政令指定都市

政令指定都市（日文：政令指定都市／せいれいしていとし^{Seirei shitei toshi}）是日本个一个行政划分级别，一般能够当上政令指定都市个，也就是所谓个大城市哉。

来源

乃朝日本个政令指定都市，是根据自家1956年版本个《地方自治法》，拿行政命令指定个专门城市，立在日本个法律当中，也拿伊拉简稱叫做政令市或者指定都市。能拥有成为政令指定都市个基本條件是下去个人口要50万朝上，拿到指定个城市好获得比别个城市更加多个地方自治权力，是日本地方自治权力顶多个一级别城市。乃朝，一共有廿个城市拥有迭个资格。到2013年，一共有2700多万人立在这些城市当中生活，占到日本总人口个五分之一。

具体城城市

日本个政令指定都市，主要分布立在东京都市圈、中京都市圈搭近畿都市圈。立在北海道、日本东北、日本中国搭九州地区个中心城市也名列当中。具体包括以下几个城市：

北海道

札幌市: 北海道道厅所在地，也是一般意义上迭个地区个中心城市，有人口将近200万人。

日本东北

仙台市: 伊达政宗修造个城堡仙台城发展出来个城市，是日本东北地带顶顶大个城市，有人口110多万，吴越名文豪鲁迅到此地留学过。

东京都市圈

横滨市:神奈川县县厅所在，是东京市个重要外港，人口超过350万。
千叶市:千叶县县厅所在，是东京市东面个卫星城，人口80几万，也是轻小说《我伲青春爱情当真有毛病》个场景地。
埼玉市:埼玉县县厅所在，是老早几个城市合并之后产生个。
川崎市:神奈川县北面靠近东京都个卫星城，因为上班族购房发展起来，有人口110万。
相模原市:神奈川县成立个新城市，性质搭川崎市差弗多，有人口将近100万，弗过白天大部分人侪立在东京或者横滨上班。

日本中部

新潟市:新潟县县厅所在，面朝日本海个顶顶大日本城市。有人口六十几万。
静冈市:静冈县县厅所在，立在富士山附近，老早属于东海道。
名古屋市:爱知县县厅所在，立在老早尾张国当中，因为江户幕府辰光个名古屋城发展起来，乃朝是日本前五个大城市，有人口两百万。

关西地区

大阪市:西日本核心城市，传统意义浪日本个第二大都市，市区核心人口230万，日间人口350万。
京都市:日本千年古都，乃朝因为旅游业出名，保留邪气多世界文化遗产，乃朝有人口150万。
神户市:大阪个外港，历史浪是进出近畿地区个要道，明治维新之后发展起来，乃朝有人口150万。

日本中国

广岛市:广岛县县厅所在，也是中国地区个中心城市。因为毛利辉元修造个广岛城发展起来。明治维新之后成为日本军事重镇，二战当中畀原子弹袭击。战后慢慢恢复，乃朝有人口120万。
冈山市:冈山县县厅所在，因为宇喜多秀家修造个冈山城发展起来，乃朝有人口七十几万。

九州地区

福冈市：福冈县县厅所在，古名太宰府，也是九州地方个传统中心城市，乃朝有人口160万，并且还立在弗断上升。
北九州市：福冈县境内个第二大城市，是日本重工业发达个地区，弗过近年因为工业转型，人口外流比较结棍。
熊本市：熊本县县厅所在，因为加藤清正修造个熊本城发展起来，乃朝有人口将近80万。

参见