海上花列传
（从海上花列傳转戳到箇里）
《海上花列传》是顶顶有名个吴语小说，作者是江苏松江府（今属上海市）人韩邦庆。
全书拿官白搭苏白写成，对话侪用苏白是该本书个鲜明特点，用苏白也是19世纪兴起个吴语小说个共同特点。
历史画面
[编辑]《海上花列传》展示中国古老宗法社会向现代工商社会转变个辰光个历史画面[1]，弗同于传统小说个人物关系设置搭仔氏族血统安排，《海上花列传》小说里向写个是海上妓女，弗甚了解俚个出身背景籍贯；描述个是一座无根个真正个现代工商都会，啥口音侪有、各色人等到处是个移民城市。[1]
评价
[编辑]《海上花列传》受到过胡适个大力推崇，为之写序重刊，认为俚是吴语文学第一部杰作：
“
《海上花》是吴语文学的第一部杰作。苏白的文学的正式成立，要从《海上花》算起。韩子云与他的《海上花列传》真可以说是给中国文学开了一个新局面了。希望他们（说吴语的文人）继续发展这个已经成熟的吴语文学的趋势。《海上花》的胜利不单是作者私人的胜利，乃是吴语文学的运动的胜利。
”
——胡适
张爱玲也交关欢喜该本书，来20世纪80年代拿俚翻译成功国语搭英文。张爱玲来拨胡适个信里讲：“《醒世姻缘》和《海上花》一个写得浓，一个写得淡，但是同样是最好的写实的作品。我常常替它们不平，总觉得它们应当是世界名著。”
对吴语正字法个影响
[编辑]《海上花列传》对吴语正字法个影响也是交关深远个。俚是近代吴语文学个代表，来遣词造句浪已经搭当代吴语无拨多少两样，所以后来个交关吴语文学作品包括吴语研究文章里向个吴语词汇个写法，侪受俚个影响。
搭界个条目
[编辑]参考
[编辑]- ↑ 1.0 1.1 《海上花列传》与中国现代文学的起源. 原始文档勒2016-03-04存档. 访问日脚2024-10-21.
外头连接
[编辑]- 海上花列传 - 开放文学 档案，存勒互联网档案馆当中。（2014年7月2号）