味噌

味噌

味噌（日语：味噌／みそ miso），是一种厚个、咸味道蛮结棍个酱，日本料理里向常庄用着，畀日本国家推广，属于一种健康食品。勒拉韩国料理当中也难般会得出现。

概要

做味噌，原材料有豆、米、麦等。伊个制作方法是拿箇眼原料蒸熟，再用霉菌、酵母菌发酵。

日本搭台湾个家庭也顶欢喜用味噌冲味噌汤。别个像拉麵、燉菜（譬方讲关东煮、笃牛筋咾啥）、盐^去声个鱼、卤蛋咾啥也用得着味噌。

词源

味噌迭个一只词，根据古代个记录，顶早写成功“未酱”，也有“味酱”“味曾”咾啥个写法，词源大概是“还未做成功酱个物事”。个咾此地“噌”迭个字实际上向只不过是一只日文里向个同音代替字（也作兴是受着“味”影响，畀“曾”加上仔只“口”类化形成功个俗字），搭汉文典籍《广韵》里“噌吰鐘音”迭个“噌（吴音撑）”弗搭界。

吴语里向味噌一般性读成功“味增”。

外部链接

• 日本味噌推廣局 档案，存勒互联网档案馆当中。（2010年11月26号）