上海轨道交通15号线

上海轨道交通15号线，为上海市西部个南北向径向线，途经宝山区、普陀区、长宁区、徐汇区、闵行区等5个行政区。线路起自城市西北部个顾村公园，沿祁连山路—连亮路—桃浦西路—大渡河路—古北路—古羊路—桂林路—老沪闵路—银都路—莲花南路走行，止于城市西南部个紫竹高新区站，全长约42.3km，箇是上海市一次性开通里程最长个线路。

南延伸段从紫竹高新区站，向南会得跨过黄浦江到望园路站，长约11.4公里，侪是地下线。

事故

• 2021年5月20号，根据官方通报，娄山关路站到华东理工大学站区间积水，故咾上海地铁15号线限速运行，预估延迟25分钟以上。11点37分，挂浪轨道交通蓝色预警。运营恢复正常后，蓝色预警撤销。

• 2022年1月22号下半天4点半左右，一名年长个女倌勒拉祁安路站列车门灯闪个辰光下车，结果畀屏蔽门夹牢。一位车站工作人员上前去帮忙，按照惯例拿屏蔽门调到隔离切除模式，打算手动开门，但呒没揿站里向头个急停按钮，故咾屏蔽门拿防夹牢检测忽略脱，畀无人驾驶列车错个异常解除信号，让列车仍按照原计划发动，导致乘客畀拖到屏蔽门同列车当中个缝里向。列车开仔段距离以后，畀夹牢个乘客拿应急屏蔽门轧开来，列车纔畀逼停。箇乘客畀送去医院抢救，但呒没救回来。中华人民共和国交通运输部1月26号印发《关于“1·22”上海地铁乘客伤亡等事故事件的警示通报》，就箇桩事故同前头重庆、青岛地铁个运营事故，要求深刻汲取教训，强化运营安全管理，确保人民群众生命财产安全。

参考资料

维基共享资源里向寻得着搭该篇文章搭界个多媒体资源：

上海轨道交通15号线