张江有轨电车
张江有轨电车，运营名称为“张江有轨电车1路”，是上海浦东新区个一条现代化有轨电车线路，使用法国劳尔公司个Translohr。虽名为“有轨电车”，但属于胶轮导向电车系统，而非真正传统意义上个有轨电车。 张江有轨电车来勒2007年12月23号开工[1]，2009年12月31号造好通车[2]，2010年1月1号正式载客运营。
箇条线路西面到松涛路祖冲之路（上海轨道交通2号线张江高科站），东面到丹桂路金秋路，全线长大约码子9.8公里，拢总有15個站头搭仔1座停车场。全线单一票价人民币2块。参与上海公交、轨道交通个换乘优惠。
特色
[编辑]- 张江有轨电车大部分个运行路径侪勒拉道路中央，除脱利用原张江高科站车站南面个便道设置个终点站。
- 张江有轨电车个车门用个是“需要再开启”个模式，也就是勒拉站头个辰光，弗揿按钮，车门弗会得开个。
- 张江有轨电车前后侪挂仔号牌，弗过并弗是标准个（蓝底白字）。
运营
[编辑]张江有轨电车一开始是上海浦东现代有轨交通有限公司负责运营个，2021年4月1号开始改成上海浦东新区杨高公共交通有限公司托管运营[3]。必过，2023年个辰光，伊个运营机构写个侪是上海浦东现代有轨交通有限公司[4]。
争议
[编辑]张江有轨电车每年亏仔2000多万，只好靠借钞票过日脚。一方面，客流状况弗均匀，总体弗来三；另一方面，车辆维护成本忒高，大部分个零件要进口，配件价格高来吓死人，欠仔弗少钞票。因为一直拉亏钞票，张江有轨电车本来规划去浦东新区唐镇新市镇里向个二期工程等只好停下来[5]。
2023年1月16号开始，由于车辆备件个问题，运营辰光调成上半天7:10-11:09，下半天15:28-19:45。2023年2月1号，运营辰光畀进一步调整，营运辰光进一步畀压缩到上半天8:00-9:30，下半天16:30-18:00。实际开工个辰光，调成功上半日2对，下半日2对，每天夯吧啷当只有4对车子[6]。
停运
[编辑]2023年6月1号起，全线停运，畀走向设站完全一式一样个浦东112路替代[7]。
参考文献
[编辑]- ↑ 张江有轨电车项目工程今开工 (zh). 新民晚报 (2007-12-23). 原始文档勒2014-07-27存档. 访问日脚2009-12-30.
- ↑ 张江有轨电车31号通车 营业时间与二号线衔接(东广新闻台) (zh). sh.sina.com.cn (2009-12-30). 访问日脚2009-12-30.
- ↑ 上海浦东现代有轨交通有限公司委托运营签约暨交接会议隆重举行. 今日杨高 (2021-03-26).
- ↑ "55座城市，109家轨道交通运营公司一览". 2023-02-11.
- ↑ 张江有轨电车年亏2000多万元.
- ↑ 这条上海人都知道的有轨电车大幅缩减班次 要说“再见”了吗？. 看看新闻.
- ↑ "上海张江有轨电车即将停运". 轨道世界. 2023-05-26.
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||