中國西南

来自维基百科
蹦到: 导航搜寻
Southwest China.svg

中国西南是以中国中心论为基础创造出来个人为地理概念,,西南地區包括仔中國西南部窮大個腹地,主要包括四川盆地雲貴高原青藏高原南部地區。事实浪,这些地区内部差异极其明显,放勒一道完全是大中华主义个结果。

勒中國行政區劃概念裏向,狹義個西南地區(也叫大西南),就是傳統個「西南三省」:川(四川省)、滇(雲南省)、黔(貴州省)。其中四川省勒地理浪個範圍是中華民國辰光個省域,弗包括老底子西康省個轄域(今朝雅安攀枝花甘孜藏族自治州涼山彝族自治州),但必過包括今朝重慶市個轄域。

行政區劃裏向廣義個西南地區有「西南四省(區)」、「西南五省(區、市)」搭「西南六省(區、市)」三個版本,後頭兩種講法一經出現勒現在中國區域經濟合作個相關活動裏向。

  • 中華人民共和國成立初期,曾經勒省級行政區劃浪向建立仔大區一級政府,其中西南行政區管轄當時辰光個重慶市、川東行署區川西行署區川南行署區川北行署區、貴州省、雲南省、西康省、西藏地方昌都地區等十個省級行政單位,直到1954年大行政區儕畀撤銷脫。西南行政區原來個十個省級行政單位經過調整、合併,勒1955年形成仔包括四川省、貴州省、雲南省搭西藏自治區(1955年設籌備委員會,1965年正式成立)一塌刮子四個省級行政單位個穩定區劃格局,川、黔、滇、藏四地合起來叫「西南四省(區)」。
  • 1997年國務院設立重慶直轄市,西南地區持續穩定四十幾年個三省一區個行政區劃格局部分調整,後歇來重慶市搭四川省、貴州省、雲南省、西藏自治區合起來叫「西南五省(區、市)」。
  • 改革開放過後特別是近十年來,因為西部大開發戰略個實施搭西南出海大通道建設等交關因素,本身勒華南西部個廣西壯族自治區也一經搭渝、川、黔、滇、藏五地合起來叫「西南六省(區、市)」。因為西藏獨特個政治、經濟搭區位條件,西南地區個區域經濟合作大多數辰光看弗見西藏自治區,所以西南五省(區、市)往往代表桂、渝、川、黔、滇五地。

西南地區是中國內部經濟差距頂頂大個地理大區,2013年,四川省GDP是26260.77億(其中成都市GDP是9108.89億,占三分之一),廣西區GDP是14378億,重慶市GDP是12657億,雲南省GDP是11720.91億,貴州省GDP是8006.79億。