯蒂亚-莱昂王国最终搭阿拉贡王国联合,这个联合也是后来西班牙王国诞生个真正辰光。

来勒赶走阿拉伯人个同一年,西班牙资助哥伦布开始远洋冒险,最终带把西班牙一个150年辰光个全球帝国。西班牙传奇征服者们迅速消灭了美洲土著王国。依靠联姻继承西班牙王位个查理五世又成为了欧洲第一大国神圣罗马帝国皇帝。1525年,查理五世拿法国国王活捉,关到马德里个一座城堡里。1571年,来勒勒班陀海战当中,西班牙海军击溃奥斯曼舰队,维护了欧洲和平。1588年远征英国虽然失败,但是对西班牙如日中天个国力丝毫没有影响。三十年战争前,西班牙来勒世界各地拥有三十万驻军,是毫无疑问个第一强国。

三十年战争是西班牙国力个转折点。之后西班牙开始缓慢衰落,直到1898年被美国击败,彻底退出殖民强国个行列。二十世纪初,西班牙成为激进势力角逐个焦点。1930年代个内战结果是佛朗哥将军个胜利。这也避免了西班牙成为苏联阵营个可能。二战期间,西班牙保持中立,战后经济开始起飞。七十年代终于完成了工业化,成为世界最发达国家当中个一员。1975年佛朗哥去世后,西班牙恢复了君主制。

地理[编辑]

西班牙个面积超过50万平方公里,是世界高头第52大国家。伊个面积比法国小4万多平方公里,比英国大了快两倍。来 勒欧洲确实是一个大国哉。

西班牙是一个半岛国家。来勒西面搭葡萄牙接壤。北面搭法国有比利牛斯山隔开来。南面有直布罗陀海峡

除脱大陆部分之外,西班牙也拥有地中海搭大西洋个两个群岛。

气候[编辑]

西班牙基本属于地中海气候,夏天干热,冬季干冷。极端气候比较少,全年阳光充足。适合种植橄榄、橙子等水果,弗大适合耕种小麦。西班牙南部来勒罗马人辰光是发达个农业区,弗过灌溉系统来勒阿拉伯人殖民辰光被破坏,从此变成橄榄种植区。西班牙个葡萄酒也老有名,卡斯蒂亚地区还有交关牧羊人。来勒沿海地区,捕鱼业邪气发达。

西班牙个气候条件分作下列四个弗同个幅度:

  • 地中海气候:这种气候是西班牙个代表气候,来勒半岛个东部与南部多属亚热带气候,春、秋侪是雨季,夏季个温度让人感到适意。

高温纪录:梅西亚47.2℃,马拉加44.2℃,巴伦西亚42.5℃,阿利坎特41.4℃,马略卡40.6℃,巴塞罗那39.8℃。 低温纪录:加隆拿-13.0℃,巴塞罗那-10.0℃,巴伦西亚-7.2℃,穆尔西亚-6.0℃,阿利坎特-4.6℃,马拉加-3.8℃。

  • 内陆个温带大陆性气候:主要分布来勒西班牙个北部地区,表现为寒冷个冬季(通常会降雪)搭炎热个夏季。

高温纪录:塞维利亚47.0℃,科尔多瓦46.6℃,巴达霍斯45.0℃,阿尔巴塞特与萨拉戈萨42.6℃,马德里42.2℃,布尔戈斯41.8℃,巴利亚多利德40.2℃。 低温纪录:阿尔巴塞特-24.0℃,布尔戈斯-22.0℃,萨拉曼卡-20.0℃,特鲁埃尔-19.0℃,马德里-14.8℃,塞维利亚-5.5℃。

  • 北大西洋沿海气候个温带海洋性气候:这种气候夏天气候暖热,降水主要集中来勒冬天辰光。

高温纪录:毕尔巴鄂42.0℃,拉科鲁尼亚37.6℃,希洪36.4℃。 低温纪录:毕尔巴鄂-8.6℃,奥维多-6.0℃,希洪与拉科鲁尼亚 -4.8℃。 加纳利群岛: 副热带夏干气候,全年气温通常在18℃与24℃之间。 高温纪录:特内里费42.6℃。 低温纪录:特内里费8.1℃。

政治[编辑]

主条目:西班牙政治

模板:Seealso

西班牙是一个君主立宪制个国家,伊拉个君主是西班牙国王。弗过权利通过两院决定。国王是国家个元首搭武装力量总司令。众议院和参议院两院掌握立法权。1978年个西班牙宪法确保国家个民主制,这也是从1812年开始长期自由派搭保守派相互斗争后最终个结果。首相领导的政府行使行政权。首相由多数党提名,并由国王任命。根据这部宪法,西班牙现在被分成功17个自治区搭两个特别市。分别享有弗同权利个自治。弗仅这能,该宪法也确定政教分离个原则,结束天主教来勒西班牙一千多年个特殊地位,国家个公民有权利信仰任何一种宗教。


语言[编辑]

西班牙个官方语言是西班牙语,是从老早仔卡斯蒂亚语个基础高头发展出来个。西班牙文依靠航海殖民,成为南美搭中北美个强势语言,现在是世界高头使用面积第三大,使用人口第三多个语言。

Languages of spain

除脱西班牙文之外,西班牙弗同地区侪有自家个语言。由于历史高头统一比较早,西班牙保持欧洲顶多元个语言形态,有加泰罗尼亚语巴斯克语等与卡斯蒂亚语差别交关大哥独立语言,也有安达卢西亚方言等卡斯蒂亚内部个方言。搭法国、意大利对待少数语言弗同个是,西班牙个少数语言侪得到相当好个传承。弗过这也带来地方分离主义个问题。

宗教[编辑]

Religion in Spain

西班牙是一个传统个天主教国家,虽然现在国家施行政教分离,弗过宗教一直发挥重要个影响力。加利西亚个圣地亚哥是欧洲朝圣个中心。全国现在四分之三个人口是天主教徒,弗过教堂礼拜个频率弗是老高。依靠南美洲个移民,西班牙个教会搭信徒比例来勒欧洲侪算比较高个。

历史高头侵略西班牙个回教,现在又靠北非移民重新进入西班牙哉。来勒加泰罗尼亚等一些地区,回教扩张速度老快。现在西班牙已经有800,000穆斯林

华人来勒西班牙多信奉佛教。

体育[编辑]

西班牙是欧洲个体育强国,拥有世界顶尖个足球势力,西班牙国家队来勒2008-2012年连续夺得两座欧洲杯搭一座世界杯,俱乐部里厢,巴塞罗那足球俱乐部皇家马德里足球俱乐部是欧洲超一流豪门。个两年,马德里竞技足球俱乐部也强势崛起,构成西甲统治力个三巨头,来勒对欧洲其他豪门个比赛当中,也多次获胜。2014年,来自西甲个俱乐部包揽脱欧洲冠军联赛欧罗巴联赛个冠军。欧冠个亚军也被来自西甲个马德里竞技足球俱乐部获得。

2014年世界杯,西班牙队小组赛就被淘汰,让一个王朝从此解体。


欧洲
西欧 比利时 | 法国 | 爱尔兰 | 卢森堡 | 摩纳哥 | 尼德兰 | 英国
北欧 丹麦 | 芬兰 | 冰岛 | 挪威 | 瑞典
中欧 奥地利 | 捷克 | 德国 | 匈牙利 | 列支敦士登 | 波兰 | 斯洛伐克 | 瑞士
东欧 白俄罗斯 | 爱沙尼亚 | 拉脱维亚 | 立陶宛 | 摩尔多瓦 | 俄罗斯 | 乌克兰
南欧 阿尔巴尼亚 | 安道尔 | 波斯尼亚 | 保加利亚 | 克罗地亚 | 塞浦路斯 | 希腊 | 意大利 | 马其顿 | 马耳他 | 黑山共和国 | 科索沃 | 葡萄牙 | 罗马尼亚 | 圣马力诺 | 塞尔维亚 | 斯洛文尼亚 | 西班牙 | 土耳其 | 梵蒂冈
海外属地搭 
其它特殊政区
法罗群岛 (丹麦) | 直布罗陀 (英国) | 隑恩塞岛 (英国) | 马恩岛 (英国) | 扬 曼因岛 (挪威) | 杰塞岛 (英国) | 斯瓦尔白勒特群岛 (挪威)
世界地理索引 | 非洲 | 美洲 | 南极洲 | 亚洲 | 大洋洲 | 各国首都
Commons-logo.svg
维基共享资源里向寻得着搭该篇文章搭界个多媒体资源:

外部链接[编辑]