吳語區

吳語區，是講今日上海、蘇南（蘇州、無錫、常州、丹陽、啟東、海門、靖江等）、安徽南（宣城許）、浙江大部份、江西東北（上饒縣、玉山縣等）、福建西北（浦城）。吳語區有上千年個歷史文化沉澱。吳語區風格多樣，有古典雅致個粉牆黛瓦，也有現代化個高樓宇廈。吳語區繁華發達，經濟競爭力交關強。大多數情況裏頭，吳語區便是吳越地區。

語言

吳語區通行吳語，講吳語個人口有8000萬多。全世界排老十，中國排老二。吳語徠國際標準組織個“ISO639－3體系”裏有獨立個語言代碼：ISO639－3 WUU 。吳語音調婉轉好聽，有“吳儂軟語”個美贊。吳語蠻多漢語古音保留落來。吳語徠讀音、詞彙、語法裏向也有蠻多獨有個地方，比方用吳語太湖片書寫個《海上花列傳》勿是吳語區個人根本望弗懂。

北部吳語

北部吳語也講太湖吳語。分佈勒蘇滬浙皖四個省市，內部通話程度交關大，統講吳語太湖片。

太湖片共67個縣市，6600萬人

毗陵小片17個縣市，1400萬人

[江蘇]常州市、武進（除沿江個圩塘、魏村、孝都、小河許鄉）、丹陽、金壇（金城鎮以西大部份是淮話移民區，城區是雙方言區）、溧陽、宜興、江陰（除西北石莊鄉搭利港鄉一部份）、無錫（西邊、馬山）、張家港（除中心河以東，沙槽河以北）、靖江（除西南角新橋、東興許鄉）、通州（縣城金沙鎮搭周圍鄉村）、海門（北邊包場許12鄉）、啟東（北邊呂四許7鄉）、溧水（孔鎮、和鳳、洪藍、東廬、晶橋、雲鶴等地）、高淳（東部顧隴、椏溪、定埠許7鄉）。 [安徽]郎溪（北部定埠、梅渚許鄉，西北部建平、東夏、幸福許鄉）、廣德（北部下寺鄉個廟西，南部蘆村鄉個甘溪溝搭東亭鄉部份村）。

蘇滬嘉小片30個縣市，3100萬人

[江蘇]通州（東南部通海區9個鄉搭東北部三余區7個鄉）、如東（東南角）、張家港（中心河以東、沙槽河以北）、啟東（除北部呂四、三甲許7個鄉）、海門（南8部）、無錫（除西部、馬山）、蘇州搭昆山、常熟、太倉。 [上海]上海市區、嘉定、寶山、浦東、奉賢、松江、金山、青浦、崇明。 [浙江]嘉興市、嘉善、桐鄉、平湖、海鹽、海寧。

苕溪小片5個縣市，300萬人

[浙江]湖州市、長興、安吉（以上兩縣西部邊境官話移民區除外）、德清、餘杭。

杭州小片1個市，280萬人

[浙江]杭州市（限城區搭周圍近郊區）。

臨紹小片12個縣市，770萬人

[浙江]臨安（舊昌化縣昌北區搭舊於潛縣北部邊境除外）、富陽、蕭山、桐廬、建德（下包、乾潭以東）、紹興市、諸暨、嵊州、新昌、上虞、余姚（弗包括東部河姆渡等鎮）、慈溪（弗包括東部觀海衛許鎮）。

甬江小片12縣市，750萬人

[浙江]寧波市、余姚（東部河姆渡等鎮）、慈溪（東部觀海衛等鎮）、鄞縣、奉化、寧海（岔路搭渠以南除外），象山、鎮海、舟山市、岱山、嵊泗。

南部吳語

南部吳語分歧大險大，片內也有部份嘸處通話。台州片語音搭北吳最接近，婺州許搭北吳有通話個可能性，東甌片搭別樣片差異最大，嘸處通話。溫州話有古百越語、古楚（荊蠻）語底層，怪得正常來講便吳語區個人溫州話也聽弗來。衢州市搭上饒市個市區話有無數太湖片個特點，搭周圍個處衢話弗樣。徠蠻話區搭閩南話區之間個金鄉鎮，人口1.6萬，是明初金鄉衛駐軍個後代，講太湖片吳語。南部吳語相鄰兩片間一許方言帶過渡性質。

上麗片23個縣市，750萬人

麗水小片9個縣，180萬人

[浙江] 麗水、宣平(今歸武義縣所轄)、雲和、景寧佘族自治縣、文成(南田鎮)、*青田(溫溪區及萬山區一部除外)、*泰順(南部閩語區及百丈鎮除外)、龍泉、慶元(東部竹坪、合湖以東除外)。

上山小片15個縣市，570萬人

[江西]上饒市、上饒縣、玉山、廣豐、德興(限隴頭)。 [浙江]松陽、遂昌、開化、常山、江山。 [福建]浦城（南部石陂、水北、臨江等五鄉的閩語區除外）。

台州片11個縣市，600萬人

[浙江]臨海、溫嶺、三門、天臺、仙居、玉環、黃岩、椒江、路橋、樂清（清江以北）、寧海（岔路以南）。

東甌片12縣市，600萬人（俗謳“甌語”）

[浙江] 樂清（清江以西）、永嘉、溫州市、甌海、里安、平陽（閩語區除外）、蒼南（閩語區除外）、文成（除南田區）、泰順（限萬丈區）、洞頭（南部洞頭、元覺、霓嶼三島東部的閩語區除外）、玉環（西南）、青田（東部溫溪區，搭萬山區個黃洋、萬山許鄉）。

金衢片13縣市，700萬人

[浙江]金華市：婺城區，金東區，蘭溪市，浦江縣，義烏市，東陽市，磐安縣，永康市，武義縣 [浙江]衢州市：柯城區，衢江區，龍遊縣 [浙江]麗水市：縉雲縣

西部吳語

宣州吳語、徽州吳語分佈勒皖南、江蘇西南部還有浙江西北角。宣吳勒太平天國個時候受過重創，流民問題嚴重，怪得蠻多江南地區弗講吳語。徽州片早日嘸濁音（北吳南吳宣吳都有濁音，濁音是吳語個準入地栿）劃出吳語，不過學術界到能界也嘸明確定論。

宣州片24個縣市，500萬人

銅涇小片12個縣市，350萬人

[安徽]銅陵、涇縣、甯國（青龍、濟川、東岸許鄉個鄉村）、繁昌、南陵（北部西部，青弋江支流靠宣城許廣大地區：東七鄉上洲村、姚義村、東塘鄉、太豐鄉，東河鄉及東南吳灘鄉一帶）、宣城（限北部西部搭南部溪口鄉）、蕪湖縣（萬春區除外）、當塗（限東部南部）、青陽（童埠、杜村二鄉搭酉華鄉楊柳地、丁橋茗山，獨龍）、貴池（東部）、石台（東部，包括舊城關廣陽）、太平（劃進黃山市。西部楊家嶺一帶，北部龍門以北）。

太高小片7個縣市，130萬人

[安徽]太平（劃進黃山市，東部南部）、甯國（限南部南極等鄉）、當塗（限東部湖陽鄉許）、博望區。 [江蘇]高淳（西部）、溧水（南部，縣城是南京吳語搭江淮官話個分界）。 [浙江]臨安（舊昌化縣個昌北區）。

石陵小片5個縣市，20萬人

[安徽] 石台（石埭，中部）、青陽（東南陵陽等鄉，包括城關舊派）、涇縣（限西南厚岸、包合、水東三鄉）、太平（劃進黃山市。西北三豐地區部份鄉村）、貴池（限南部灌口一帶）。

徽州片20個縣區，450萬人

[安徽]屯溪區、徽州區、黃山區（黃山南部湯口一帶）、歙縣、休寧縣、黟縣、祁門縣（安淩話主要為安淩鎮周邊一帶）、績溪縣、旌德縣（西鄉）、石台縣（占大）、甯國市（胡樂）、東至縣（西南郎木塔一帶） [浙江]淳安縣、建德市、臨安市（昌化以西）、桐廬縣（西部）、開化縣（北部馬金地區） [江西]婺源縣、德興市、浮梁縣

沿革

春秋個時候北邊吳語區立吳國，南邊吳語區立越國；到戰國，整個吳語區先屬越國後屬楚國。秦朝整個吳語區都屬會稽郡；到漢朝分屬丹陽郡、吳郡、會稽郡；三國立吳國；唐朝屬江南道（江南東道稱江東，上饒宣城許江南西道稱江西）後晚亦名字浙江西路搭浙江東路；五代吳語區立吳越國，西邊後晚畀吳國佔領，後晚亦屬南唐；宋朝都屬兩浙路（錢塘江西北是兩浙西路，錢塘江東南是兩浙東路）；元朝都屬江浙行省；明朝，能界個蘇南皖南搭杭嘉湖劃進南直隸中央府，後晚杭嘉湖劃畀浙江，吳地從耷起拆分。上向是能界個吳語區，隋唐前，能界個揚州、南京、鎮江也是吳語區。