南斯拉夫

出自维基百科,自由个百科全书

南斯拉夫(塞尔维亚-克罗地亚语西里尔字母:Југославија,拉丁字母:Jugoslavija),是1918年到2003年建立拉南欧巴尔干半岛上个联邦制国家。以从奥斯曼土耳其帝国独立个塞尔维亚族所建立个塞尔维亚王国为基础,经两次巴尔干战争搭第一次世界大战,随着奥斯曼土耳其帝国、奥匈帝国个战败,塞尔维亚搭附近个各南斯拉夫人地区合并,创建南斯拉夫王国。1941年,轴心国入侵、占领、分裂南斯拉夫第二次世界大战结束以后,南斯拉夫王国改成功联邦制个社会主义国家,叫南斯拉夫联邦人民共和国,1963年改成功南斯拉夫社会主义联邦共和国。1963年、1971年搭1974年个新宪法弗断分权,提升各共和国权力,箇咾各個共和国个离心力增加。

1991年到1992年,除脱塞尔维亚黑山,其他民族国家纷纷从南斯拉夫独立,联邦政体箇咾解体哉。塞尔维亚同黑山两個国家勒拉1992年重新组织成立南斯拉夫联盟共和国,希望继承原先个联邦。但是新边界个划分问题引发前南各国打仔十年个南斯拉夫内战

2003年,南斯拉夫联盟共和国重组成更加松散个邦联,改名字叫塞尔维亚搭黑山,南斯拉夫箇個词变成只历史名词。

到2008年,前南斯拉夫拢总分裂出北马其顿塞尔维亚波斯尼亚和黑塞哥维那克罗地亚斯洛文尼亚黑山箇六個受联合国承认个国家,还有只有一星国家承认个科索沃