阿尔巴尼亚历史
阿尔巴尼亚个历史是欧洲历史个一部分。
古代
[编辑]考古发现证实，约拉十万年前个旧石器时代中晚期，已有先民拉阿尔巴尼亚活动。
拉古代，伊利里亚人拉巴尔干半岛个西部居住，包括今朝个阿尔巴尼亚。今朝个阿尔巴尼亚人认为伊利里亚人是伊拉个祖先。前6世纪开始希腊人开始拉今朝阿尔巴尼亚个海岸地区建立殖民地。今朝拉奇、都拉斯等城市侪是从伊个辰光留下来个。前5世纪一些当地部落酋长建立了一些短暂个国家，但伊拉拉领导个人死脱后咾快就瓦解了。前231年到前229年伊利里亚人个女王特塔（Teuta）拥有一支自家个舰队拉地中海上抢劫，甚至到古罗马个商队侪受到伊个威胁。罗马为此派军队到伊利里亚来消灭箇个威胁。
前229年到前228年罗马托伊利里亚第一次交战。一些希腊城市从此成为罗马个保护区。前27年奥古斯都大帝正式征服伊利里亚。伊利里亚成为罗马个一个省。但伊个多山个内地并弗能非常彻底个罗马化，因此伊利里亚方言拉当地居民中被保留下来，拉中世纪演变为今朝个阿尔巴尼亚语。
基督教咾早就拉阿尔巴尼亚普及起来了。据说圣保罗曾经来到过伊利里亚。今朝考古学能够证明个最早教堂拉4世纪建造。当395年罗马帝国分裂脱个辰光，阿尔巴尼亚北部归西罗马，南部归东罗马（后来个拜占庭帝国）。今朝阿尔巴尼亚北部天主教盛行，南部多为东正教，就是伊个辰光留下来个。
中世纪
[编辑]拉民族大迁徙后期今朝个阿尔巴尼亚有交关多斯拉夫人定居下来了。今朝阿尔巴尼亚有交关多斯拉夫地名。11世纪末意大利南部个诺曼人军队多次经过阿尔巴尼亚南下前往希腊。1204年拉第四次十字军东征个过程中拜占庭帝国丧失了对阿尔巴尼亚个控制。阿尔巴尼亚分裂成共多个小公国。有辰光也被外国控制（塞尔维亚、那波利、威尼斯等）。拉箇段到今为止也呒好好较个研究过、被历史学家们争论得邪气激烈个时期，阿尔巴尼亚民族诞生了。伊个诞生地可能是阿尔巴尼亚中部或北部个山地，核心可能是一个游牧文化，机动性可能为传播带来了有利条件。14世纪辰光阿尔巴尼亚语已经有得记录，伊个传播地区一直延伸到今朝希腊北部搭科索沃。15世纪中斯坎德培领导阿尔巴尼亚人反抗奥斯曼帝国个入侵，直到今朝伊被看做是阿尔巴尼亚个民族英雄。
奥斯曼帝国个统治
[编辑]1478年奥斯曼帝国占领阿尔巴尼亚，并拉此地统治了400多年。拉箇期间，大多数阿尔巴尼亚人接受了伊斯兰教信仰，成为穆斯林，随后以土耳其新军个身份随土耳其军队作战，由此拉奥斯曼帝国取得了咾高个政治地位。例如19世纪著名个埃及总督穆罕默德·阿里帕夏就是阿尔巴尼亚人。
独立
[编辑]托奥斯曼统治者同样信奉伊斯兰教个阿尔巴尼亚人本来独立意识并弗强，但是1912年塞尔维亚王国、黑山王国、希腊、保加利亚王国等巴尔干国家组成联盟向奥斯曼帝国宣战，结果巴尔干同盟大胜，塞尔维亚王国更打算夺取阿尔巴尼亚领土，从而取得进入地中海个港口。但托塞尔维亚敌对个奥匈帝国弗愿意塞尔维亚王国坐大，就协助阿尔巴尼亚个民族主义者伊斯梅尔·捷马利（独立后成为阿尔巴尼亚亲王国第一任总理）拉阿尔巴尼亚南部城市发罗拉宣布独立，阿尔巴尼亚也因此拉1912年11月28号拉奥斯曼帝国独立。1913年欧洲国家承认阿尔巴尼亚个国境。塞尔维亚王国丧失阿尔巴尼亚后，获得有大量阿尔巴尼亚人居住个内陆地区科索沃搭今朝马其顿个西北部作为补偿。箇个决定为1996-1999年个科索沃战争埋下了伏线。
第一次世界大战中阿尔巴尼亚再次被占领。1915年奥匈帝国占领了阿尔巴尼亚北部，意大利占领伊个东南部，法国占领了都拉斯。当1915年奥地利军队占领塞尔维亚个辰光，战败个塞尔维亚军队经过阿尔巴尼亚朝希腊逃过去。1918年希腊军队占领都拉斯。拉1919年个巴黎和会上，阿尔巴尼亚个代表团达到了重建阿尔巴尼亚个目的。虽然迭样希腊搭意大利弗愿意从伊拉占领个地区撤兵，但1920年伊拉被阿尔巴尼亚人驱逐。
战后阿尔巴尼亚个情况依然动荡弗安。各地酋长争权，政府交替平凡。1924年东正教主教凡·诺利（Fan Noli）企图立宪，举行选举，但伊个政府也拉六个月中就被推翻了。1925年起艾哈迈德·佐格成为阿尔巴尼亚政治中个主要支配人，1928年伊加冕成为阿尔巴尼亚国王。出自经济原因伊咾快就成为意大利法西斯个追随者。1939年4月7号意大利吞并阿尔巴尼亚，左古下台。
第二次世界大战
[编辑]1940年意大利参与第二次世界大战，并从阿尔巴尼亚出兵侵略希腊，但入侵个意军咾快被希腊军队击退，希军更反攻入阿尔巴尼亚境内数十公里。因意大利拉希腊进军失败，德国拉1941年南下侵占南斯拉夫搭希腊，之后德国奈南斯拉夫个科索沃并入阿尔巴尼亚。1943年意大利向盟军投降后阿尔巴尼亚就被德军占领。
反抗意大利占领军（自1943年起德国占领军）个游击队互相之间也敌对。其中有保皇派个，有民族-共和国派个，也有共产党个。阿尔巴尼亚共产党拉1941年组建，1944年初伊拉成为反抗组织个主力，加上1944年11月德军主力撤出阿尔巴尼亚，阿共拉弗靠外国个帮助能够解放自家个国家。
劳动党执政
[编辑]1944年，由恩维尔·霍查搭穆罕默德·谢胡领导个阿尔巴尼亚共产党（1948年改名阿尔巴尼亚劳动党）掌握政权，别样党派被禁止，交关多反共个国民阵线成员被处决。
霍查托斯大林个关系邪气好。拉苏联援助下，阿尔巴尼亚完成了1951年到1955年个第一个五年计划。1953年斯大林死脱后，阿尔巴尼亚托反斯大林个赫鲁晓夫政权逐渐决裂。1960年开除了“勾结苏修进行反党活动”个利丽·贝利绍娃出党，1961年阿尔巴尼亚劳动党“五大”中提出苏联背叛了社会主义革命。1961年12月，苏联托阿尔巴尼亚断交，阿尔巴尼亚随后拉欧洲被完全孤立。
拉1961年苏阿决裂后，霍查决定依靠中华人民共和国个力量。中华人民共和国向阿尔巴尼亚提供了大量个经济援助，阿尔巴尼亚仿效了文化大革命，发动了“革命化运动”。霍查也邪气多心，总是怕苏联、南斯拉夫、希腊、美国搭意大利等国家要入侵阿尔巴尼亚。为此伊命令拉全国建立了70多万个碉堡（当时全国人口还弗到250万）。1968年苏联入侵捷克斯洛伐克之后，阿尔巴尼亚退出华沙条约组织。1970年代以后，阿尔巴尼亚托南斯拉夫搭希腊个关系有所缓解，并同瑞士、瑞典等西欧搭北欧国家建立了外交关系。
1967年，基督教搭伊斯兰教拉阿尔巴尼亚被禁止。大多数教堂搭清真寺被改为仓库或电影院。只有少数改为博物馆个得到保护。
1972年美国总统尼克松访华后，阿尔巴尼亚对中华人民共和国个关系开始恶化，霍查弗点名批评毛泽东为“新修正主义者”，并猛烈批判渠个三个世界理论。1976年毛泽东死后，两国关系更加恶化，霍查公开批判中国新领导人“走修正主义搭资本主义路线”，同时提出了霍查主义。中华人民共和国则加以还击，邀请铁托访华。1978年，中华人民共和国停止了对阿尔巴尼亚个全部援助项目，并撤回拉阿尔巴尼亚个所有中国专家。1979年中越战争期间，阿尔巴尼亚指责中华人民共和国为侵略国。
1985年霍查死后，伊个继承人阿利雅继承了伊个政策。
随着东欧剧变，阿尔巴尼亚个外交政策开始松动。1990年7月，阿利雅宣告托苏联复交，并宣布苏联弗再是“修正主义国家”。1991年，托美国复交。
民主化
[编辑]1989年开始，东欧各国反对派开始以集会搭示威方式推翻政府，其后东欧各国个共产党相继丧失政权，尤其是罗马尼亚共产党领导人齐奥塞斯库拉罗马尼亚革命中被革命发起者搭救国阵线就地处决之后，阿利雅意识到如果弗进行改变，伊咾可能成为下一个被处死个领导人。因此迅速个签署了赫尔辛基协议，承诺保护人权。1991年阿尔巴尼亚实行首次多党大选，阿尔巴尼亚劳动党获胜。迫拉反对派个压力，阿尔巴尼亚拉次年（1992年）再次举行大选，阿尔巴尼亚民主党获胜。阿尔巴尼亚是东欧国家中最后一个结束社会主义制度个国家。
但是民主化初期并没为阿尔巴尼亚带来期望中经济搭政治上个迅速改善，反而适得其反，因为有黑手党搭贝里沙领导个民主党操控全国大部分银行来到银行倒闭，出现了更加糟糕个政治紊乱搭经济倒退。由于经济倒退搭1997年内乱问题，1990年以后几年，交关多阿尔巴尼亚人试图靠陆路搭水路偷渡到邻国意大利或瑞士，以逃离箇个灾乱频生个国度，当中也包括一些实力个足球员。直到今朝仍有一定数量个阿尔巴尼亚人因经济问题偷渡或移民往西欧国家，但近年随着阿尔巴尼亚政局搭社会穏定下来，出逃人数也逐年减少。而民主化早期个阿尔巴尼亚民主党推行个各种个政治搭经济个改革成效甚微。弗过自从1997年内战后阿尔巴尼亚个经济显著改善，贸易逐步对外开放，人民生活水平得以提升，经济改革成效最大个产业包括旅游业、服务业、商业。
1997年阿尔巴尼亚危机战争
[编辑]1996年搭1997年阿尔巴尼亚银行个危机畀全国带来了巨大个动荡。1997年3月10号起除首都地拉那市中心外全国个管理瘫痪，国家陷入内战个状态。由希腊、意大利、西班牙、法国、土耳其搭罗马尼亚组织个一支国际维护和平军队奈冲突平息下来。1997年7月24号阿尔巴尼亚进行了全国选举，从此内乱情况才得以缓解，国家经济搭人民生活开始得以改善。
内战后到今
[编辑]但内战后阿尔巴尼亚个经济依然有交关多困难，国内失业率仍较高，2016年全国失业率约17%左右。2010年以后政治系统已变得稳定下来，2013年社会党搭民主党达成政治、经济、社会制度改革共识。而乃朝国家整体经济已有显着个改进，阿尔巴尼亚也因此脱离贫穷国家行例。