中世

来自维基百科
(从中世纪转戳到箇里)
蹦到: 导航搜寻
Orator, bellator et laborator (clérigo, guerrero y labrador); o sea, los tres órdenes medievales. Letra capitular de un manuscrito.

中世(西文:),是文艺复兴辰光,意大利城邦文人提出来个一个概念,具体是对历史浪个时间段区分。按照伊拉个讲法,从西罗马帝国灭脱个5世纪开始,一直到自家个文艺觉醒个15世纪之前,侪属于中世纪。迭段辰光欧洲个文化畀基督教会掌控,地方施行封建制,并形成交关邦国,老百姓大部分生活立在农村或者领主个城堡周围。罗马教宗有老高个精神权威。中世纪中后期,欧洲发动解放圣地十字军东征,前后经历两百多年,也让欧洲个技术文化得到发展,到13世纪末,中世纪文化开始慢慢出现近代个雏形,14世纪,东方传过来个火枪技术立在黑死病泛滥之后,得到发展,15世纪初,欧洲个南部,邪气是意大利城邦开始出现老多文人搭艺术家以及对古典文化个兴趣,导致文艺复兴个产生。

政治[编辑]

中世纪个欧洲政治有两大势力:一方是世俗个王权封建贵族制度,另一方是神权个罗马天主教会。一般,拿皈依天主教并且实行这套封建贵族制度个地区当做欧洲中世纪个范围。具体浪,早期个法兰克王国立在之后演化成为查理曼帝国,后势来分裂,造就10世纪神圣罗马帝国法兰西王国个形成。1066年,法兰西王国个贵族征服者威廉侵略大不列颠岛,建立乃朝英格兰王国个系统。伊比利亚半岛形成莱昂王国卡斯蒂亚王国葡萄牙王国阿拉贡王国纳瓦拉王国五大国家。神圣罗马帝国个王权立在中世纪早期还是蛮牢靠,弗过意大利北面个城邦经常出现反叛行动。南面个那不勒斯西西里岛立在中世纪开始辰光弗断遭受穆斯林个侵略搭骚扰。到11世纪,诺曼人征服此地,建立西西里王国那不勒斯王国。让此地也进入欧洲历史当中。神圣罗马帝国对东面个开拓是通过条顿骑士团完成个,也让本身东面个波兰人立陶宛人遭到压迫,刺激出波兰王国立陶宛王国。波兰南面个马扎尔人本身是游牧民族,定居中欧平原之后,接受天主教,发展出匈牙利王国