空铁宝山示范线

空铁宝山示范线，又叫宝山空铁，是上海市宝山区顾村工业园区里向一条勒拉造个悬挂式单轨。箇条线路由羿鹏轨交公司推动建设，弗属于上海轨道交通体系，宝山区希望借伊来推动建设悬挂式单轨线网。

原定计划里向个一期会得沿宝山区富联一路造约450米个轨道，勒拉富联一路富新路、富联一路富长路两只路口附近分别设2只车站。未来会得延伸到富新路友谊西路，全长940米。线路个设计最高时速为50km/h，最小转弯半径30米，一期工程设两座车站车站，一座维保基地（也就是羿鹏轨道交通公司厂房），好采用1~4节车厢进行灵活编组。箇只系统采用GoA4无人驾驶，实现24小时运营。线路2022年8月3号开工。宝山区计划从箇条线路扩展到长约100公里个悬挂式单轨线路网。

2023年5月份，宝山区宣布空铁首期400m轨道搭仔车站已经“基本建成”。2023年9月份，线路开始调试。