2016年3月9號日食

2016年3月9号日食
	2016年3月9號日全食路徑圖
日食类型
性质	日全食
伽瑪	0.2609
食分	1.0450
食甚（定义）
持续时间	4分9.5秒
位置	納莫努伊托環礁西北差弗多190公里個西太平洋
坐标	10°7.3′N 148°47.6′E
日食带宽度	155.1公里
辰光（UTC）
食甚	1:57:11.5
参考
沙羅周期	130（73次中的第52次）
	該趟日食已經結束哉 (更新)

2016年3月9號个日食是一趟日全食，勒2016年3月9號（西半球是3月8號）发生。新月箇日天（就是朔日），地球浪看过去月亮搭太阳个角距离极小，该歇辰光月亮如果齐巧勒月球交點附近，穿过太阳搭地球当中，搭地球、太阳接近一直线，就会得出现日食。月球本影接触地球表面，让该个区域完全呒不阳光，就是日全食，同时勒本影两嗨边几千公里个半影范围里向遮脱一部分阳光，出现日偏食。^[1]该趟日全食经过仔印尼搭密克罗尼西亚联邦个一部分岛，日偏食覆盖仔亚洲东南部、大洋洲大部搭北美洲西北部地区。^[2]

2016年3月9號日全食路徑印尼段

日食个情况[编辑]

出現區域[编辑]

该趟日食开始个辰光，月球本影勒印尼西面、斯里兰卡东南东经九十度洋脊附近个印度洋浪顶早接触地球，箇哒点勒3月9号日出个辰光顶早看见日全食。接下来本影朝东橫穿印尼，进到太平洋，逐渐转到朝东北移动，覆盖仔密克罗尼西亚联邦个三个环礁过后，勒納莫努伊托環礁西北面差弗多190公里个洋面达到最大食分。接下来本影弗再经过任何陆地，跨过北太平洋，路当中美國本土外小島威克島搭西北夏威夷群島里向个珍珠和赫尔密斯环礁（Pearl and Hermes Atoll）离全食带最近个场化分别只有差弗多20公里搭6公里，好看见食分接近1个日偏食。本影跨过國際日期變更線过后勒夏威夷群島东北面差弗多1700公里个洋面离开地表，勒3月8号日落辰光结束。陆地浪看见个日全食侪是勒3月9号。

搭2015年3月20號个上一趟日全食一样，该趟月亮本影经过个陆地也侪是岛，依次包括：

印度尼西亚：蘇門答臘島個西蘇門答臘省南端（還覆蓋仔明打威群島南部）、明古魯省北部、占碑省南部、南蘇門答臘省中北部，邦加-勿里洞省中南部，加里曼丹島個西加里曼丹省南部、中加里曼丹省中南部、南加里曼丹省北部、東加里曼丹省南部，蘇拉威西島個西蘇拉威西省北部、中蘇拉威西省中南部（還覆蓋仔托吉安群島除脫北端以外個絕大部分搭邦蓋群島北部），摩鹿加群島個北摩鹿加省中部，西巴布亞省伊吉島（Igi）搭法尼島（Fani）；
Template:Country data FSM 密克羅尼西亞聯邦：歐里皮克環礁、沃萊艾環礁、伊法利克環礁。^[3]^[4]

除脱交关狭个全食带里向好看见日全食之外，月亮半影覆盖范围里向侪看得见日偏食，包括南亞中东部、中国大陆个西北地区东南角、西南地区、中南、华北南部、華東、东北地区东南部边境蛮小个一块区域、澳门、香港、台湾、朝鲜半岛、日本、整个东南亚、澳大利亚除脱东南部以外个大部分、俄罗斯太平洋沿海、阿拉斯加大部、加拿大西部边境搭太平洋中北部个岛。其中大部分勒國際日期變更線西面，勒3月9号看见日食，剩下来个部分勒3月8号看见日食。^[2]^[5]

基本参数[编辑]

類型：日全食
食甚中心處（勒納莫努伊托環礁西北差弗多190公里個西太平洋）資料：
- 辰光：2016年3月9日1:57:11.5（UTC）
- 場化：10°7.3′N 148°47.6′E
- 食分：1.0450（全食帶裏向最大）
- 本影闊度：155.1公里
- 日全食持續辰光：4分鐘9.5秒
全食最長處資料：
- 辰光：2016年3月9日1:56:52（UTC）
- 場化：10°4′N 148°42′E
- 本影闊度：155.1公里
- 日全食持續辰光：4分9.5秒（全食帶裏向最長）^[6]