上海轨道交通2号线

上海地铁2号线

上海轨道交通2号线是上海第二条地下铁路，来了2000年6月11日开始运营。2号线从青浦区国家会展中心站，穿越黄浦江，到達浦东新区陆家嘴、世纪公园、张江高科，并最终抵达浦东1号2号航站楼站。2号线全长64公里，共有30个车站。

线路数据

车站列表

历史

• 1995年12月28号，2号线一期工程（中山公园站 (上海市）—龙阳路站）开工建设。设计浪全长16.3公里，总投资差弗多124亿元，设计流量是每个钟头7.27万人次（高峰）。
• 1996年3月18号，一期工程报建。
• 1999年1月15号，东延伸段工程报建。
• 1999年9月20号，（中山公园站—龙阳路站）开始观光试运行。
• 2000年4月19号，浦东中央公园站正式更名为世纪公园站。
• 2000年6月11号，（中山公园站—龙阳路站）勒拉日中心12点钟正式通车。勒拉过江区间（可以乘3站）搭仔其它区间（可以乘2站）临时采取1块洋钿个票价。
• 2000年12月26号，东延伸段（龙阳路站—张江高科站）开通运营。
• 2001年8月15号，西延伸段（中山公园站—淞虹路站）工程报建。
• 2001年11月1号，取消仔1块过黄浦江个优惠措施，恢复2块个起步价。
• 2002年12月12号，杨高南路站更名为上海科技馆站。
• 2003年12月28号，西延伸段（淞虹路—中山公园）开工
• 2005年10月22号，为仔配合6号线搭仔9号线个建设，东方路站开始封站一年。
• 2005年11月18号，东延伸段（张江高科站—浦东国际机场站）工程报建。
• 2006年6月26号，西延伸段里向，地铁列车开始试运行。
• 2006年6月30号，东延伸段个高架区间开工。
• 2006年10月19号，河南中路站更名为南京东路站，石门一路站更名为南京西路站。
• 2006年10月28号，东方路站改造结束，更名为世纪大道站后重新开放
• 2006年12月30号，西延伸段（淞虹路站—中山公园站）开通营运。
• 2007年1月30号，东延伸段（龙阳路站—浦东国际机场站）全线开工。
• 2008年5月19号，14点28分，2号线全线停运3分钟，拉响列车浪个汽笛，为勒拉汶川大地震当中不碰巧死脱个人默哀。
• 2008年7月17号，西西延伸（徐泾东站—淞虹路）开工。
• 2008年12月31号，单日客流首次突破100万人次。
• 2009年2月28号，申通集团里向进行内部改组，2号线交畀新成立个“上海地铁第二运营有限公司”管理。
• 2009年4月30号，北翟路车辆段正式投入使用。
• 2009年5月21号，阿末一列AC02型车6节扩编8节完成。
• 2009年5月28号，215号列车上线运行，实现全线列车8节编组运营。
• 2009年7月1号，人民广场站开始用屏蔽门。
• 2010年2月14号，为仔东延伸段个改造，龙阳路站—张江高科站一段停运。
• 2010年2月24号，东延伸部分（龙阳路站—广兰路站）开通试运营。
• 2010年3月16号，西西延伸（徐泾东站—淞虹路站）开通运营，当中虹桥火车站站会得跳过弗停站。
• 2010年4月8号，东延伸段（广兰路站—浦东国际机场站）开通运营，采用非高峰运营模式。
• 2010年7月1号，虹桥火车站站开放。
• 2011年9月1号，东延伸段（广兰路站—浦东国际机场站）运营时间调整为全天。
• 2012年5月7号，威宁路站启用简易屏蔽门，箇個系统也勒拉2号线搭仔其他装弗了屏蔽门个站头使用。
• 2015年9月29号，东延伸改造工程报建。
• 2016年4月25号，早高峰个辰光，部分8节编组列车会得延伸到唐镇站载客。
• 2016年8月12号，夜高峰个辰光，部分8节编组列车会得延伸到唐镇站载客。
• 2017年1月21号到2月10号，张江高科站实施临时停运改造，箇段辰光，列车会得跳过箇站弗停站。
• 2017年4月28号，箇天开始，礼拜五、礼拜六搭仔重大节假日前头个一個工作日脚会得延时运营70分钟。
• 2017年12月30号，虹桥2号航站楼站正中心个共用站台启用。
• 2018年12月28号，东延伸改造工程阶段性完工，平峰时段部分8节编组列车可以贯通运营到浦东国际机场站。
• 2019年4月19号，全天常态化8节编组列车贯通运营开始，同时保留工作日早高峰个辰光，广兰路站—浦东国际机场站当中4节编组列车个运营，取消广兰路—远东大道之间深夜单向定点加班车。
• 2019年10月23号，取消工作日早高峰个辰光，广兰路站—浦东国际机场站当中4节编组列车个运营，全时段全区间运行8节编组列车。
• 2020年1月23号到2月2号，因为徐泾东站—淞虹路站区间双向隧道进行整修施工，徐泾东站-淞虹路站区间暂停营运。
• 2021年5月24号，西延伸段工程（蟠祥路站—徐泾东站）个可行性研究报告批复
• 2022年4月1号，为仔配合新型冠状病毒疫情防控，徐泾东站-淞虹路站区间暂停营运。
• 2022年7月4号，徐泾东站-淞虹路站区间恢复运营。
• 2023年1月22号到1月27号，为仔配合线路设施改造搭仔安全整治，徐泾东站-淞虹路站区间临时停运施工。
• 2024年9月21号，徐泾东站、东昌路站搭仔浦东国际机场站分别拿名字改成功国家会展中心站、浦东南路站、浦东1号2号航站楼站。

事故

• 2014年7月26号搭7月31号，勒拉一列LoveLive!主题涂装个列车开进站头以后，有几名身着动漫衣裳个男性粉丝当场“跪下来膜拜”，引发仔争议。碰巧第十二届中国国际数码互动娱乐展览会(ChinaJoy)勒拉上海开展，盛大搭美娱两家企业包下上海地铁2号线个207号列车，畀伊涂上LoveLive!主题涂装，纔出现箇情况。7月31号，上海地铁勒拉澎湃新闻内讲，箇部列车运营到8月20号以后会得拿广告去脱。勒拉广告去脱前，箇部“痛列车”每天只会得开一個来回。

• 2015年3月10号11点26分，243号列车勒拉张江高科站上行站外触网跳闸、列车迫停，故障列车个受电弓严重损坏，事故导致2号线上海科技馆到广兰路站方向个电跳脱，箇一段车子停脱差弗多5個钟头。

• 2018年4月25号，早高峰上海科技馆—广兰路区间信号故障，龙阳路—创新中路区间实施公交接驳，沿线各個换乘站对本2号线换乘实施限流，影响时间差弗多又是5個钟头。

• 2021年4月26号上半天11点05分左右，2号线龙阳路站有乘客翻过站台个屏蔽门翻进轨道里向，工作人员连忙启动站台紧急停车装置并同步报告，及时拨打120、119。经急救人员确认，伊已经死脱。中午12点整，上海地铁表示2号线全线运营恢复正常。

未来个规划

为仔疏导国家会展中心个客流压力，根据《上海市城市轨道交通近期建设规划（2010～2015年）调整方案》，会得新增2号线西延伸段。箇個工程勒拉青浦区，向西延伸到蟠祥路站，线路正线长约1.7km，侪是地下线，投资22.3亿元，勒拉2021年6月28号开工建设，计划勒拉2024年底造好。

另外，还有从浦东国际机场站南延伸到浦东机场第3航站楼个规划。

参考文献

维基共享资源里向寻得着搭该篇文章搭界个多媒体资源：

上海轨道交通2号线