琉球国

琉球国是琉球群岛历史上第一尚氏王朝搭之第二尚氏王朝个国号，其国家领土是琉球群岛，通用个言语是琉球言语。迭个国家開初单一向明帝国朝贡，弗过，勒拉1609年（明万历三十七年，日本庆长十四年），萨摩藩个岛津氏侵入琉球，强迫琉球人向岛津氏臣服，也拿北面个奄美群岛割畀日本。弗过，为著维持搭明帝国个贸易，明面丄向，还是属于藩属国，蓋咾在明末搭后首个清帝国，琉球是向两方称臣个。立在江户幕府辰光，琉球越加受到日本个影响。明治维新後頭，日本对琉球有兼并个野心起來，先是擔琉球变成自家个保护国。後頭1874年，借因頭琉球人漂流到台湾，制造事件。到1879年，日本貤直接滅著琉球国，设置著冲绳县在哉。